Fréttatíminn - 30.12.2014, Síða 22

H
ann er frábær sögumað-
ur. Þess vegna virkar
bíómyndin hans svo vel
og þess vegna virka leik-
sýningarnar hans. Hann
er gríðarlega forvitinn og það er aldrei
ládeyða innra með honum.“ Þannig lýsir
Halldóra Geirharðsdóttir leikkona Bene-
dikt Erlingssyni, leikara og leikstjóra,
sem ritstjórn Fréttatímans hefur valið
mann ársins 2014.
Fyrsta kvikmynd Benedikts í fullri
lengd, Hross í oss, var frumsýnd á
haustmánuðum í fyrra en sigurganga
kvikmyndarinnar og Benedikts sem
leikstjóra á kvikmyndahátíðum víða
um heim hefur verið nánast óslitin síð-
an. Hún var valin mynd ársins á Eddu-
verðlaununum, hefur hlotið um þrjátíu
alþjóðleg verðlaun, þar á meðal á al-
þjóðlegu kvikmyndahátíðinni í San Se-
bastian og í lok október var Hross í oss
fyrsta íslenska myndin til að hljóta hin
eftirsóttu Kvikmyndaverðlaun Norður-
landaráðs. Sýningarréttur að mynd-
inni hefur verið seldur til yfir 40 landa
í öllum heimsálfum og hefur verið sýnd
jafnt í Japan, Ástralíu og Rússlandi. Þá
var hún á dögunum á lista kvikmynda-
ritsins Empire yfir 50 bestu kvikmyndir
ársins 2014.
Lætur ekki vaða yfir sig
Áður en myndin sló svo rækilega í
gegn sagðist Benedikt vera farinn að
reyna fyrir sér í harkinu vegna þess
hve íslensk yfirvöld hefðu skorið niður í
styrkjum til kvikmyndagerðar. Eftir að
Benedikt veitti Kvikmyndaverðlaunum
Norðurlandaráðs viðtöku við hátíðlega
athöfn í Stokkhólmi, ásamt Friðriki
Þór Friðrikssyni framleiðanda mynd-
arinnar, hélt leikstjórinn þakkarræðu
þar sem hann hvatti hátíðargesti til að
ræða við þá íslensku stjórnmálamenn
sem veisluna sóttu um mikilvægi kvik-
myndagerðar en í ræðunni sagði Bene-
dikt meðal annars: „Hér í salnum sitja
íslenskir stjórnmálamenn sem skáru
niður fjárframlög til kvikmyndagerðar
um 42 prósent á þessu ári, en í kjölfar
efnahagshrunsins skáru þeir fjárfram-
lögin niður um þrjátíu prósent. Þannig
að við erum stödd í miðri katastrófu. ...
Þetta gætu orðið góðar samræður og
gefið þessu mjög dýra partýi einhverja
þýðingu fyrir okkur.“
Halldóra segir Benedikt vera það
eðlislægt að segja það sem honum býr
í brjósti hverju sinni. „Hann er alltaf til
í að rugga bátnum og láta ekki vaða yfir
sig en hann gerir það gjarnan á húm-
orískan hátt. Það eru ekki margir sem
hefðu notað þetta tækifæri í Svíþjóð til
að koma pólitískum skilaboðum á fram-
færi, nýkomnir úr kurteisu kokteilboði
með ráðherrum. Honum er eðlilegt að
vera sýnilegur með skoðanir sínar en
það býr alltaf kærleikur að baki. Hann
er hjartahrein og góð manneskja,“ seg-
ir hún en þrátt fyrir að hafa þekkst frá
barnsaldri urðu þau fyrst virkilega náin
við uppsetninguna Benedikts á Orms-
tungu.
Benedikt er fæddur þann 31. maí 1969
og uppalinn í Reykjavík. Hann útskrifað-
ist frá Leiklistarskóla Íslands árið 1994,
hann hefur leikið fjölda hlutverka á sviði,
í sjónvarpi og kvikmyndum – en flestir
muna eflaust eftir honum úr sjónvarps-
þáttunum sívinsælu Fóstbræðrum sem
raunar fóru fyrir brjóstið á einhverjum.
Benedikt hefur einnig leikstýrt verkum
í Borgarleikhúsinu og Þjóðleikhúsinu.
Hann er kvæntur leikkonunni Charlotte
Bøving og saman eiga þau þrjár dætur,
Önnu Róshildi 15 ára og tvíburasysturn-
ar Freyju og Brynju 6 ára.
Mætti í jakkafötum til að fá
virðingu
Halldór Gylfason leikari er góðvinur
Benedikts og hefur unnið mikið með
honum í gegnum tíðina. „Ég lék í flestu
sem hann setti upp þegar hann var að
byrja að leikstýra. Hann er frábær leik-
stjóri, hrikalega skemmtilegur og mik-
ill sagnamaður. Eitt af því sem hann
kenndi mér og ég hef reynt að tileinka
mér er æðruleysi sögumanns. Fyrst átt-
aði ég mig ekki á því hvað hann átti við
en hann sagði að æðrulaus sögumaður
væri sá sem tæki sér pláss og segði sög-
una óttalaus. Hann sagði líka einu sinni
við mig að ég væri uppáhalds leikarinn
hans því ég væri svo óleikaralegur,“ seg-
ir Halldór stoltur.
