Iðnaðarmál - 01.06.1959, Blaðsíða 2

Staákilyrði Meiizkra
bifreiððverkstæða
RANNSÓKN NORSKS
SÉRFRÆÐINGS
Vélvæðingin og þróun umferðar á
þjóðvegunum hefur verið mjög hrað-
fara á Islandi. Það gefur glögga mynd
af þróuninni, að árið 1939 voru 2048
bifreiðir í landinu, en árið 1945 hafði
talan hækkað í 4005 og var í ársbyrj-
un 1959 18807, svo að aukningin
nemur 818,3% á 20 árum. Þessi bif-
reiðaeign skiptist í um 130 mismun-
andi tegundir (merki), og innan þess-
ara tegunda eru margar mismunandi
gerðir, eftir árgöngum, allt frá árinu
1923. Það er ástæða til að ætla, að
hér sé um heimsmet að ræða í fjöl-
breytni bifreiðategunda í einu landi.
íslenzkir þjóðvegir (og skortur þjóð-
vega) reyna mjög á styrkleika bif-
reiðanna, og loftslagið er svo óheppi-
legt sem verða má, þar sem hið raka
sjávarloft og stöðugar sveiflur milli
hita og kulda valda mun meiri
skemmdum á yfirbyggingum bifreiða
en gengur og gerist í öðrum löndum.
Afkastageta bifreiðaverkstæðanna
Afleiðingar þessara skilyrða eru
þær, að þörfin fyrir bifreiðaviðgerð-
ir hefur aukizt mjög ört, og þeirri
þörf hefur ekki verið fylgt eftir með
samsvarandi uppbyggingu bifreiða-
verkstæða. Svipuð vandamál hafa
skotið upp kollinum meðal annarra
þjóða, en á íslandi hefur ýmislegt
orðið til að auka vandann, svo sem
sérstök höft og skortur á fræðslu-
starfsemi.
Sérstök rannsókn
Af þessum ástæðum leitaði Félag
bifreiðaverkstæðiseigenda til Iðnað-
armálastofnunar íslands með ósk um
aðstoð til að framkvæma kerfis-
bundna athugun á því, hvaða ráðstaf-
anir væru nauðsynlegar og heppileg-
ar, til þess að bifreiðaverkstæðin
gætu aukið afköst sín og starfsgetu,
svo að hvorttveggja væri í samræmi
við þarfirnar og hina tæknilegu þró-
un. Iðnaðarmálastofnunin taldi rétt
að verða við þessari ósk, en hún hef-
ur — vegna samstarfs síns við Fram-
leiðniráð Evrópu (EPA) og Alþjóða-
samvinnustofnunina bandarísku
(ICA) — allgóð tök á að útvega sér-
fræðinga á ýmsum sviðum, og að at-
huguðu máli komst hún að þeirri
niðurstöðu, að æskilegt væri að fá
norskan sérfræðing til að annast at-
hugun þessa, m. a. vegna h'kra stað-
hátta í Noregi og á íslandi. Til að
framkvæma áðurnefndar athuganir á
íslenzkum bifreiðaverkstæðum var
því valinn norski verkfræðingurinn
Johan Meyer, en hann hefur nýlega
lokið víðtækum rannsóknum fyrir
norsku bifreiðaverkstæðin og notið
til þess stuðnings frá EPA. IMSÍ tókst
að tryggja stuðning ICA til að fram-
kvæma tveggja mánaða áætlun (pro-
ject) á þessu sviði, og nú hefur Johan
Meyer verkfræðingur dvalið á Islandi
síðan 1. nóvember s.l. Starfi hans er
því ekki lokið, þegar þetta er ritað, en
svo langt er það þó komið, að hægt er
að gefa bráðabirgðayfirlit um það
ástand, sem athuganir hans hafa leitt
í ljós, og þær ráðstafanir, sem nauð-
synlegar virðast.
Fyrri hluti áætlunarinnar var í því
fólginn, að framkvæmd var kerfis-
bundin rannsókn á bifreiðaverkstæð-
um, er valin voru í þessu skyni, og var
m. a. tekin til athugunar menntun og
starfsreynsla forstöðumanna og við-
gerðarmanna, fjárhagsgrundvöllur
og húsakynni verkstæðanna og út-
búnaður. Þessi hluti starfsins leiddi í
ljós, að nauðsynlegt er að bæta
kennsluna í faginu og opna möguleika
til framhaldsnáms. Enn fremur verð-
ur að efla fjárhag verkstæðanna og
gera þeim kleift með aukinni fjárfest-
ingu að bæta skipulag sitt, afla sér
nauðsynlegra tækja og koma sér upp
þeim húsakynnum, sem þörf krefur.
Nómskeið fyrir starfsmenn
og stjórnendur
í framhaldi af þessu starfi var
haldið námskeið fyrir viðgerðarmenn
í samvinnu við Félag bifvélavirkja,
og einnig voru haldin námskeið fyrir
verkstjóra og verkstæðaeigendur í
samvinnu við Félag bifreiðaverk-
stæðaeigenda. Þar var m. a. vakin at-
hygli á þeim ráðstöfunum, sem unnt
er að gera til hagræðingar á rekstrin-
um án frekari fjárfestingar, svo sem
Framh. á 111. bls.
94
IÐNAÐARMÁL