Fréttatíminn - 20.03.2015, Blaðsíða 12

„Við erum í
raun að upplifa
algjör umskipti
í trausti. Við
erum farin frá
því að geta ekki
treyst fólki úti á
þjóðvegi því þar
eru allir axar-
morðingar yfir
í það að bjóða
ókunnugum
útlendingum
að sofa á sóf-
anum.“
 Deilihagkerfi Nýtt búsetuform
Nýtt búsetuform sem byggir á trausti
Hæg breytileg átt er þverfaglegt samstarfsverkefni gert til að
móta hugmyndir um nýja og framsækna búsetukosti í þétt-
býli. Andri Snær Magnason, og félagar hans í einum af þeim
fjórum hópum sem skipaðir voru, hugsuðu upp nýtt búsetuform
í hverfi sem hann segir vera í harðri samkeppni við Skeifuna
um ljótleika, Múlana. Þar sér hópurinn fyrir sér blandað hverfi
atvinnuhúsnæðis og íbúða sem spretta úr hugmyndafræði sem
byggir á trausti og sem nýtur sífellt meiri vinsælda erlendis,
deilihagkerfinu.
h æg breytileg átt er þverfaglegt samstarfsverkefni Hönnunar-sjóðs Auroru, Reykjavíkurborgar
og fjölda fleiri aðila, gert til að vinna að
mótun hugmynda um nýja búsetukosti í
þéttbýli. Valdir voru fjórir hópar sem unnu
í fjóra mánuði við uppbyggingu svæða
sem nýtast illa í borgarrýminu. „Við völd-
um Múlana sem er svæði sem mörgum
þykir vera í harðri samkeppni við Skeifuna
um ljótleika,“ segir Andri Snær Magna-
son rithöfundur en hann var einn meðlima
hópsins Lókal Glóbal sem tók þátt í rann-
sóknarverkefninu. „Á milli Síðumúla og
Ármúla er bakóreiða þar sem hægt væri
hægt að koma fyrir heilum Laugaveg
ásamt húsunum sem við hann standa en í
dag eru aðallega illa nýtt bílastæði á svæð-
inu. Svo við rannsökuðum hvort hægt væri
að brjóta svæðið upp og draga gróðurfar
Laugardalsins yfir Suðurlandsbrautina og
upp á Háaleiti.“
Að byggja á trausti
Auk þess að finna svæði í órækt þar sem
borgin getur vaxið inn á við var hlutverk
hópsins einnig að finna framsæknar leiðir
í búsetuformi.
Lókal Glóbal ákvað að hanna búsetu-
form sem hentar nútímafjölskyldum sem
þurfa misstór rými á misjöfnum tímum
en annar stór þáttur í verkefni hópsins er
hugmyndin um að deila rýmum og hann-
aði hópurinn app sem nýtist til að raða
íbúðinni upp eftir hentugleika hvers og
eins. „Deilihagkerfi er hagkerfi þar sem
fólki finnst það ekki skipta sjálfsmynd-
ina höfuðmáli hvort það eigi bílinn sem
er á bílastæðinu, því mestu máli skiptir
að komast á milli staða. Deilihagkerfi
er orðið „megatrend“ erlendis og það er
mikið til komið vegna farsímatækninnar
sem hjálpar okkur að deila hlutum. Við
erum í raun að upplifa algjör umskipti í
trausti. Við erum farin frá því að geta ekki
treyst fólki úti á þjóðvegi því þar eru allir
axarmorðingar yfir í það að bjóða ókunn-
ugum útlendingum að sofa á sófanum,“
segir Andri Snær en hann telur okkur
geta deilt mun meira af rýmum, hvort sem
það er geymsla, hjólageymsla, þvottahús,
vinnuaðstaða eða eldhús. „Til dæmis væri
hægt að hafa garð fyrir alla utan við húsið
en ef það hentar þér ekki að nota hann eitt
sumarið þá er hann settur á boðstólinn
fyrir restina af sameigninni.“
Óþörf og dýr rými íþyngja okkur
„Fjölskyldumynstur eru mjög breytt frá
því sem áður var og ein fjölskylda getur
þurft eitt svefnherbergi eina vikuna en
þrjú aðra vikuna. Svo við lékum okkur að
því að hanna íbúð sem er sveigjanleg, þar
sem veggirnir eru þannig gerðir að hún
getur stundum verið tveggja herbergja
og stundum fimm herbergja,“ segir Andri
en annar mikilvægur þáttur að mati hóps-
ins er að kostnaður við nýjar byggingar
sé gegnsær. „Fólk ætti að geta valið og
hafnað ákveðnum valmöguleikum, eins
og bílastæði og þvottahúsi. Ef við skoð-
um kostnað við byggingu fjölbýlishúsa
þá kemur í ljós að herbergið fyrir bílinn
er það dýrasta í húsinu. Þannig að í stað
þess að borga það gæti þú látið öðrum
eftir bílastæðið. Það eru líka svo mörg
rými óþörf. Nýjar byggingareglugerðir
krefjast þess til dæmis að það sé byggt
sér herbergi í kringum þvottavélina.
