Víkurfréttir - 10.05.2012, Page 4

4 FIMMTUDAGURINN 10. MAÍ 2012 • VÍKURFRÉTTIR
Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Páll Ketilsson, ritstjóri
vf.is
Ekki er vika án Víkurfrétta - sem koma næst út miðvikudaginn 16. maí 2012. Bókið auglýsingar í síma 421 0001 eða gunnar@vf.is
Blæðandi heimavöllur fjármálaráðherra
Það voru ekki góðar fréttir að heyra um fjölda þeirra
sem eru í vanskilum. Þar erum við Suðurnesjamenn
efstir á lista með yfir þrjú þúsund manns í vandræðum með
að standa í skilum með skuldbindingar sínar. Það segir eitt-
hvað um stöðuna á svæðinu.
Á sama tíma hreykja forystumenn ríkisstjórnarinnar sig af
því að allt sé á réttri leið á Íslandi. Vandinn á Suðurnesjum
hefur verið mikill frá hruni sem hefur birst í mesta atvinnu-
leysi á landinu og mestu vanskilunum. Gagnrýni á ríkis-
stjórnina um einhverja innkomu í því að hafa áhrif á þessa ís-
köldu staðreynd er réttmæt. Kona frá Vinstri grænum sagði
í útvarpsþætti nýlega að Suðurnesjamenn þyrftu að horfa
annað en til stóriðju. Það má vera rétt. Horfa ætti meira til
ferðaþjónustunnar sem væri framtíðargrein svæðisins með
mikla möguleika á sköpun fleiri starfa. Væri þá ekki ráð að
rétta hjálparhönd nú þegar ástandið er sem verst og veita
aðstoð þar. Eitt og hálft ár er síðan ríkisstjórnarfundur sem
haldinn var í Víkingaheimum samþykkti minni háttar fram-
lag sem var í formi starfa sem hægt var að telja á fingrum
annarrar handar eins og í herminjasafni á Ásbrú. Það hefur
ekki enn verið opnað og fréttir herma að framkvæmdir þar
séu stopp. Margir áttu síðan von á því að fjármálaráðherra
úr Garðinum myndi kannski láta ljós sitt skína og beita sér
af krafti fyrir svæðið, þegar hún fékk þann fína stól. Það
virðist því miður hafa verið bjartsýni. Einhvern tíma hefði
maður haldið að fjármálaráðherra hefði völd og kraft til
að gera eitthvað fyrir blæðandi heimavöll og margir spáðu
því að Oddný Harðardóttir myndi láta til sín taka. Suður-
nesjamenn höfðu beðið lengi eftir því að fá talsmann í eitt
öflugasta ráðuneyti Íslands. Vonandi fer hún að sýna úr
hverju hún er gerð. Það eru kosningar eftir ár.
Það voru líka slæmar fréttir sem sögðu frá því að nemendur
í 9. og 10. bekk grunnskóla á Suðurnesjum ættu auðvelt með
að fá keyptar sígarettur eða neftóbak. Um helmingur versl-
ana seldi krökkunum þessar vörur en árið 2009 seldu aðeins
22% sölustaða þeim sígarettur. Samtök félagsmiðstöðva
á Suðurnesjum gerðu könnun sem skilaði þessari ófögru
niðurstöðu. Það er því ljóst að eigendur þessara verslana
verða að taka sig taki í þessum málum. Þetta er óverjandi.
Úr fúlum fréttum í fótbolta sem er byrjaður að rúlla. Efstu-
deildarliðum Keflavíkur og Grindavíkur er spáð botn-
baráttu. Fótboltinn er þjóðaríþrótt á Íslandi og vitni um
sumarkomu. Það er ástæða til að hverja Suðurnesjamenn
til að fjölmenna á völlinn og fylgjast með okkar liðum á fót-
boltavellinum. Í kvöld fimmtudag, er fyrsti stórleikur ársins
þegar Keflvíkingar heimsækja Grindvíkinga í sannkölluðum
víkingaslag. Nú er lag að skella sér í Grindavíkina!
Páll Ketilsson
Einhver dýrlegasti tími ársins er vorið, jafnvel þótt kalt sé. Eftir því bíður maður allan þennan
langa vetur. Og svo er það komið með öllum sínum
tækifærum. Það kallar á mann til verka því í hönd
fer sá tími sem einhvern veginn alltaf er of stuttur,
þar til nýtt haust og nýr vetur boða komu sína.
Þessir unaðslegu björtu morgnar kalla á mann út
til að njóta þess auðs sem náttúran færir, aðeins ef
maður nú ber sig eftir því. Symfónía morgunsins
er þér til áheyrnar endurgjaldslaust. Og ef þú átt
garðholu sem þú getur grafið í þá skaltu ver viss
um að fljótlega koma til þín gestir, sem vilja deila
stundinni með þér þegar þú rótar í moldinni. Þrest-
irnir bíða bak við næsta stein og þykjast vera að
hjálpa til, en auðvitað vita þeir sem er, að þeim mun
áskotnast einn og einn ánamaðkur ef þeir halda sig
nógu nærri. Mér fannst hann dálítið nærgöngull um
daginn þessi sem trítlaði yfir höndina á mér, sem
hélt á gafflinum. Ég komst fljótlega af því að hann
var bara latur og nennti ekki að grafa sjálfur. Svo
stóð hann bara og beið eftir næstu sendingu. Við
urðum fljótlega mátar.
