Frjáls verslun - 01.03.2013, Síða 75

FRJÁLS VERSLUN 3. 2013 75
fimm lykilþættir
sannrar forystu
Til að ná árangri sem sannur leiðtogi (e.authen ticlea der)
þarf að huga að fimm lykilþáttum samkvæmt höfundi
True North. Þessir lykilþættir hjálpa leiðtogan um að átta
sig á því hvers vegna hann er í hlutverki sínu (e. pur-
pose) og hjálpa honum að beina kastljósinu að öðrum í
leiðtogaþróun sinni í stað sjálfs sín og rækja það hlut verk
sitt að þróa aðra leiðtoga úr hópi starfsmanna sinna.
Sjálfsþekking (e. selfawareness): Hver er sagan mín,
hverjir eru styrkleikar mínir og tækifæri til vaxtar? Þessi
þáttur er grunnur að öllum hinum og er þess vegna í
miðju áttavitans. Ef sjálfs þekkingin er ekki fyrir hendi er
erfitt að átta sig á hinum þáttunum fjórum.
Gildi (e. values): Hver eru grunngildi mín? Hvaða lífs-
reglur hafa áhrif á hvernig ég leiði? Þegar við vitum fyrir
hvað við stöndum getum við byggt ákvarðanir okkar og
aðgerðir á traustum grunni og eigum auðveldara með
að standast „freistingar“ og látum síður aflegaveiðast.
Hvað hvetur mig (e. sweetspots): Hvað er það sem
rekur mig áfram og hvernig næ ég jafnvægi milli ytri
og innri hvatningar? Þegar við vitum hvað það er sem
drífur okkur áfram er auðveldara að nýta þá þætti
markvisst og þannig ná
meiri árangri.
Stuðningur (e. supportteam): Til hverra get ég leitað
eftir þeim stuðningi sem ég þarf á að halda í vegferð
minni sem leiðtogi? Leiðtoginn stendur mjög oft einn
og því er honum nauðsynlegt að hafa einhverja í kring-
um sig sem hann getur leitað til og speglað sig í.
Jafnvægi (e. integratedlife): Til að ná árangri þurfum
við að átta okkur á því hvernig við getum náð jafnvægi
milli ólíkra þátta lífs okkar og þannig átt hamingjuríkara
líf í leik og starfi.
„Hinn fullkomni leiðtogi er ekki til. Því verður enginn fullkominn leiðtogi með því að reyna
að apa eftir öðrum. Sanni leiðtoginn er sá sem finnur sinn tilgang sem leiðtogi.“
fjögur lögmál um
leiðtoga
1. Þú þarft ekki að hafa meðfædd einkenni leiðtoga til að
verða leiðtogi.

2. Þú þarft ekki að bíða eftir því að einhver segi
„þú ert’ann“ til að verða leiðtogi.

3. Þú þarft ekki að eiga sæti efst í skipuritinu til
að vera leiðtogi.

4. Þú getur stigið inn í leiðtogahlutverkið hvenær
sem er á lífsleiðinni.
út af sporinu
Við höfum séð fjölda leiðtoga á undanförnum árum fara út af sporinu.
Leiðtogar gera mistök eins og við hin. Höfundur heldur því fram að ef
leiðtoginn hefur ekki sterkan áttavita í formi fimm lykilþátta sannrar forystu
(sjá mynd) verði hættan á því að fara út af sporinu meiri eða með öðrum
orðum að leiðtoginn taki ákvörðun eða framkvæmi eitthvað úr takti við
gildi sín og lífsreglur.
Í bókinni eru skilgreindir fimm eiginleikar sem öðrum fremur stuðla að
því að leiðtogar fara út af sporinu. Með því að þekkja þessa fimm eigin-
leika geta leiðtogar komið í veg fyrir að þeir vinni fyrirtækjum sínum og
sér sjálfum skaða með breytni sinni og verði í staðinn sannir leiðtogar.
Þessi einkenni eru svikarinn sem skortir sjálfsþekkingu og sjálfstraust,
rökhyggjumaðurinn sem breytir á skjön við gildi sín, framapotarinn
sem þráir frægð og frama, einfarinn sem lætur hjá líða að byggja upp
stuðningsnet í kringum sig og spretthlauparinn sem fer svo hratt yfir að
hann nær ekki jafnvægi í lífi sínu. Það er afar áhugavert fyrir leiðtoga að
lesa lýsingar þessara einkenna og spegla sinn eigin leiðtogastíl í þeim og
þannig koma í veg fyrir að einhver þeirra hamli árangri.
æfingin skapar meistarann
Máltækið „auðveldara um að tala en í að komast“ á vel við bókina True
North. Þau einkenni sterkra leiðtoga sem þar er farið í gegnum eru svo
sem engin ný vísindi en það getur verið hægara sagt en gert að tileinka
sér þá hegðun sem í bókinni er lýst. Til að koma í veg fyrir að lesandinn
lesi bókina án þess að gera nokkurn skapaðan hlut til að breyta hegðun
sinni vísar höfundur í lok hvers kafla í æfingar í viðauka til að vekja þann
sem les enn frekar til umhugsunar um eigin hegðun og á hvaða sviðum
þarf að gera betur til að ná meiri árangri.
Þessar æfingar eru ekki flóknar en krefja þann sem þær gerir til um-
hugsunar um leiðtogastíl sinn. Segja má að með því að gera æfingarnar
sé óhjákvæmilegt annað en að horfa í spegilinn og skoða sjálfan sig ítar-
lega. Með því að vinna æfingarnar er lesandinn í raun að fara í gegnum
Fimm lykilþætti sannrar forystu og endar á því að skilgreina tilgang sinn
með leiðtoga. Þeir sem lesa bókina og gera æfingarnar samviskusam-
lega munu því fá mun meira út úr lestrinum en sá sem einvörðungu les í
gegnum bókina og leggur hana svo frá sér.
fyrir Hverja?
Eins og höfundur segir í bókinni þá er bókin True North skrifuð fyrir alla
þá sem vilja vera sannir leiðtogar. Bókin er fyrir leiðtoga á öllum aldurs-
stigum, þá sem eru á toppnum í skipuriti fyrirtækisins, nemendur sem
eru að búa sig undir leiðtogahlutverkið sem og reynda leiðtoga sem
eru að litast um eftir nýjum tækifærum. Þú ert aldrei of ung(ur) eða of
gömul(gamall) til að takast á við áskoranir leiðtogahlutverksins og verða
sannur leiðtogi.“ Ef þú ert tilbúin(n) til að stíga skref í þá átt á bókin erindi
við þig.