Víkurfréttir - 04.10.2012, Page 8

fimmtudagurinn 4. október 2012 • VÍKURFRÉTTIR8
Talsvert um óhöpp um helgina
Talsvert var um umferðaróhöpp í umdæmi lögreglunnar á Suðurnesjum undir og um helgina. Karlmaður á fimmtugsaldri ók bifreið sinni upp á hringtorg í Njarðvík og
sat hún þar föst í grjóti. Hringja þurfti eftir dráttarbíl til að losa hana. Enn fremur rákust
tveir bílar saman í Njarðvík. Slys urðu engin á fólki. Þá valt bíll á Reykjanesbraut við Voga.
Tveir voru í honum og slösuðust þeir ekki alvarlega. Tvítugur karlmaður missti stjórn á
bíl sínum á Bláalónsvegi þegar hann var að stilla útvarpið. Bíllinn hafnaði utan vegar og
skemmdist nokkuð. Loks missti ökumaður bifhjóls í Keflavík stjórn á því með þeim afleið-
ingum að hjólið féll í jörðina. Ökumaðurinn marðist en slapp að öðru leyti ómeiddur.
Gerir hvað
sem er fyrir
frægðina
Að þessu sinni er F S - i n g u r v i k -
unnar Dalrós Líndal
Þóris d óttir, tv ítug
Njarðvíkurmær sem
stundar nám á félags-
fræðibraut. „Ég fann
mig á þeirri braut eftir
að hafa prófað tvær
aðrar,“ segir Dalrós
sem ekki hefur alveg
ákveðið hvað hún tekur
sér fyrir hendur í fram-
tíðinni, stefnan er þó tekin upp á við og íslenka
tungumálið heillar hana. Samhliða námi starfar
Dalrós á Olsen Olsen og þessa dagana er hún
sjúk í tónlistina hans Ásgeirs Trausta.
Af hverju valdir þú FS?
Það kom einhvern veginn aldrei neinn annar
skóli til greina, aðallega vegna þess að mér
fannst það sjúklega óspennandi að fara á milli
Keflavíkur og Reykjavíkur á hverjum morgni.
Hvernig finnst þér félagslífið í skólanum?
Bara ótrúlega fínt, heljarinnar veisla á
hverjum degi. En ég viðurkenni að ég hef
ekki verið dugleg við að taka þátt í því.
Ertu að vinna með skóla?
Já, hef alltaf verið heppin með vinnu með
náminu. Núna er ég að vinna á Olsen
Olsen, þessir borgarar steikja sig ekki sjálfir.
Svo er ég einnig með stelpu í liðveislu.
Stundarðu íþróttir eða ert
í öðrum tómstundum?
Nei, ekki nema kannski bara ræktin í
byrjun janúar eins og svo margir.
Hvað borðar þú í morgunmat?
Það sem mér dettur í hug hverju
sinni. Því óhollara því betra.
Hvaða FS-ingur er líklegur til
þess að verða frægur?
Ég kem til með að gera hvað sem er fyrir frægðina.
Hvað fær þig til að hlæja?
Það er svo ótrúlega margt. Ég á mjög auðvelt
með að hlæja yfir fyndnum svipum á fólki en
mér finnst alltaf skemmtilegast þegar fólkið
í kringum mig fær mig til að hlæja – fólk
sem fær mann til að hlæja er besta fólkið.
Sjónvarpsþættir
Breaking bad, það eru eflaust einhverjir sem öf-
unda mig af því að vera rétt byrjuð á þriðju seríu.
Vefsíður
Ég er auðvitað föst inni á facebook eins og
flestir svo skoða ég trendnet.is á hverjum degi.
Skyndibiti
Olsen Olsen og ég, alls staðar.
Kennari
Ég ætla að segja Hlynur hagfræðikennari,
ég hef mjög gaman að honum. Mér semur
annars vel við flesta kennarana mína.
Fag
Íslenskan heillar.
Tónlistin
Ég er rosaleg þegar kemur að tónlist. Ég er í
frekar rólegum gír þessa dagana og eins og svo
margir aðrir þá er ég sjúk í tónlistina hans Ás-
geirs Trausta og mér finnst líka mjög fínt að
hlusta á Valdimar og The Weeknd en þegar ég
er í algjörri slökun hlusta ég á Antony and the
Johnsons, vinir mínir hafa líka náð að fá mig til
þess að hlusta á Gísla Pálma, ég trúi því varla
ennþá. En inn á milli stilli ég á Gullbylgjuna.
