Ægir - 01.06.2010, Side 20

20
F I S K E L D I
„Við ölum fiskinn í lokuðum
hringrásarkerfum innanhúss
og getum framleitt um 300
tonn af sandhverfu á ári miðað
við núverandi hönnun stöðvar-
innar. Umhverfisaðstæður hér
eru nokkuð langt frá náttúru-
legum aðstæðum sandhverf-
unnar því hún þrífst vel í hita
frá 12 upp í 17 gráður. Sjávar-
hiti hér við Suður-Kína fer
mögulega niður í 16 gráður
þegar kaldast er á veturna og
vel yfir 30 gráður á sumrin. Við
erum því að ala fiskinn í um-
hverfi sem er fjarri náttúrulegu
umhverfi hans. Eldi á sand-
hverfu í tönkum uppi á landi
er þekkt, t.d. á Spáni, í Frakk-
landi, Suður-Ameríku og víðar
og sandhverfan er vel þekkt
sem gæðahráefni í betri fisk-
rétti,” segir Jóhannes Her-
mannsson sem stýrir fyrirtæk-
inu Fine Grain Sea Products
Co., Ltd. in Guangdong fylki í
Suður-Kína. Fyrirtækið sérhæf-
ir sig í sandhverfueldi. Það
hefur starfað í núverandi mynd
í þrjú ár og er í eigu aðila í
Hong Kong og Íslendings sem
þar er búsettur.
Fiskurinn seldur lifandi
Framleiðsla Fine Grain er öll
ætluð hágæða markaði í Kína
og til útflutnings á erlenda
markaði. Fine Grain selur
nánast allan fiskinn úr eldinu
lifandi til veitingahúsa, hótela
og verslana. Það að selja fisk-
inn lifandi er venja á fisk-
markaði í Kína enda segir Jó-
hannes að samasemmerki sé
talið milli þess að fiskur sé lif-
andi og líti vel út og að hann
sé ferskur.
Tenging sandhverfueldis-
fyrirtækisins í Kína og Íslands
byggist ekki einvörðungu á
eignarhaldi og framkvæmda-
stjórn heldur hefur fyrirtækið
sótt tæknilausnir í eldinu til
Matís. Matís hefur sérhæft sig
í tækni til að greina skyldleika
í fiskeldi og þá þekkingu nýtir
fyrirtæki Jóhannesar sér.
„Mögulega hefðum við get-
að sótt okkur þessa þekkingu
annars staðar en á vissan hátt
eigum við greiðari aðgang að
þjónustu hjá Matís þar sem
það fyrirtæki er hvorki mjög
stórt né flókið. Við getum sagt
að í þessu tilfelli njóti báðir
þess að vera Íslendingar. Við
vitum hvert við ætlum og
hvað við getum fengið. Það
skiptir okkur mestu að hafa
aðgang að þekkingu sem er
umtalsverð innan veggja Mat-
ís,“ segir Jóhannes sem væntir
þess að í framtíðinni muni
sýni verða reglulega send frá
fyrirtæki hans í Suður-Kína til
greiningar hjá Matís og þannig
verði þjónusta sótt reglubund-
ið til Íslands
Aðspurður segir Jóhannes
að sem stendur sé sandhverf-
an eina tegundin í eldi hjá
fyrirtækinu en í framtíðinni sé
ætlunin að reyna eldi á fleiri
fisktegundum með sömu
tækni.
Sandhverfa þykir herramannsmatur í Kína.
Sandhverfa. Aðstæður við Kína eru mjög frábrugðnar náttúrlegum aðstæðum sandhverfunnar. Eldi í tönkum uppi á landi er
hins vegar þekkt tækni sem hentar sandhverfunni.
Íslendingar í sandhverfueldi í Kína:
Ala 300 tonn á ári og sækja tækni til
skyldleikagreiningar til Íslands