Fréttatíminn - 24.10.2014, Qupperneq 18

Kvikmyndagerð er frumkvöðlastarf
Agnes Johansen er nafn sem margir hafa séð þegar „kredit-
listar“ íslenskra bíómynda birtast í lok myndanna. Kannski eru
ekki margir sem vita hver hún er. Agnes er kvikmyndafram-
leiðandi og hefur unnið við kvikmynda- og sjónvarpsframleiðslu
í næstum 30 ár. Hún hefur unnið náið með Baltasar Kormáki
síðustu 10 ár og er einn framleiðanda hjá fyrirtæki hans, RVK
Studios.
É g byrjaði að vinna hjá Sjónvarp-inu árið 1985 svo þetta er orðinn langur tími,“ segir Agnes. „Fór svo
að vinna hjá Sagafilm ‘94 eða 5 þegar þar
var stofnuð dagskrárdeild. Var þar í tvö
ár og svo vann ég við hin ýmsu verkefni
þangað til að ég fór að vinna með Balt-
asar í Hafinu og hef verið viðloðandi hans
framleiðslu síðan,“ segir Agnes. Hafið var
gerð árið 2002 og síðan þá hefur Agnes
unnið að framleiðslu 10 kvikmynda.
„Það stóð til að ég mundi hjálpa honum
aðeins og ég hef verið hér síðan.
Ég hafði menntað mig í kennslu-
fræðum og var danskennari og þetta var
alls ekki eitthvað sem ég ætlaði mér þeg-
ar ég byrjaði á RÚV. Ég byrjaði í barna-
efni hjá þeim. Sá um Stundina okkar og
fleira sem var mjög skemmtilegt. Seinna
fór ég yfir á Stöð 2 og stjórnaði þar spurn-
ingaþætti ásamt því að sjá um barnaefnið.
Það er svo langt síðan þetta var að mér
finnst þetta hafa verið í öðru lífi,“ segir
Agnes. „Svo festist maður bara í þessum
bransa eins og svo margir.“
Er það ekki algengt hjá þeim sem
starfa í kvikmyndagerð að festast í verk-
efnum og árin líða? „Jú, það er þannig og
það hefur sína kosti og galla, en þetta er
skemmtilegt. Þegar ég byrjaði hjá Stöð 2
þá var maður bara eyland. Ég sá um dag-
skrárniðurröðun, var í innkaupum, sá um
innlenda framleiðslu og talsetningu. Svo
sat ég í dagskrárráði og maður þurfti að
taka á mörgu. En á móti kemur að enginn
dagur er eins og maður hefur frjálsræði.
Mér finnst alltaf skemmtilegra í smá
óreiðu og vera í frumkvöðlaumhverfi.
Það er skemmtileg orka og maður lærir
margt,“ segir Agnes.
Eltist um 15 ár við að gera Hafið
Er það ekki kostur íslenskra kvikmynda-
gerðarmanna að þeir hafa prófað nánast
allt? „Mér finnst það kostur og það er
misjafnt hvað fólki finnst. Auðvitað má
setja þetta í annan farveg. Þegar ég var að
byrja þá vorum við að slíta barnsskónum
í þessum bransa. Svo stækka hlutirnir
og þá þarf að fara að vinna eftir öðrum
vinnureglum,“ segir Agnes. „Það er líka
gaman, en öðruvísi.“
„Þegar ég byrjaði að vinna með Balta
þá hafði verið lægð í íslenskum kvikmynd-
um og ég man að það var mikil óánægja
hjá þeim sem vinna við iðnaðinn. Fólk var
að fá seint og illa greitt og slíkt. Okkur
langaði báðum að taka þetta aðeins lengra
og það hefur verið skýrt markmið að ná
okkur sem iðnaði betri, standa okkur
betur. Það er drifkraftur sem gaman er að
vinna með. Við höfum unnið síðustu 12 ár
í pínulitlu fyrirtæki með örfáum hræðum
því það var alltaf markmiðið að gera bara
kvikmyndir. Þetta er mikið hark og í dag
eru allar kvikmyndir okkar unnar með
meðframleiðendum erlendis frá. Það er
ekki hægt öðruvísi.“
Þetta hlýtur að taka svolítið á, ekki
satt? „Þetta er rosaleg áhætta í hvert
sinn. Þetta er ekki eins og að gefa út bók
eða plötu. Þetta er töluvert stærra en
það,“ segir Agnes. „Kvikmyndir eru þó
Kvikmyndir
sem Agnes hefur
unnið að sem
framleiðandi.
1999
Citizen Cam, stuttmynd
2002
Hafið
2003
Stormviðri
2004
Dís
2005
A Little Trip To Heaven
2006
Mýrin
2008
Brúðguminn
2008
Reykjavík Rotterdam
2010
Sumarlandið
2012
Djúpið
2014
Fúsi
Agnes Johansen er
reynslubolti í íslenskri
kvikmyndagerð. Mynd/Hari
Framhald á næstu opnu
18 viðtal Helgin 24.—26. október 2014