FS-INGUR VIKUNNAR
EFTIRLÆTIS...
Suðurnesjamaðurinn Einar Lárus Ragnarsson hefur tekið að sér versl-
unarstjórn í Húsasmiðjunni í Reykja-
nesbæ en hann hefur síðastliðin tólf ár
starfað við innkaup hjá fyrirtækinu í
höfuðstöðvum þess í Reykjavík. Hann
hefur starfað hjá Húsasmiðjunni á
sautjánda ár og átti meðal annars þátt í
opnun verslunarinnar á Smiðjuvöllum í
nóvember árið 1996 þar sem hann vann
í rúmt ár áður en hann hélt aftur í bæinn
til starfa í innkaupadeildinni.
Einar var þá aftur fluttur suður og hefur
keyrt á milli síðastliðin 14 ár en hann er
fæddur og uppalinn á Suðurnesjum, bjó
fyrstu árin í Njarðvík en flutti síðan til
Keflavíkur.
Í samtali við Víkurfréttir sagði Einar
Lárus að ýmsar breytingar standi nú yfir
í versluninni og má þar helst nefna að
aðkoma verktaka og iðnaðarmanna hefur
tekið á sig nýja mynd en verið er að færa
pípulagnadeild úr verslunarrýminu nær
timbursölunni og öll aðstaða fyrir pípara
bætt til hins betra. Ráðinn hefur verið
annar fagmaður í deildina til að bæta
þjónustuna enn frekar.
Blómaval verður stækkað og vöruúrval
einnig aukið þar, en nýr starfsmaður
Blómavals er Sólveig Óladóttir sem m.a.
hefur rekið blómaverslun í Grindavík og
er öllum hnútum kunnug í þeim geira.
„Við væntum mikils af henni,“ segir Einar
Lárus, enda hefur hún nú þegar breytt
ásýnd Blómavals til hins betra og bætt í
flóruna með fleiri gjafavörum og fallegum
blómaskreytingum að hans mati.
Aðrar breytingar eru einnig í farvatn-
inu, en í þær verður farið eftir áramót
VIÐSKIPTI OG ATVINNULÍF
- EINAR LÁRUS er nýr verslunarstjóri í Húsasmiðjunni.
Töluverðar breyT-
ingar framundan
enda stórir mánuðir framundan og eins
og þekkt er byrja jólavörurnar þegar að
streyma í búðina um miðjan október og
lítill tími til stórra breytinga síðustu mán-
uði ársins. „Það má segja að breyting-
arnar í byrjun næsta árs munu gjörbreyta
ásýnd verslunarinnar og vonandi verður
vel tekið í þær af viðskiptavinum,“ segir
verslunarstjórinn Einar.
Stefnt er að því að ljúka þeim breytingum
sem eru í gangi núna um miðjan október
og fljótlega eftir það verður boðið upp á
hið margrómaða Konukvöld, og einnig í
kjölfarið Kjaraklúbbskvöld. „Við vonumst
til að jafn góð þátttaka verði þau kvöld
eins og undanfarin ár, en einnig munum
við bjóða iðnaðarmönnum til okkar eina
kvöldstund í október til að kynna þeim
breytingarnar og fara yfir málin,“ segir
Einar og brosir út í annað.
Skynjar jákvæðni á svæðinu
„Ég hef tröllatrú á að hér fari að birta til á
svæðinu og uppgangur fari að hefjast og
er reyndar ekki í vafa að svo verði innan
fárra mánaða. Við ætlum að vera vel
undirbúin undir það og eiga dyggan þátt í
því að Suðurnesjamenn þurfi ekki að leita
út fyrir svæðið eftir vörum hvort sem það
eru byggingavörur, verkfæri, heimilistæki
eða blóm og gjafavörur til að lífga upp á
tilveruna,“ segir Einar að lokum.
fré
ttir
J Sólveig Óladóttir í afgreiðslu Blómavals.
J Einar Lárus Ragnarsson, verslunarstjóri Húsasmiðjunnar í Reykjanesbæ. VF-myndir: Eyþór Sæmundsson