Víkurfréttir - 16.08.2012, Blaðsíða 12

FIMMTUDAGURINN 16. ÁGÚST 2012 • VÍKURFRÉTTIR12
Aðilar í ferðaþjónustu á Suðurnesjum eru á einu máli um að ferðamönnum er að fjölga á Suðurnesjum og hafa sennilega
aldrei verið fleiri en í ár. Víkurfréttir höfðu samband við ýmsa aðila í ferðaþjónustunni á Suðurnesjum og spurðust fyrir um
hvernig gengi að anna stöðugum straumi ferðamanna sem koma hingað til lands.
Stefnir í metSumar
ferðaSumarið á SuðurneSjum 2012
„Ofan á toppár í fyrra, þá erum
við að horfa á 10-15% aukningu
á gistinóttum á þessu ári. Ferðir
um svæðið sjálft eru svo enn fleiri
en í fyrra. Þannig að við sjáum
fram á metsumar,“ segir Kristján
Pálsson hjá Ferðamálasamtökum
og Markaðsstofu Suðurnesja.
„Ef við reynum að meta stöðuna
eins og hún er núna með fjölda
ferðamanna um Reykjanesið, þá
sjáum við að það er aukning miðað
við í fyrra. Í fyrra töldum við ferðir
um 100 gíga garðinn svokallaða
við Reykjanesið og þar fórum um
110 þúsund manns, það sama má
segja um Krýsuvík og nágrenni.
Okkur sýnist að í Krýsuvík sé um
30% meiri rútuumferð en í fyrra.
Þar hefur verið sett upp hús í Selt-
úni sem er með salernisaðstöðu
og lágmarksþjónustu.“ Varðandi
Suðurstrandaveginn þá segir Krist-
ján að hann sé nú ekki enn kominn
inn á kortið en hann hefur þó verið
auglýstur nokkuð að mati Kristjáns
og segir hann að fólk fari nú líklega
að átta sig á að þessi vegur sé til.
Kristján segir stöðuga uppbyggingu
eiga sér stað hér á þessu svæði og
þar ber að nefna Reykjanesið en
þar koma fjölmargir ferðamenn
með rútum m.a. úr skemmtiferða-
skipum. Þar skortir hins vegar sal-
ernisaðstöðu og eru þau mál öll
í vinnslu og undirbúningur fyrir
byggingu þjónustuhúss í gangi.
Ferðamálasamtökin eru nú með
það land á Reykjanesi sem ekki til-
heyrir virkjunum á leigu og með
því að byggja upp aðstöðu og bjóða
upp á þjónustu þá á það að standa
undir kostnaði af leigu og til þess
að halda uppbyggingu þar áfram.
„Með þessu hugsum við okkur að
fá ferðamenn til þess að stoppa
lengur og gefa í leiðinni af sér til
þess að við getum gert meira fyrir
það svæði,“ segir Kristján.
Eins og staðan er í dag nú yfir há-
annatímann þá eru öll hótel full
og Bláa lónið tekur ekki við fleiri
ferðamönnum. Það er því mögu-
leiki fyrir fleiri aðila að fara á þann
markað að bjóða upp á gistingu
fyrir ferðamenn að sögn Kristjáns.
„Það eru auðvitað miklir mögu-
leikar á Ásbrú. Mál varðandi nýt-
ingu húsnæðis hér á Ásbrú undir
gistingu eru auðvitað viðkvæm
gagnvart samkeppni við þá sem
eru með gistirekstur annars staðar
á Suðurnesjum. Allt verður þetta
að gerast í góðri sátt og ég vona að
svo geti verið. Ef menn sjá fram
á mikla aukningu ferðamanna þá
þarf að ríkja sátt um hvaða ráðstaf-
anir verða gerðar.“
Kristján segir svæðið hérna vera
sérstaklega aðgengilegt fyrir ferða-
menn og það sé líka opið allt árið
um kring. Kristján er einnig á því
að ferðamenn séu í miklum mæli
að stoppa hér á svæðinu. „Það keyri
hér um á bílaleigubílum og fólk
virðist í auknum mæli vita af þessu
svæði. Þegar hótelunum fjölgar og
fjölbreytnin í gistiaðstöðu verður
meiri, þá fjölgar ferðamönnum,
það hefur sýnt sig. Í fyrra jókst nýt-
ingin á hótelunum frá 30% upp í
40%, þrátt fyrir aukið gistirými.
Það sýnir okkur að það var þörf
fyrir meira og fjölbreyttara gisti-
pláss,“ en með tilkomu nýrra gisti-
heimila í Garði og Sandgerði eru
núna komin gistiþjónusta í öll bæj-
arfélög á svæðinu.
Kristján segir að það séu aðallega
þrír staðir á Suðurnesjum sem
dragi hvað flesta ferðamenn að.
„Bláa lónið sem er auðvitað stærsti
ferðamannastaður á landinu,
Krýsuvík og það svæði, og að lok-
um Reykjanesið. Aðstaðan er orðin
boðleg í Krýsuvík og nú þarf það
sama að gerast úti á Reykjanesi.“
Yfir 100 þúsund gistingar á hótelum
og gistihúsum eru árlega á Suður-
nesjum og Kristján segir að í raun
sé verið að spenna bogann að fullu.
„Það hefur tekið langan tíma að
byggja upp ferðamannaþjónustuna.
Menn hafa ekki verið of ginkeyptir
fyrir því að setja nógu mikinn pen-
ing í þessi mál. Bæði í Krýsuvík og
á Reykjanesi skortir pening en hægt
og bítandi er það að gerast. Þegar
þau svæði hafa verið byggð upp þá
höfum við fullkominn hring. Við
höfum alla möguleika á að bjóða
upp á það sama og best er í boði
annars staðar.“
Kristján bætir því við að upp-
byggingin hér hafi verið sérstök
að því leyti að ferðaþjónustan
hafi ekki fengið mikinn stuðning
fjárhagslega frá sveitarfélögum á
svæðinu. „Þau hafa kannski ekki
haft burði til þess á undanförnum
árum, en þegar fjármagn var til þá
voru ekki að renna miklir pening-
ar í ferðaþjónustuna með beinum
hætti. Ferðamálasamtökin fengu
t.a.m. engan stuðning við stofnun
Markaðsstofu Suðurnesja. Sveitar-
félögin vildu ekki taka þátt í því.
Markaðsstofan fær eingöngu styrki
frá ríkinu og einkaaðilum,“ sagði
Kristján að lokum.