Fréttatíminn - 30.12.2014, Blaðsíða 54

 Matur Nýr veitiNgastaður sækir NafN sitt til bókar Helgu sigurðardóttur
Íslenskt, ferskt og gott úti á Granda
Í gamla Ellingsen húsinu við
Grandagarð standa yfir fram-
kvæmdir þessa dagana. Í janúar
mun þar opna nýr veitingastaður
sem heitir Matur & drykkur. Gísli
M. Auðunsson sem undanfarin ár
hefur rekið veitingastaðinn Slipp-
inn í Vestmannaeyjum er einn af
þeim sem standa að þessum nýja
stað. „Þetta gengur framar vonum
og við opnum um miðjan janúar,“
segir Gísli. „Nafnið á staðnum er
tilvitnun í gömlu uppskriftabók-
ina frá Helgu Sigurðardóttur sem
hét Matur & drykkur. Markmið
staðarins er að nota mikið af ís-
lensku hráefni og taka þessar
gömlu íslensku uppskriftir skref-
inu lengra,“ segir Gísli sem hefur
verið að undanförnu verið að fá
heimildir frá sagnfræðingum og
þjóðháttafræðingum um matar-
gerð og íslenskar matvörur úr
náttúrunni.
„Þetta verður umfram allt ferskt
og gott,“ segir Gísli. „Það eru svo
margar frábærar gamlar íslenskar
aðferðir sem enn er verið að nota.
Það gleymist oft að Íslendingar
borða bara þorramat í stuttan tíma
á ári, en annars ferskmeti,“ segir
Gísli. Matur & drykkur
opnar um miðjan janúar
og verður hann opinn bæði
í hádeginu og á kvöldin.
„Fyrst um sinn verðum við
bara með opið þrjú kvöld í
viku, en fjölgum þeim með
hækkandi sól,“ segir Gísli
sem mun einnig reka Slipp-
inn í Eyjum áfram á sumrin
eins og hann er vanur. -hf
Gísli Auðunsson opnar nýjan veitingastað í
gamla Ellingsen-húsinu úti á Granda í janúar.
Harpa Arnar-
dóttir leikstjóri
segir Ibsen skoða
innsta kjarna
mannlegs
eðlis.
 leiklist Harpa arNardóttir stýrir jólasýNiNgu borgarleikHússiNs
Klárar mastersgráðu í HÍ og
leikstýrir í stóru leikhúsunum
Jólasýning Borgarleikhússins í ár er Dúkkuheimili, eftir norska skáldið Henrik Ibsen í þýðingu
Hrafnhildar Hagalín. Leikstjóri sýningarinnar, Harpa Arnardóttir, segir verkið standast tímans
tönn svo um munar, þrátt fyrir að vera orðið 135 ára gamalt. Harpa hefur leikstýrt í báðum stóru
leikhúsunum í vetur meðfram meistaranámi í HÍ auk þess að leika í kvikmyndinni Blóðberg.
Unnur Ösp Stefánsdóttir í hlutverki Nóru.
Þ etta er búið að ganga æðislega vel,“ segir Harpa Arnardóttir leikstjóri þegar hún er spurð út í undirbún-
ingsferli jólasýningar Borgarleikhússins
í ár, Dúkkuheimili, sem frumsýnt verð-
ur í kvöld, þriðjudaginn 30. desember.
„Dúkkuheimili er nýtt nafn, svo til, þar
sem flestir þekkja verkið undir nafninu
Brúðuheimilið. Fyrsta nafnið var Heim-
ilisbrúðan og Hrafnhildur Hagalín, sem
þýðir verkið, ákvað að Dúkkuheimili
væri réttnefni. Þar er hún
að vitna í texta frá að-
alpersónunni Nóru
þar sem hún talar
um dúkkur í loka-
kaflanum,“ segir
Harpa. „Dúkka er
líka töluvert nær
nútímanum en
brúða, annars
er nafnið ekki
aðalatriðið ef
innri rök halda
í verkinu,“ seg-
ir Harpa.
Með aðal-
hlutverkin
í Dúkku-
heimili
Ibsens í
Borgar-
leik-
húsinu
fara
þau
Unn-
ur
Ösp
Stef-
áns-
dóttir
sem
leikur Nóru, Hilmir Snær Guðnason, Þor-
steinn Bachmann, Arndís Hrönn Egils-
dóttir og Ingvar E. Sigurðsson.
Harpa hefur verið iðin við leikstjórn í
vetur og fyrr í vetur frumsýndi hún Kar-
ítas í Þjóðleikhúsinu. „Það var eiginlega
fyrir tilviljun,“ segir Harpa. „Dúkkuheim-
ili átti upprunalega að frumsýna eftir ára-
mót, en var svo fært og ég hélt að ég þyrfti
að gefa það frá mér en sem betur fer gekk
þetta allt saman upp,“ segir Harpa.