Þú þarft ekki annað en að kíkja í næsta
IKEA bækling til að sjá hversu algengt
það er að þvottavélin sé í eldhúsinu eða á
baðherberginu, en samt er verið að neyða
fók til að byggja sérstök rými fyrir þessar
vélar. Það bara íþyngir lífi okkar að neyða
okkur til að fjárfesta í einhverju sem við
þurfum ekki.“
Halla Harðardóttir
halla@frettatiminn.is
Fjórir hópar þverfaglega
verkefnisins „Hæg breyti-
leg átt“ kynntu nýlega
hugmyndir sínar um
nýjar tegundir búsetu í
Reykjavík. Einn hópurinn
setti fram tillögur að
íbúabyggð í Skeifunni
og annar við Héðins-
húsið á meðan sá þriðji
setti fram tillögu sem
sneri að því að byggja
stúdíóíbúðir á illa nýttum
bílastæðum borgarinnar
en í dag þekja bílastæði
stærri flöt en öll húsþök
borgarinnar samanlögð.
Fjórði hópurinn Lókal
Glóbal, sem Andri Snær
var hluti af, setti fram
framsækna tillögu um
íbúabyggð í Múlunum.
Ljósmynd/Hari
Hæg breytileg átt
„Hæg breytileg átt“ er samstarfsverkefni Hönnunarsjóðs Auroru, Búseta, Félagsbústaða, Félags-
stofnunar stúdenta, Hönnunarmiðstöðvar Íslands, Listaháskóla Íslands, Samtaka iðnaðarins, Upp-
hafs fasteignafélags, Velferðarráðuneytisins og Reykjavíkurborgar.
Skipulagsfræðingar, verkfræðingar, arkitektar, sálfræðingar, þjóðfræðingar og viðskiptafræðingar
eru meðal þeirra fjölmörgu fagmanna sem tóku þátt en valdir voru fjórir hópar sem unnu að til-
lögum að illa nýttum svæðum í borginni.
Kolvetnis
rannsóknarsjóður
- auglýsir eftir styrkumsóknum
Umsóknarfrestur er til 30. apríl 2015
Kolvetnisrannsóknarsjóður er mennta- og rannsóknasjóður
í tengslum við kolvetnisstarfsemi á Íslandi. Yfirumsjón með
sjóðnum er í höndum iðnaðar - og viðskiptaráðherra, en
Orkustofnun annast daglega umsýslu hans.
Hlutverk sjóðsins er að stuðla að því að efla rannsóknir og
vísindalega þekkingu á kolvetnisauðlindum á landgrunni Íslands
og á skilyrðum til myndunar þeirra, ásamt rannsóknum á tækni
sem beita má við þær aðstæður er þar ríkja.
Áherslur við úthlutun 2015:
Rannsóknir á setlögum frá því fyrir opnun Norður-Atlants-
hafsins á Jan Mayen hryggnum.
Ýmsar aðferðir á sviði setlagafræði, jarðefnafræði, jarðeðlis-
fræði og jarðfræði má nota við rannsóknirnar. Við skipulag
rannsókna ber að hafa í huga opnunarsögu Norður-Atlantshafsins
og áhrif hennar á jarðfræði rannsóknarsvæðisins.
Umsókn skal senda rafrænt í gegnum vef Orkustofnunar
www.os.is
Fararstjóri: Þórður Höskuldsson
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Í þessari frábæru ferð verður hjólað um eitt af vinsælustu
ferðamannasvæðum Suður-Evrópu, um ólívulundi og
vínakra, upp fjallshlíðar, um gróin svæði og furuskóga.
Á leiðinni njótum við stórbrotins útsýnis yfir sægrænt
Gardavatnið og glæsileg fjöllin í kring.
Verð: 224.400 kr. á mann í tvíbýli.
Mjög mikið innifalið!
Sp
ör
e
hf
.
24. júní - 1. júlí
Hjólað við Gardavatn
12 fréttir Helgin 20.-22. mars 2015