Fréttatíminn - 20.03.2015, Blaðsíða 6

R E Y K J AV Í K | A K U R E Y R I
SYLVESTER
stóll með
krómfótum, margir
litir, 13.990 kr.
FULL BÚÐ AF
SPENNANDI
SMÁVÖRU!
BROSTE skemill/sessa
3 litir, 2 stærðir,
verð frá 18.990 kr.
BROSTE
kertaluktir
mikið úrval
Púðar og
sængurföt
í miklu úrvali
Skuggabankastarfsemi felur í sér miðlun lánsfjármagns fyrir
tilstilli aðila eða starfsemi utan hins hefðbundna bankakerfis sam-
kvæmt skilgreiningu Alþjóðlega fjármálastöðugleikaráðsins, FSB.
 Hagkerfi Skortur er á gögnum til að meta Skuggabankakerfið til Hlítar
Skuggabankakerfið minna á Íslandi
Umsvif skuggabankastarfsemi er minni
hér á landi en að meðaltali erlendis.
Skuggabankastarfsemi felur í sér
miðlun lánsfjármagns fyrir tilstilli aðila
eða starfsemi utan hins hefðbundna
bankakerfis samkvæmt skilgreiningu
Alþjóðlega fjármálastöðugleikaráðsins,
FSB.
Fjáreignir íslenska skuggabankakerf-
isins eru um 8% af heildarfjáreignum
aðila á fjármálamarkaði, um 25% af
bankakerfinu á Íslandi og um 40% af
vergri landsframleiðsku, VLF. Til sam-
anburðar eru fjáreignir skuggabanka-
kerfis heimsúrtaks FSB um 25% af
heildarfjáreignum aðila á fjármálamark-
aði, 46% af bankakerfinu og um 120% af
VLF. Þetta kemur fram í nýrri skýrslu
nefndar um skuggabankastarfsemi sem
skipuð af fjármála- og efnahagsáðherra
í apríl 2014 og er aðgengileg á vef ráðu-
neytisins.
Þróun skuggabankastarfsemi hér á
landi er áþekk því sem gerist erlendis,
þó umsvif hennar hér séu hlutfallslega
minni. Stærð skuggabankakerfa fylgir
gjarnan umfangi annarrar fjármálastarf-
semi. Því kemur ekki á óvart að hún
dróst töluvert saman hér á landi eftir
hrun fjármálakerfisins haustið 2008 eft-
ir að hafa náð hámarki sínu stuttu áður.
Í skýrslunni kemur fram að starfsemi
Íbúðalánasjóðs og lífeyrissjóða bera
með sér marga eiginleika skuggabanka-
starfsemi en opinber lánafyrirtæki, líf-
eyrissjóðir, tryggingafélög, bankakerfið
og fjármálaleg hliðarstarfsemi fyrir
utan aðferðafræði FSB, við mat á stærð
skuggabankakerfa.
Líkt og víða erlendis er skortur á
nægjanlega sundurgreinanlegum gögn-
um til þess að hægt sé að meta umfang
skuggabankastarfsemi hér á landi og
áhættu sem henni fylgir með fullnægj-
andi hætti. - eh
a llar tillögur um verkfallsboðun voru samþykktar með yfirgnæfandi meirihluta,“ segir Páll Halldórsson,
formaður Bandalags háskólamanna, BHM.
Páll kynnti síðdegis í gær, fimmtudag,
niðurstöður rafrænnar atkvæðagreiðslu
um aðgerðir til að knýja á um gerð kjara-
samnings milli BHM-félaga og ríkisins.
„Það er ánægjulegt að menn séu tilbúnir
til að fylgja eftir kröfunum og það setur
á okkur mikla pressu að fylgja þessum
málum vel eftir,“ segir Páll og bendir á að
þessi afgerandi niðurstaða þýði aðeins eitt:
„Þetta þýðir bara að menn verða að drífa sig
að semja og gera samning sem er í þá veru
að háskólamenntun sé metin til launa, sem
ekki hefur verið raunin hér á landi.“
Páll segir að í heild hafi verið yfir 80%
þátttaka í atkvæðagreiðslunni, enn meiri
hjá sumum aðildarfélögum og því greini-
lega mikill áhugi á komandi kjarasamn-
ingum. Samningar flestra BHM-félaga við
ríkið runnu út um síðustu mánaðamót. Í
viðræðum við ríkið segjast fulltrúar samn-
inganefnda félaganna hafa upplifað nánast
endurtekningu frá síðasta vetri á fundum
með samninganefnd ríkisins nema hvað
að í stað 2,8% launahækkunar sé boðið upp
á allt að 3,5% hækkun sem fulltrúar BHM
segja allt of lítið.
Ef af verkfalli verður meðal félagsmanna
BHM hefjast þau eftir páska og verða
verkfallsaðgerðir bæði tímabundnar og
ótímabundnar. Meðal þeirra sem þá myndu
leggja niður störf eru ljósmæður, starfs-
fólk Matvælastofnunar, Fjársýslu ríkis-
ins og lögfræðingar hjá Sýslumanninum í
Reykjavík.
Kjaradeila BHM við ríkið er aðeins ein af
fjölmörgum óleystum kjaradeilum en tugir
þúsundir launamanna í fjölda stétta eru
kjarasamningslausir. Þeirra á meðal eru
þeir sem tilheyra aðildarfélögum Starfs-
greinasambandsins en SGS kynnti verk-
fallsaðgerðir sínar í vikunni og verður kosið
um þær fyrir páska en ef af verður geta þau
verkföll, sem meða annars eru hjá starfs-
fólki í framleiðslu, ferðaþjónustu og ræst-
ingum, hafist 10. apríl. Nánar er rætt við
Drífu Snædal, framkvæmdastjóra Starfs-
greinasambandsins, á blaðsíðu 14.
Erla Hlynsdóttir
erla@frettatiminn.is
 kjaramál PreSSa á SamningSaðila að ná Samningum
BHM samþykkir verkfall
Allar tillögur um verkfallsboðun félagsmanna BHM voru samþykktar með yfirgnæfandi meirihluta.
Verkfallsaðgerðir gætu hafist rétt eftir páska ef ekki næst að semja fyrir þann tíma. Páll Halldórs-
son, formaður BHM, segir ánægjulegt að menn séu tilbúnir til að fylgja eftir kröfum sínum.
Kjaradeila
BHM við
ríkið er
aðeins ein
af fjöl-
mörgum
óleystum
kjaradeil-
um.
Páll Halldórsson, formaður Bandalags háskólamanna, segir afgerandi niðurstöðu atkvæðagreiðslunnar setja mikla pressu á
samningsaðila að ná góðum samningum og það sem fyrst. Ljósmynd/BHM
6 fréttir Helgin 20.-22. mars 2015