Frjáls verslun - 01.08.2005, Qupperneq 137

F R J Á L S V E R S L U N • 8 . T B L . 2 0 0 5 137
Í
upphafi árs var gert ráð fyrir miklum
vexti hjá Icelandair og þær áætlanir
hafa að mestu gengið eftir. Við bættum
inn áfangastöðum og fjölguðum einnig
ferðum til staða sem voru áður í leiða-
kerfi okkar. Gert er ráð fyrir að farþegar
félagsins verði í ár um 1,5 milljónir og hefur
þeim fjölgað um rúmlega 15% það sem af er
ári. Við gerum ráð fyrir að sú þróun haldi
áfram. Allt stefnir í að þetta verði stærsta
árið í sögu Icelandair,“ segir Jón Karl Ólafs-
son, forstjóri Icelandair.
Á ríflega tuttugu árum hefur Jón Karl
starfað í mörgum deildum FL Group. Hann
segir að því hafi fátt komið sér á óvart þegar
hann tók við núverandi starfi snemma þessa
árs. „Hjá félaginu starfar frábært starfsfólk,
sem er helsta auðlind þess. Í dag er mjög auð-
velt að hefja flugrekstur, markaðir eru opnir
og tækifærin mörg. Það sem þó kannski
greinir á milli okkar og annarra félaga er hve
góðan og reynslumikinn hóp starfsmanna við
höfum. Þeir munu tryggja framtíð félagsins.“
Hágengið hefur áhrif Sem fyrr eru Kaup-
mannahöfn og Lundúnir stærstu áfangastað-
irnir í leiðakerfi Icelandair. „Markaðir okkar
í Þýskalandi og Bandaríkjunum hafa verið
góðir á árinu. Afkoma okkar byggist mjög
mikið á ferðamönnum, sem koma til Íslands
og því höfum við nokkrar áhyggjur af háu
gengi. Mjög mikið af tekjum okkar er í
erlendum gjaldeyri og hefur gengisþróun því
haft áhrif á tekjur okkar, eins og annarra
útflutningsfyrirtækja. Hágengið leiðir líka af
sér mjög hátt verðlag hér á landi. Þetta getur
því haft áhrif á eftirspurn í framtíðinni og
við höfum raunar nú þegar fundið fyrir því,“
segir Jón Karl.
„Ísland verður sífellt dýrari áfangastaður.
Við heyrum mikið rætt um þetta á mörk-
uðum okkar erlendis. Við verðum að vera
á varðbergi og vinna á móti þessu, meðal
annars með efldu markaðsstarfi erlendis.
Félagið hefur í gegnum tíðina unnið mjög
vel í því að lækka kostnað eins og unnt
er og það hefur hjálpað mikið til. Einingar-
kostnaður okkar er lægri en flestra sambæri-
legra flugfélaga. Við erum með aðra uppsetn-
ingu en hin svokölluðu lágfargjaldafélög,
en einingarkostnaður félagsins er engu að
síður mjög nálægt því sem gerist hjá slíkum
félögum. Þetta gerir samkeppnisstöðu félags-
ins á öllum mörkuðum mun betri en ella.“
Vesturströndin kemur vel út Í maí sl. hóf
Icelandair flug til San Francisco og verður
flogið þangað fram til loka október. Gert er
ráð fyrir að taka þráðinn upp að nýju næsta
vor. Flugið til vesturstrandar Bandaríkjanna
hefur gengið mjög vel og sætanýting hefur
verið betri en reiknað var með. Stærsti
markaðurinn á þessari leið eru farþegar á
milli Ameríku og Evrópu. Til framtíðar er
reiknað með að farþegum til Íslands frá Kali-
forníu muni fjölga.
Næsta vor hefur Icelandair flug til
Manchester í Englandi. Að sögn Jóns Karls
hefur markaður Icelandair í Bretlandi verið
mjög vaxandi á undanförnum árum og mögu-
leikarnir þar miklir. „Síðan á sér stað áhuga-
verð þróun á Asíumarkaði. Við höfum stundað
leiguflug til Japan núna um þriggja ára skeið
og það eru ljóst að ef sá markaður vex áfram,
verður mjög spennandi að skoða möguleika á
áætlunarflugi til fjarlægari landa.“
Samkeppnin fjölgi farþegum Á sama
tíma Icelandair styrkir sig í sessi eykst sam-
keppnin bæði af hálfu Iceland Express og
British Airways sem ætlar að hefja flug
hingað til lands á vori komanda. Jón Karl
segir þessa auknu samkeppni fyrst og síðast
spennandi. Stjórnendur Icelandair gangi út
frá því að aukin samkeppni í fluginu leiði til
fjölgunar farþega og stækki ferðamarkaðinn
hér innanlands.
„Við höfum aldrei hræðst keppinauta
okkar, enda höfum við verið í harðri sam-
keppni á öllum okkar mörkuðum í langan
tíma. Innkoma British Airways þýðir meiri
umfjöllun um Ísland á mjög mikilvægu mark-
aðssvæði. Þetta skapar mikil tækifæri, sem
við munum nýta okkur. Það er mun betra
að starfa á stórum vaxandi markaði, þar sem
tækifæri eru til að ná árangri. Það versta sem
getur gerst er að eftirspurn eftir flugi minnki,
þá verða vandamálin fyrst erfið. Markmið
okkar er alltaf að reyna að auka ferðamanna-
straum til Íslands. Ísland er okkar helsti
markaður og verður áfram. Við horfum mjög
bjartsýn til framtíðar.“
ICELANDAIR • JÓN KARL ÓLAFSSON
TEXTI: SIGURÐUR BOGI SÆVARSSON
MYND: GEIR ÓLAFSSON
Farþegum Icelandair hefur fjölgað um 15% á árinu og
reiknað er með að þeir verði um 1,5 milljónir. Nýir áfanga-
staðir koma vel út. Aukin samkeppni skapar tækifæri.
STÆRSTA ÁRIÐ
Í SÖGU FÉLAGSINS
DÓTTURFÉLAG FL GROUP