Hann kann fjölmargar skemmtilegar
sögur af Benedikt sem leikstjóra. „Einu
sinni fannst honum hann ekki njóta
nógu mikillar virðingar hjá leikhópn-
um þannig að einn daginn mætti hann
í jakkafötum, svakalega fínn, og sagð-
ist sannfærður um að hann fengi meiri
virðingu ef hann væri í jakkafötum.
Hann sagði þetta með húmor en samt
ekki. Hann hélt út í jakkafötum í heila
tvö daga. Nokkru síðar fannst honum
hann aftur vera að missa tökum á leik-
hópnum og ákvað þá að tala við okkur
á ensku til að halda okkur við efnið, og
sagði þá kannski við mig: „Dóri, I want
you to come in on the right side of the
stage and talk louder.“ Þessu hélt hann
til streitu í einn dag,“ segir Halldór og
hlær. „Í eitt skiptið þegar við vorum að
leika saman var Benedikt mjög ósáttur
við hvernig ljóskösturunum var beint
að sviðinu. Ljósameistarinn neitaði að
breyta þessu og í mótmælaskyni mætti
Benedikt með sólgleraugu á æfingu.
Mér finnst mjög einkennandi fyrir
hann hvað hann getur verið alvarlegur
en samt fyndinn, og maður sér þá alltaf
lítið blik í augunum.“
Með gat á buxunum
Benedikt hefur verið kvændur Char-
lotte um árabil en þau heilluðust hvort
af öðru í Danmörku hér um árið. „Hann
hefur sterka útgeislun og mikla pers-
ónutöfra. Hann hefur mikinn kraft en
er líka svo blíður,“ segir hún. Eitt af því
sem hefur einkennt Benedikt öll þessi
ár er hversu sama honum er um hvernig
hann er klæddur. „Mér finnst líka mjög
skrýtið hvernig honum tekst alltaf að
gera göt á hnén á buxum, jafnvel nýleg-
um buxum. Hann fer samt alltaf aftur í
buxurnar, með gat á hnjánum. Honum
finnst hann alltaf jafn sætur og það séu
ekki fötin sem skipta máli,“ segir hún
kómísk. „Þegar kona, sem er búin að
vera með honum í 17 ár, bendir honum
á að hafa aðeins meira fyrir fatnaðinum
gefur hann alltaf mjög lítið fyrir það. Það
segir kannski sitt um hann hvað honum
finnst hann sætur, sama hvað.“
Charlotte segir erfitt að nefna galla
á Benedikt og aðspurð segir hún hann
aldrei vera óþægilegan út á við. „Hann er
mjög meðvirkur maður þannig að hann
er aldrei óþægilegur út á við. Fólk talar
almennt vel um hann. Fólk í leikhúsinu
vill vinna með honum og hann er bara
frekar vinsæll.“
Skúli Magnússon, héraðsdómari og
dósent við lagadeild Háskóla Íslands,
hefur þekkt Benedikt frá því þeir voru á
leikskóla saman. Þeir eru nánir vinir og
jafn stutt í grafalvarlegan húmorinn hjá
Skúla og Benedikt. „Benedikt er hæfi-
leikaríkur og fer ekki leynt með það.
Hann leyfir öðrum að njóta hæfileika
sinna í ríkum mæli. Sumum finnst hann
skemmtilegur og jafnvel fyndinn en það
eru nú skiptar skoðanir um það meðal
vina hans,“ segir Skúli. Hann bendir
á að Benedikt hafi nýtt sér íslenskan
sagnaarf ótæpilega við listsköpun sína.
„Sumum hefur fundist óskaplega frum-
legt að segja fólki Íslendingasögurnar
en vinum hans finnst þetta vera gamalt
vín á ekkert svo nýjum belgjum. Svo er
það náttúrulega þessi nýja bíómynd. Þar
er Benedikt búinn að taka ýmsar munn-
mælasögur og jafnvel þjóðsögur og mat-
reiða þannig að meira að segja útlend-
ingum finnst þetta skemmtilegt,“ segir
Skúli alvarlegur í bragði en bætir síðan
við: „Hann er auðvitað sannarlega vel að
öllum þessum verðlaunum kominn. Og
svo er hann einstaklega vel kvæntur.“
Erla Hlynsdóttir
erla@frettatiminn.is
Sætur og
veit af því
Benedikt Erlingsson er maður
ársins 2014 að mati ritstjórnar
Fréttatímans. Samferðamenn
hans segja hann vera mikinn
sögumann og þess vegna
virki bíómyndin hans og
leiksýningarnar jafn vel og
raun ber vitni. Benedikt er
afar húmorískur maður en
getur verið grafalvarlegur á
sama tíma þannig að ókunn-
ugir vita ekki hvort skal brosa
eða hlæja. Hann gekk lengi
með kvikmyndina Hross í oss
í maganum en það er fyrsta
myndin í fullri lengd sem hann
leikstýrir.
Benedikt Erlingsson, maður ársins 2014 að mati
ritstjórnar Fréttatímans, hefur vakið heimsathygli
fyrir kvikmyndina Hross í oss. Sýningarréttur að
myndinni hefur verið seldur til yfir 40 landa og
hún hefur verið hlaðin verðlaunum. Ljósmynd/Hari
Hross í oss hefur
hlotið um þrjátíu
alþjóðleg verðlaun,
og í lok október
varð hún fyrsta ís-
lenska myndin til að
hljóta hin eftirsóttu
Kvikmyndaverðlaun
Norðurlandaráðs.
22 maður ársins Áramótin 30. desember 2014–1. janúar 2015