„Dúkkuheimili stenst tímans tönn á
undraverðan hátt. Það gæti hæglega verið
nýtt íslenskt verk. Ibsen hafði greinilega
djúpan skilning á mannlegu eðli og hann
setur fram spurningar um eðliseiginleika
mannsins á stórkostlegan hátt,“ segir
Harpa. „Þrátt fyrir að hafa skrifað verk-
ið fyrir 135 árum þá er maðurinn enn að
efast um sínar tilfinningar og sína eigin-
leika.“
Harpa hefur verið starfandi í leiklist-
inni í 25 ár en hún segist leikstjórnina
ekkert endilega vera að taka yfir. „Ég hef
enn svo sterkar rætur sem leikkona, þrátt
fyrir að Dúkkuheimili sé mitt tíunda leik-
stjórnarverk,“ segir Harpa. „Það eru tvær
hliðar á þessum peningi og það er gríðar-
lega þroskandi að vera báðum megin við
leiksviðið. Ég var síðasta sumar að leika í
kvikmyndinni Blóðberg eftir Björn Hlyn
Haraldsson og mun í janúar klára þær tök-
ur,“ segir Harpa þegar hún er spurð út í
hvað sé fram undan.
„Kvikmyndin Blóðberg verður frum-
sýnd á næsta ári. Svo ætla ég að útskrifast
með mastersgráðu í ritlist frá HÍ í sumar
svo lífið er einn rannsóknarleiðangur,“
segir Harpa Arnardóttir, leikkona og leik-
stjóri.
Hannes Friðbjarnarson
hannes@frettatiminn.is
Björn Jörundur
spreytir sig í
söngvakeppninni
Enn hefur ekkert bólað á
tilkynningu frá RÚV um það
hvaða höfundar eigi lag í
söngvakeppni sjónvarpsins
á næsta ári, þrátt fyrir að
það sé búið að tilkynna höf-
undum um þeirra þátttöku.
Meðal þeirra höfunda sem
eiga lag í keppninni eru
Karl Olgeirsson, Ásta Björg
Björgvinsdóttir, sem átti
lagið Eftir eitt lag sem Gréta
Samúelsdóttir söng í fyrra,
og reynsluboltinn Björn
Jörundur Friðbjörnsson sem
er að taka þátt í fyrst sinn.
Kvöldgestir á
Gauknum
Hljómsveitin The Evening Guests
sem starfrækt er af tónlistarmann-
inum Jökli Jónssyni, sem búsettur
er í Los Angeles, heldur tónleika á
Gauknum laugardaginn 3. janúar.
Jökull, sem hefur að undanförnu
leikið hlutverk í söngleiknum Litlu
hryllingsbúðinni í Los Angeles, mun
leika hlutverk Rogers í söngleiknum
RENT þar í borg eftir áramót.
Kvöldgestirnir stefna á frekari upp-
tökur og tónleikahald ytra á nýju
ári og stefnt er á að spila á Iceland
Airwaves næsta haust. Húsið opnar
klukkan 20 og sérstakir gestir
verða hljómsveitirnar Kiss The
Coyote og Sinister Trio.
Tony Goldwyn sló í gegn í
hlutverki Bandaríkjaforseta í
þáttunum Scandal.
Bandaríkjaforseti úr Scandal á Íslandi
Ísland nýtur sívaxandi vinsælda meðal
fræga fólksins og nýjasti Íslands-
vinurinn er enginn annar en leikarinn
Tony Goldwyn sem hefur leikið sig
inn í hug og hjörtu kvenþjóðarinnar í
hinum geysivinsælu Scandal-þáttum.
Þrjár þáttaraðir hafa þegar verið
sýndar á SkjáEinum en sú fjórða er
í sýningu í Bandaríkjunum. Tony fer
þar með hlutverk forseta Banda-
ríkjanna, Fitzgerald „Fitz“ Grant,
sem á í eldheitu ástarsambandi við
aðalhetju þáttanna, hina úrræðagóðu
Oliviu Pope.
Tony hefur ákveðið að kæla sig aðeins
niður í kringum hátíðirnar og sást
meðal annars til hans á vélsleða um
helgina þar sem hann virtist skemmta
sér afar vel. Tony er eldri en tvævetur
í kvikmyndabransanum en hann lék
meðal annars illmennið í stórmynd-
inni Ghost árið 1990 og ljáði Tarzan
rödd sína í samnefndri Disney-mynd
árið 1999. - eh
54 dægurmál Áramótin 30. desember 2014–1. janúar 2015