Dagblaðið Vísir - DV - 23.06.2008, Blaðsíða 12
mánudagur 23. júní 200812 Fréttir DV
Um klukkustundar akstur frá Peking
liggur þorpið Hou Wang Ge Zhung.
Nýlega voru þorpsveggirnir málaðir
með myndum af trjám og fossum og
slagorðum um stuðning vegna vænt-
anlegra Ólympíuleika.
Þorpsbúar hafa þó áhyggjur af
öðrum hlutum og í viðtali við breska
dagblaðið Guardian spjallaði Kong
Qingyu, sjötíu og sjö ára, um bróð-
ur sinn sem lést nýverið úr krabba-
meini í hálsi. „Allt var í lagi þangað til
verksmiðjan var reist en þá fór fólk að
deyja. Þú getur ekki séð mengunina.
En hún þarna. Verksmiðjan dælir út
úrgangi eftir miðnætti,“ sagði Kong
Qingyu.
Kong Qingyu hafði svipaða sögu
að segja við Guardian. Hún lýsti veik-
indum bónda síns, en hann þjáist af
magakrabba. „Hann verður veikari og
veikari. Síðastliðna tvo mánuði hafa
komið upp tvö ný tilfelli,“ sagði hún.
Íbúar þorpsins telja að samfé-
lag þeirra, sem er falið á bak við
birkitré, sé komið í hóp „krabba-
þorpa Kína“. Þeir skella skuldinni á
efnaverksmiðju sem reist var fyrir
fimm árum, en síðan þá hafa tut-
tugu og fimm þorpsbúar greinst
með krabbamein og nítján hafa lát-
ist. En líkt og hjá öðrum svæðum
þar sem krabbamein hefur færst í
aukana eiga þorpsbúar erfitt um vik
með að færa sönnur á fullyrðingar
sínar, sem er hafnað af eigendum
verksmiðjanna. Engu að síður hafa
þorpsbúar höfðað skaðabótamál,
hvattir af árangri annarra samfé-
laga sem fengið hafa skaðabætur frá
þeim sem ábyrgð bera á mengun.
Ólympíuleikarnir setja
strik í reikninginn
En þorpsbúar hafa fengið að vita
að engin ákvörðun verður tekin í
málinu fyrr en að Ólympíuleikunum
loknum. „Því það gæti skaðað ímynd
Peking og landsins,“ sagði einn þorps-
búi.
Stjórnvöld í Kína hafa, nú þegar
um sex vikur eru til Ólympíuleikanna,
lagt sig í líma við að koma í veg fyrir
að skuggi falli á land og þjóð. Í viða-
mikilli áætlun til þess hefur fjörutíu
milljón blómum og trjám verið plant-
að í Peking. Auk þess hafa ný þök ver-
ið sett á rúmlega tvö þúsund og sex
hundruð gamlar íbúðablokkir og tut-
tugu þúsund að auki verið málaðar.
Til að gera borgina enn „grænni“ hef-
ur kerfi neðanjarðarjárnbrauta verið
stækkað til mikilla muna.
Þær tvær vikur sem leikarn-
ir standa yfir á að hætta starfsemi í
orkuverum, á byggingarsvæðum og
í iðnfyrirtækjum víða í borginni til
að tryggja hreint andrúmsloft handa
því íþróttafólki sem tekur þátt. Nú
þegar hafa stjórnvöld hafist handa
við að fínpússa skoðun almennings
og hefta neikvæða fjölmiðlaumfjöll-
un og aðgerðir umhverfissinna sem
gætu valdið óstöðugleika. Aðgerðir
íbúa í Hou Wang Ge Zhung falla und-
ir þá skilgreiningu. Sögur um meng-
un og spillingu heyrast ekki um þess-
ar mundir og náttúruverndarsinnar
þegja þunnu hljóði.
Hálftíma eftir að blaðamaður Gu-
ardian kom til Hou Wang Ge Zhung
var honum fengin fylgd og hon-
um sýndar opinberar niðurstöður
úr prófum sem gerð höfðu verið á
drykkjarvatni. Niðurstöðurnar sýndu
að drykkjarvatn var í lagi. Að lokum
var honum fylgt út úr þorpinu í fylgd
lögreglu.
Vandræðagemlingar
Wang Hue, yfirmaður kommún-
istaflokks þorpsins, var ómyrkur í
máli. Hann sagði að þar til Ólympíu-
leikarnir væru afstaðnir yrði að hafa
reglu á hlutunum, að skipanir stjórn-
valda væru skýlausar. „Það er tilgangs-
laust að taka viðtöl við þorpsbúa. Ég
er fulltrúi þeirra og veit að þeir eru
sammála stjórnvöldum. Þessir sem
höfðuðu skaðabótamál eru vand-
ræðagemlingar,“ sagði Hue.
Stjórnvöld í Kína hafa löngum ver-
ið viðkvæm vegna orðspors landsins
sem mikils mengunarvalds, hvort
Krabbameinsþorp í Kína
Eftir því sem Ólympíuleikarnir í Peking færast nær leggja kínversk stjórnvöld ofurkapp á að
bæta ímynd landsins og draga úr mengun. En við ramman reip er að draga og sumt er hægt að
laga, en annað er í besta falli hægt að fela. Sex vikur eru í leikana og Kínverjum er mikið í mun
að geta flaggað efnahagsvexti landsins og pólitískum og menningarlegum styrk.
„Það er tilgangslaust að taka viðtöl við þorps-
búa. Ég er fulltrúi þeirra og veit að þeir eru sam-
mála stjórnvöldum. Þessir sem höfðuðu skaða-
bótamál eru vandræðagemlingar.“
Kolbeinn þorsteinsson
blaðamaður skrifar: kolbeinn@dv.is
Fuglshreiðrið í baksýn
Kínverji hvílir lúin bein í
mengunarmistrinu.
Morgunumferð í
Peking Kínversk
stjórnvöld hafa lagt sig
fram við að draga úr
mengun.