En hvað með þá sem enga garðholu eiga? Þurfa þeir að
fara á mis við þessi herlegheit? Engan veginn, því þín
garðhola bíður, ef þú aðeins ber þig eftir björginni. Það
er enginn nýlunda að flest stærri bæjar- og sveitafélög
hafa boðið íbúum sínum upp á garðlönd gegn vægu
gjaldi þar sem hægt er að hlúa að sínum eigin garði.
Slík svæði eru almennt nefnd kartöflugarðar, skóla-
garðar eða garðlönd allt eftir efnum og aðstæðum.
Gjarnan eru slík lönd á nokkru bersvæði og lítið gert
fyrir umgjörð þeirra annað en að plægja jarðveginn og
deila út reitum. Síðan er það einstaklinganna að gera
sér mat úr efniviðnum.
Það hefur orðið allt áleitnari hugsun ritara, að kannski
væri nú tækifæri til að poppa upp ímynd þessara
svæða. Fyrirmyndin er norræn, svæði innan borgar-
múranna þar sem íbúar sækja út í náttúruna og njóta
eigin verka í takmörkuðu garðlandi sem með tímanum
hefur orðið „þeirra“ vegna þess að þangað koma þeir
ár eftir ár til að hlúa að sínu eigin landi. Lítið afdrep er
gjarnan reist þar sem hægt er að leita skjóls og drekka
kaffið sitt. Smám saman skapast grannskapur með til-
heyrandi skoðanaskiptum og samanburði á árangri og
reynslu.
Hrunið kallaði á miklar fórnir. Atvinnuleysi er hvergi
hærra en á okkar svæði og ekki sýnt að mikilla breyt-
inga sé að vænta á næstunni. Að vera atvinnulaus
hlýtur að vera mannskemmandi og jafnast á við krón-
ískt sjúkdómsástand þegar lengra líður. Ekki aðeins
að upplifa höfnun í upphafi þegar vinnumissir verður
heldur er hver dagur öðrum líkur nema maður finni
sér eitthvað til að sækja í. Vinnumálastofnun reynir
að finna leiðir til að virkja atvinnulausa, svo sem með
framboði á ýmsum námskeiðum sem falla þolendum
misvel . Ritari hefur viðrað hugmyndina að grenndar-
görðum við forsvarmenn Vinnumálastofnunar, Verka-
lýðsfélags Suðurnesja og Verslunarmannafélags Suður-
nesja sem allir sjá feng af að hlúa að slíku verkefni svo
fremi að farið sé af stað með það.
Í grenndargörðum er hlúð að eigin manni. Þar fer ekki
aðeins fram ræktun í jarðvegi heldur um leið mann-
rækt, Því eigin verk skapa ímynd sem oft á tíðum er
sérstaklega brotin þegar atvinnulausir eiga í hlut. Allir
njóta þess að sjá árangur eigin verka, þeim mun meiri
alúð, þeim mun meiri gleði. Allir eru velkomnir!
Við í Suðunesjadeild Garðyrkjufélags Íslands ætlum
að hlúa að þessu verkefni. Við munum næstkomandi
laugardag 12. maí tengjast Barna- og fjölskylduhátíð
Reykjanesbæjar á þann hátt að efna til fundar um
grenndargarða í Húsinu okkar (gamla K-húsið) við
Hringbraut kl 10. Þar munum við fá kaffi og kannski
kökur um leið og við hlýðum á eftirfarandi umfjöllun
um grenndargarða.
Okkar hugmynd að grenndargarði
Konráð Lúðvíksson læknir
Hvernig hlúum við að grenndargarð?
Lilja Sigrún Jónsdóttir læknir og tengiliður ræktenda við
Garðyrkjufélag Íslands
Mín sýn á grenndargarði
Páll Rúnar Pálsson iðnrekstrarfræðingur og áhuga-
maður um ræktun
Á eftir er ætlunin að storma út í Gróf og hittast þar kl
11, þar sem Reykjanesbær hefur þegar plægt upp svæði
íbúum til afnota. Þar getum við saman farið á flug og
þróað hugmyndina að framtíðarsýn. Það skal bent á að
engir skólagarðar verða starfræktir í ár þannig að hér
gefst kjörið tækifæri að nýrri nafnagift, nefnilega fjöl-
skyldugarðar. Von er á votviðrasömu en góðu veðri.
Konráð Lúðvíksson,
formaður Suðurnesjadeildar
Garðyrkjufélags Íslands.
Ræktum burt hrunið
Hvernig hlúum við að grenndargarði?