Listin að lifa - 01.12.2000, Blaðsíða 2

JHíAÍím, oá UjfCL
Útgefendur: Félag eldri borgara í Reykjavík, Glæsibæ,
Álfheimum 74, 104 Rvk., sími 588 21 I I, fax 588 2114, netfang
feb@islandia.is, formaður Ólafur Ólafsson.
Landssamband eldri borgara, Suðurlandsbraut 30, 108
Gildi félagsstapfs
aldraðra
Rvk., s. 535 6000, fax 568 1026, formaður Benedikt Davíðsson.
EFNISYFIRLIT:
Leiðari: Gildi félagsstarfs aldraðra, Stefán Ólafur. 2-3
Langir biðlistar sjúkrahúsa: Ólafur Ólafsson. 3
Umræðan á landsvísu: Benedikt Davíðsson. 4
Frá FEB í Reykjavík: Fyrirhugaðar ferðir sumarið 2001. 4
Úrval-Útsýn: Kynning á Puerto Vallarta, Mexíkó. 5
Sagnaríkir safngripir: Höfuðföt, Elísabet Þ. Sigurgeirsd. 6
Skoðun stjórnmálamanns: Halldór Halldórsson. 7
Frá Borgarfirði eystri: Vinaminni, Ásta Jónsdóttir. 8
Beinvernd: Halldóra Björnsdóttir. 10
Frá félagi áhugafólks um íþróttir aldraðra 11
Krossgátan okkar 12
Efri aldursmörk í hópleit Leitarstöðvar
Krabbameinsfélagsins 14-15
Við dyr Alþingis: Ólafur Ólafsson. 15
Frá Skjaldfannardal: Ása Ketilsdóttir. 16-17
Lífið í hnotskurn á silfurlínunni:
Rætt við Sigþrúði Jóhannesdóttur. 18-19
Útifundurinn á Austurvelli 2. október 2000 20
Fréttamolar frá FEB í Reykjavík 22
Bókagjöf 22
Hreyfing er undirstaða góðrar heilsu: Rætt við
Ugga Agnarsson. 24
Kristin þjóð: Ljóð eftir ívar Björnsson frá Steðja. 25
Nýr framkvæmdastjóri FEB í Reykjavík 25
Geislar af manngöfgi: Rætt við Pétur
Sigurgeirsson biskup. 26-31
Ritgerðasamkeppnin: Menntun er gulls ígildi. 32-33
Samstarfssamningur: FEB í Rvk. og World Class. 34
Kynslóðabil: Karl Gústaf Ásgrímsson. 36
Fræðsluhornið: Bryndís Steinþórsdóttir. 38-39
Hárkollur og höfuðföt: Kolfinna Knútsdóttir. 39
Rúmið: Ella B. Bjarnarson og Guðrún K.
Hafsteinsdóttir. 40-41
Nú er mælirinn fullur: Benedikt Davíðsson. 42-43
í brennidepli: Hagsmunamál aldraðra. 43
Jólakortið 44
Undursamleg guðsgjöf: Ingibjörg G. Guðmundsdóttir. 46
Alkort: Eitt elsta spil á íslandi. 47
Jólagarðurinn: Helga Ágústsdóttir. 48-50
ígrundun um fátækt aldraðra: Þór Guðmundsson. 50
Ritstjóri: Oddný Sv. Björgvins
Netfang ritstjóra: ob@simnet.is
Blaðstjórn: Stefanía Björnsdóttir, Helgi K. Hjálmsson, Pálína
Jónsdóttir, Stefán Ólafur Jónsson ásamt ritstjóra
Umbrot og prentun: Hagprent-lngólfsprent ehf.
Filmuvinnsla: Prentstúdíó
Forsíðumyndin er af sólglitrandi Þingvöllum í vetrarbúningi -
mótvægi við skartbúna vellina á kristnihátíð sumarsins. í aðal-
viðtalinu segir séra Pétur Sigurgeirsson biskup: „Þingvellir voru
sannkallaður þjóðarhelgidómur þá daga eins og ævinlega".
Elli, þú ert ekki þung
anda guði kærum.
Fögur sál er ávallt ung
undir silfurhærum.
Þessar ljóðlínur Steingríms Thor-
steinssonar koma mér í hug er ég
skrifa þessi orð í jólablað félagsrits
eldri borgara „Listin að lifa” og þær
em þess virði að þær séu hugleiddar.
Þótt hárin gráni og árunum fjölgi í
lífi okkar er engin ástæða til að draga sig alveg út úr iðandi
mannlífinu og setjast með hendur í skaut. Lífíð hefur svo
margt að bjóða, sem hinir eldri geta fyllilega notið, ef hoift
er fram á veginn með opnum augum og bjartsýnum huga.
Það bætir andlega og líkamlega heilsu að vera virkur í sam-
félaginu svo lengi sem kostur er. Þótt vinnustaðurinn hafi
verið yfirgefinn og að sumum setji tómleika er vert að hafa í
huga að um margt er að velja til lífsfyllingar, fróðleiks og
skemmtunar. Samtök aldraðra standa öllum opin sem náð
hafa 60 ára aldri og þau hafa á stefnuskrá sinni að gæta t
hvívetna hagsmuna eldra fólks, m.a. með því að skapa fé-
lagslegt og efnahagslegt öryggi hjá eldra fólki, hlúa að
hvers konar áhugamálum þess, skipuleggja námskeið, tóm-
stundavinnu, skemmtanir og ferðalög. Mikilvægt er starf fé-
laganna við að standa vörð um hagsmunamál aldraðra með
því að hafa áhrif á lagasetningu Alþingis og ákvarðanir
stjórnvalda sem varða hagsmuni þeirra með viðræðum og
samningum við ríkisstjóm og önnur stjórnvöld. Ekki mun af
veita eins og margoft hefur verið bent á í þessu blaði af for-
ystumönnum samtakanna.
Við starfslok er mikið átak fyrir marga að umbreyta lífs-
munstri sínu. Þá veltur á miklu að tekist sé á við þann
vanda með hugrekki og dug. Þar geta samtök aldraðra
komið að liði. Þátttaka í félagsstarfi er líka gefandi og
samneyti við aðra er öllum nauðsyn. Þess vegna vil ég
hvetja fólk til að taka þátt í félagsstarfi aldraðra, hvar sem
þeir eru búsettir á landinu, því að þar er fjölmargt í boði
svo að allir ættu að finna eitthvað við sitt hæfi.
I þessu myndarlega félagsriti er birt margvíslegt efni til
fróðleiks og skemmtunar og ekki hvað síst um stöðu aldr-
aðra í samfélaginu. Greinar eru um hagsmunamál, heilsu
og hollustu, félagsstarfið og fjölmargt annað er snertir líf
og starf aldraðra í landinu. Öllum er hollt að lesa það efni
sem blaðið birtir.
Að framan hefur verið minnst á það sem félög aldraðra
hafa upp á að bjóða, en öldruðum stendur margt til boða
annars staðar og sjálfsagt að fólk nýti sér það eftir óskum
og getu, hvort sem það er til skemmtunar, fróðleiks eða
sem tómstundaiðkun. Takið þátt í gönguferðum, dansi og
íþróttum, það bætir heilsuna bæði andlega og líkamlega.
Öll þátttaka í menningarstarfí eykur gleði og heldur ykkur
andlega vakandi og veitir lífsfyllingu. Með bestu óskum
um gleðileg jól og farsælt nýár.
<Stefáiv cÚ(aþw
2