Fréttatíminn - 28.11.2014, Page 70

70 heilsa Helgin 28.-30. nóvember 2014
Silkimjúk lífræn
soja- og hrísmjólk
Heilsusamlegur
og góður valkostur
í stað kúamjólkur.
www.ricedream.eu
 Heilsa sjálfsfróun er góð fyrir líkamlega og andlega Heilsu
Sjálfsfróun kvenna er sveipuð
leyndarhjúpi og þykir mjög
viðkvæmt að ræða hana.
Sænsk kynfræðslusamtök
standa nú fyrir keppni um
orð fyrir það þegar konur
fróa sér og er markmiðið að
opna umræðu um sjálfsfróun
kvenna. Stúlkur byrja gjarnan
seinna en drengir að gæla
við sig en sjálfsfróun er ekki
bara góð fyrir líkamlega og
andlega heilsu heldur er hún
mikilvægur þáttur í að læra á
líkama sinn.
s jálfsfróun kvenna hefur löngum verið mikið tabú og þykir gjarn-an mikið feimnismál að ræða
hvort, hvenær og hvernig konur fróa
sér. Þetta er arfleifð af gömlum tíma
þar sem konur áttu að vera passívar,
þrátt fyrir ólgandi ástríður innra með
sér. Þörf karlmanna til að fá kynferð-
islega útrás hefur alltaf verið viður-
kennd og í flestum tungumálum eru
jafnvel til mörg skondin orðasambönd
yfir sjálfsfróun karla. Karlar flengja
apann, kippa í kjúklinginn eða temja
drekann sinn. Konur fróa sér.
Í Svíþjóð stendur nú yfir sam-
keppni um besta orðið yfir sjálfsfróun
kvenna. Keppnin er á vegum sænskra
samtaka um kynfræðslu og er mark-
mið keppninnar ekki aðeins að finna
gott orð heldur einfaldlega að koma
sjálfsfróun kvenna í umræðuna.
Markmiðið er að konur, og karlar,
líti á það sem eðlilegan hlut að konur
gæli við sig sjálfar. Meðal orða sem
hafa borist eru „klittra“, „pulla“ og
„selfa“ en besta orðið verður valið á
næsta ári.
Stúlkur byrja að jafnaði seinna
að fróa sér en drengir og hafa kyn-
fræðingar bent á að forsenda þess að
njóta kynlífs með öðrum aðila sé að
þekkja líkama sinn. Þannig er konan
líka betur í stakk búin til að leiðbeina
rekkjunaut sínum í ástarleikjum til að
fá sem allra mest út úr þeim. Sjálfsfró-
un hefur því marga kosti.
Misjafnt er hversu fjölbreytileg
sjálfsfróunin er og sumar kjósa að
nota alltaf sömu gamalreyndu aðferð-
ina. Sjálfsfróun er afar góð fyrir and-
lega og líkamlega heilsu og áhuga-
samar geta hér til hliðar fræðst nánar
um fimm vel reyndar aðferðir.
Erla Hlynsdóttir
erla@frettatiminn.is
Næmlegar
nautnir
kvenna