Fréttatíminn - 02.04.2015, Síða 14

P
Páskahelgin er fram undan, kærkomið frí
fjölskyldnanna. Vetrarveðrið hefur verið
óvenju erfitt og eru Íslendingar þó ýmsu
vanir í þeim efnum. Hver óveðurslægðin á
fætur annarri hefur rekið á fjörur okkar svo
vart hefur gefist tóm til að ná áttum milli
þeirra. Menn eru því orðnir langeygir eftir
vori og betri tíð, nú í aprílbyrjun.
Páskahelgin er fyrsta stóra ferðahelgi
ársins. Fjöldi fólks sækir sumarbústaði eða
frístundahús sín öllu heldur því flest þess-
ara húsa eru heilsárshús og nýtast því allt
árið, að minnsta kosti þegar
veður og færð leyfa. Nú hefur
hins vegar orðið sú breyting á
að Íslendingar eru ekki einir
á ferð á þjóðvegum landsins.
Menn hafa gert ráð fyrir er-
lendum ferðamönnum á veg-
unum að sumri til, ýmist í
skipulögðum hópferðum eða,
í seinni tíð, í auknum mæli á
eigin vegum á bílaleigubílum,
utan háannar. Aukinn fjöldi
þessara velkomnu gesta okkar
utan sumartímans hefur verið ævintýralegur
undanfarin ár. Fjöldi erlendra ferðamanna
hér yfir hávetur er hinn sami nú og var yfir
hásumarið fyrir aðeins örfáum árum. Sem
dæmi má nefna að fjöldi bílaleigubíla yfir há-
annatímann var 12.179 í fyrrasumar, miðað
við 4.756 árið 2006. Í ár er áætlað að um 14
þúsund bílaleigubílar verði á ferð víðsvegar
um landið.
Álag hefur því aukist á þjóðvegakerfið sem
er um margt vanbúið til að taka við aukinni
umferð. Vegir hér eru mjóir miðað við það
sem þekkist víðast hvar í nágrannalöndunum
og enn er fjöldi einbreiðra brúa á hringveg-
inum. Ekki þarf að hafa mörg orð um vega-
kerfið á Vestfjörðum þar sem enn þarf að aka
malarveg á sunnanverðum fjörðunum, meðal
annars yfir erfiða fjallvegi. Heimamenn þar
hafa um árabil sótt það fast að vegir verði
lagðir bundnu slitlagi og byggðir á láglendi.
Vegna deilna um vegstæði sér enn ekki fyrir
endann á þeirri deilu.
Mjög auknar tekjur sem renna til ríkisins
vegna ferðamannafjöldans ættu þó að verða
til þess að áhersla verði lögð á bætt vega-
kerfi um land allt, auk viðbótar framlags til
löggæslustarfa á vegunum og til björgunar-
sveita víða um land. Til þeirra kasta kemur í
auknum mæli yfir vetrartímann þegar óvanir
ökumenn mæta óblíðum aðstæðum.
Bætt geta ríkisins til þess að mæta útgjöld-
um vegna þessa sést af því að vöxturinn í
ferðaþjónustunni skýrir stóran hluta af hag-
vextinum sem mælst hefur síðan hagkerfið
byrjaði að taka við sér. Greining Íslands-
banka áætlaði nýverið að þriðjung hagvaxt-
arins frá árinu 2010 megi rekja til ferðaþjón-
ustunnar. Hún hefur þannig átt stóran þátt í
endurreisnarstarfi undangenginna ára. Rekja
má, að því er fram kemur í skýrslu Grein-
ingar Íslandsbanka, 45% af fjölgun starfa til
ferðaþjónustunnar, eða sem nemur um 4.600
störfum.
Til þessa verður hið opinbera að horfa.
Fram til þessa hefur sjávarútvegur verið að-
alatvinnuvegur þjóðarinnar og er vitaskuld
enn einn af hornsteinum velferðar okkar – og
verður vonandi svo um ófyrirséða framtíð. Til
hans hefur því verið litið af hálfu stjórnvalda
þegar kemur að tekjuöflun en jafnframt fyrir-
greiðslu – ef þurfa hefur þótt í gegnum tíð-
ina. Hið sama gildir nú um ferðaþjónustuna
sem tekið hefur við sem sá atvinnuvegur sem
aflar mestra gjaldeyristekna – og verður þá
einkum að horfa til samgöngubóta og ör-
yggisþáttar. Greining Íslandsbanka áætlar
að í ár muni ferðaþjónustan afla sem svarar
342 milljörðum króna í gjaldeyri eða sem
nemur 28,9% af áætluðum gjaldeyristekjum
af útflutningi vöru og þjónustu á árinu. Til
samanburðar var þessi hlutdeild 23,8% árið
2012 og 19,8% árið 2009 – svo sjá hversu mikil
aukningin er. Óhjákvæmilegt er að taka tillit
til slíkra breytinga – og sem betur fer gera
auknar tekjur af ferðagreininni hinu opin-
bera kleift að bregðast við.
Njótið frídaganna, hvort heldur er heima
eða heiman.
Gleðilega páska.
Páskahelgin – fyrsta ferðahelgi ársins – gengur í garð
Bregðast verður við
auknu álagi á þjóðvegum
Jónas Haraldsson
jonas@frettatiminn.is
LóABORATORíUM LóA hjáLMTýsdóTTiR
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jónas Haraldsson jonas@frettatiminn.is Fréttastjóri: Höskuldur
Daði Magnússon hdm@frettatiminn.is. Auglýsingastjóri og stjórnarformaður: Valdimar Birgisson valdimar@frettatiminn.is. Framkvæmdastjóri: Teitur Jónasson teitur@
frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
AF ÖLLUM SÓFUM
FJÖLMARGAR GERÐIR
OG STÆRÐIR
– SKOÐAÐU ÚRVALIÐ
Á TEKK.IS
20-40 %
SÓFADÖGUM
LÝKUR Á
LAUGARDAG
HOPPER Tilboðsverð 236.000 kr.
SUMMER Tilboðsverð 198.000 kr.
ENZO grár Tilboðsverð 251.000 kr.
LAND Tilboðsverð 220.000 kr.
Opið:
Skírdag 13–17
Föstudaginn langa, lokað
Laugardag 11–18
Páskadagur lokað
Annar í páskum lokað
tekk company og habitat | kauptún 3 | sími 564 4400 | www.tekk.is
www.lodur.is | 568 0000
15 stöðvar
á landinu
Opið alla Páskana!
Kíktu til okkar
á Fiskislóð 29 eða Dalvegi 22
Opið alla daga frá 08:00-19:00
Aðrar stöðvar opnar allan sólarhringinn
14 viðhorf Helgin 2.-5. apríl 2015