Dagblaðið Vísir - DV - 23.06.2008, Blaðsíða 10

mánudagur 23. júní 20088 Fréttir DV
Tug milljóna króna getur munað
á því hvort lánveiting Íbúðalána-
sjóðs er miðuð við brunabóta-
mat fasteigna eða kaupverð þeirra.
Ríkisstjórn Íslands hefur lagt til
að brunabótamat Íbúðalánasjóðs
verði afnumið til skerðingar lán-
veitingum sjóðsins. Geta húsnæð-
iskaupendur því fengið lán fyrir allt
að 80 prósentum af kaupverði eign-
ar án þess að eiga á hættu skerð-
ingu vegna lágs brunabótamats.
Breytingarnar hafa einna helst
áhrif fyrir húsnæðiskaupendur á
höfuðborgarsvæðinu þar sem mun-
urinn milli brunabótamats og fast-
eignaverðs er hvað mestur, einna
helst vegna fasteignaverðshækkana
undanfarinna ára. Ef tekið er mið af
íbúð af handahófi í Reykjavík getur
munurinn hlaupið á tug milljóna
króna. Þess ber þó að geta að há-
markslán Íbúðalánasjóðs verður 20
milljónir króna samkvæmt breyt-
ingunum. Verður sú fjárhæð sem
lánuð er út til húsnæðiskaupa því
aldrei hærri en því nemur. Því hef-
ur breytingin einungis áhrif á íbúð-
ir að hámarki 25 milljóna króna að
kaupverði, en 80 prósent af því eru
20 milljónir. Síðast var hámarkslán
hækkað í 18 milljónir í apríl árið
2005 og ef hámarkslánið hefði fylgt
verðþróun hefði það átt að vera 21
milljón króna.
Aukin útlán
Guðmundur Bjarnason, fram-
kvæmdastjóri Íbúðalánasjóðs, seg-
ist búast við því að þessar aðgerðir
auki við útlán sjóðsins að einhverju
leyti þegar þær taka gildi. Eins og
DV hefur greint frá hafa viðskipta-
bankarnir skrúfað fyrir útlán til
húsnæðiskaupa undanfarna mán-
uði vegna ástandsins í efnahags-
málum. Íbúðalánasjóður hefur
aftur á móti haldið hlutverki sínu
ótrauður áfram og voru útlán bank-
ans til húsnæðis um 4,8 milljarðar
króna í síðasta mánuði og stefnir í
að þau verði um 5 milljarðar króna
í þessum mánuði. Hafa lánveiting-
arnar verið í kringum fimm millj-
arða króna að meðaltali í vetur, en
lægst um 3 til 4 milljarðar króna. Á
sama tíma hefur dregið verulega úr
útlánum viðskiptabankanna sem
eru nú um einn milljarður króna,
en gátu numið tugum milljarða
króna þegar lánveitingar voru sem
mestar fyrir nokkrum árum.
Guðmundur segir Íbúðalána-
sjóð ekki hafa getað þjónað hlut-
verki sínu undanfarið í tengslum
við lánveitingar að eldri og ódýr-
ari eignum, líkt og á höfuðborgar-
svæðinu. Þetta eru þær eignir sem
ungir húsnæðiskaupendur sækj-
ast oft og tíðum eftir. Samband
ungra framsóknarmanna hefur
til að mynda um langa hríð kallað
eftir því að brunabótamat Íbúða-
lánasjóðs verði afnumið. Búast má
við því að þessar aðgerðir leiðrétti
hlut ungs fólks að einhverju leyti,
en þrátt fyrir það er enn langt í land
þar sem fasteignaverð á höfuðborg-
arsvæðinu er enn hátt. „Við sjáum
ekki fram á að þetta valdi straum-
hvörfum eða byltingu, en þetta
lagar stöðu þeirra sem hafa orðið
fyrir barðinu á skerðingu bruna-
bótamatsins,“ segir Guðmundur.
Virðið lækkað um 10 prósent
DV greindi nýverið frá því að
þegar tekið væri mið af verðbólgu
róbert hlynur bAldursson
blaðamaður skrifar: roberthb@dv.is
Milljóna Munur
á lánveitingum
enginn samdráttur útlán
íbúðalánasjóðs hafa ekki dregist
saman svo beri á líkt og hjá
viðskiptabönkunum. Var upphæð
þeirra um 4,8 milljarðar króna í
síðasta mánuði.
hVersu hátt Verður nýjA lánið?
- miklu munar á nýju reglunum og þeim gömlu
AmtmAnnsstígur, 101 reykjAVík, fjölbýli
kaupverð brunabótamat
Viðmiðun 24,9 milljónir 11,5 milljónir
Hámarkslán 19,9 milljónir 11,5 milljónir
munur milli lána: 10,7 milljónir króna.
ArnArsmári, 200 kópAVogur, fjölbýli
kaupverð brunabótamat
Viðmiðun 27,8 milljónir 17,2 milljónir
Hámarkslán 20,0 milljónir 17,2 milljónir
munur milli lána: 2,8 milljónir króna.
AðAlstræti, 600 Akureyri, fjölbýli
kaupverð brunabótamat
Viðmiðun 15,8 milljónir 11,9 milljónir
Hámarkslán 12,6 milljónir 11,9 milljónir
munur milli lána: 0,7 milljónir króna.
* miðað við upplýsingar af fasteignavef morgunblaðsins.