Ægir - 01.06.2010, Qupperneq 18

18
M A K R Í L V I N N S L A
„Sjómennirnir þurfa að leggja
mjög mikið á sig til að koma
þessu hráefni heilu í land. Á
þessum árstíma er sjávarhiti
hér fyrir sunnan land um 13
gráður, fiskurinn að éta og
fitna og þar af leiðandi er
hann fullur af átu. Lykillinn að
því að hráefnið sé hæft til
vinnslu er að skipin taki lítinn
afla í einu og að sjómönnun-
um takist kæla aflann sem
hraðast niður,“ segir Björn
Brimar Hákonarson, fram-
leiðslustjóri hjá Ísfélaginu í
Vestmannaeyjum um makríl-
vinnslu fyrirtækisins þessar
vikurnar. Fyrsti makríllinn kom
til vinnslu hjá Ísfélaginu þann
10. júní síðastliðinn en nú er
makríll í fyrsta skipti unninn í
umtalsverðu magni hjá Ísfé-
laginu til manneldis.
Uppsjávarskipin Júpíter,
Álsey og Þorsteinn hafa verið
að makrílveiðum fyrir vinnslu
Ísfélagsins en í tveimur fyrr-
nefndu skipunum eru RSW
sjókælikerfi en krapakerfi um
borð í Þorsteini. Þessi búnað-
ur er lykilatriði í því að koma
makrílnum vinnsluhæfum í
land en þegar í vinnsluna er
komið er aflinn um og undir
frostmarki.
„Bátarnir eru ekki að taka
meira en 100 tonn í senn,
toga ekki lengur en 4-5 tíma
og koma síðan með 2-300
tonn í land í einu. Þetta er
nauðsynlegt til að tryggja
gæðin á hráefninu. En mér er
óhætt að segja að þetta hafi
gengið vel hingað til í sumar,“
segir Björn Brimar.
Viðkvæmara hráefni en síldin
Í vinnslu Ísfélagsins er makr-
íllinn hausaður og slógdreg-
inn. Síðan er fiskurinn frystur
í pönnur. „Að vissu leyti er
þetta svipað hráefni og síldin
en samt ennþá viðkvæmara.
Þegar lengra kemur fram á
sumarið og haustið er okkur
sagt að átan hverfi úr fiskin-
um og þá er hann hæfur í
heilfrystingu. En í raun erum
við að fikra okkur áfram með
hráefni sem við þekkjum ekk-
ert til. Við fengum prufufarma
inn í vinnslu í fyrra þannig að
það mætti orða það svo að
við séum í þróunarferlinu í
sumar. Og vonandi verður
framhald á veiðunum og
vinnslunni fram eftir haust-
inu,“ segi Björn Brimar en
makríllinn sem veiðist núna
er um og undir 400 grömm-
um að stærð að jafnaði.
„Við frystum makríl allt
síðasta sumar á Þórshöfn en
þetta er í fyrsta skipti sem
einhver kraftur er í vinnslu á
þessum fiski hér í Eyjum,”
bætir hann við en til viðbótar
við vinnslu makrílsins í landi
hefur frystiskip Ísfélagsins,
Guðmundur VE, verið á
makrílveiðum síðustu ár og
fryst um borð. Sú vinnsla seg-
ir Björn Brimar að gangi vel.
Makríllinn kærkominn viðbót í vinnslu Ísfélagsins í Vestmannaeyjum:
Erum á hverjum degi að læra
eitthvað nýtt um þetta hráefni
- segir Björn Brimar Hákonarson, framleiðslustjóri
Unnið er allan sólarhringinn í makrílvinnslunni. Þetta er kærkomin vinna fyrir
margt skólafólk í Eyjum en um 50 manns starfa við frystinguna.