Fréttablaðið - 16.04.2015, Qupperneq 28

16. apríl 2015 FIMMTUDAGUR| TÍMAMÓT | 28TÍMAMÓT
Ástkær móðir okkar, tengdamóðir,
amma og langamma,
SIGRÚN HJALTALÍN
Vanabyggð 1,
Akureyri,
lést á Sjúkrahúsinu á Akureyri, föstudaginn
10. apríl. Útförin fer fram frá Akureyrarkirkju
mánudaginn 20. apríl kl. 14.00.
Vaka Hrund Hjaltalín Guðmundur Magnússon
Friðrik Hjaltalín
Svava Þórhildur Hjaltalín
Ingvar Rafn Hjaltalín
Sunneva, Salóme, Sigrún, Unnur, Katrín Emelía Kolka og
Matthildur Nína
Ástkær bróðir okkar,
KETILL INGIMARSSON
vélvirki,
Hamraborg 20,
lést á hjúkrunarheimilinu Skjóli laugardaginn
28. mars sl. Útförin hefur farið fram í kyrrþey.
Inga Jóna Ingimarsdóttir
Oddbjörg Ingimarsdóttir
og aðrir aðstandendur.
Elskulegur eiginmaður minn og besti vinur,
GUÐMUNDUR INGVI GESTSSON
Seljahlíð 13c, Akureyri,
lést á Sjúkrahúsinu á Akureyri 8. apríl. Útför
hans fer fram frá Akureyrarkirkju mánudaginn
27. apríl kl. 10.30. Þeim sem vilja minnast
hans er bent á að láta Heimahlynningu á
Akureyri njóta þess.
Júlíana Helga Tryggvadóttir
Ástkær móðir okkar, tengdamóðir,
amma og langamma,
SÓLEY GUNNVÖR TÓMASDÓTTIR
Grænumörk 2a,
Selfossi,
verður jarðsungin frá Selfosskirkju
laugardaginn 18. apríl kl. 13.30.
Þórunn Elín Halldórsdóttir Finnbogi Birgisson
Hrafnhildur Halldórsdóttir Hersir Freyr Albertsson
Þorbjörg Hj. Halldórsdóttir Jón Lúðvíksson
Halldór Halldórsson Alfa Lára Guðmundsdóttir
barnabörn og langömmubörn.
„Enginn veit hvenær síðasti dagur-
inn rennur upp, en margir óttast
hann og því er nauðsynlegt að opna
umræðuna um dauðann,“ segir Arn-
dís Jónsdóttir hjúkrunarfræðingur,
en hún er ein þeirra sem koma að
ráðstefnunni Listin að deyja sem
haldin verður í dag. Ráðstefnan fer
fram í hátíðarsal Háskóla Íslands
og er hlutverk hennar að stíga
fyrstu skrefin í að opna umræðu
um dauðann. Arndís segir fjölda
manns koma að ráðstefnunni, en að
henni standa Landspítalinn, Háskóli
Íslands, Þjóðkirkjan auk Ráðgjafar-
þjónustu Krabbameinsfélagsins og
margra annarra félaga. Arndís er í
undirbúningsnefnd ráðstefnunnar
og starfar sem sérfræðingur í líkn-
arhjúkrun á Landspítalanum. Hún
býður sig fram sem fulltrúi aðstand-
enda, en hún missti báða foreldra
sína á síðastliðnu ári.
Hún leggur ríka áherslu á mikil-
vægi þess að opna umræðuna um
dauðann í samfélaginu. „Þetta getur
reynst mörgum mjög erfitt því
manneskjan vill forðast dauðann
í lengstu lög og margir bera ótta í
brjósti við að yfirgefa jarðvistina.
Þetta getur valdið miklum erfileik-
um og þjáningum þegar fólk verður
veikt eða dauðvona. Slíkt getur
reynst fjölskyldunni enn erfiðara
í sorginni. Því er nauðsynlegt að
ræða óskir sínar og hvernig hafa á
hlutina,“ segir Arndís og telur að
opnari umræða muni hjálpa fólki
að undirbúa og ganga frá sínum
hlutum.
Peter Fenwick, prófessor emeritus
í taugasálfræði, mun halda fyrir-
lestur á ráðstefnunni. Hann hefur
stundað rannsóknir á upplifun fólks,
virkni heilans og reynslu í aðdrag-
anda andláts. „Þó rannsóknirnar
séu á örlítið gráu svæði, þar sem
erfitt er að hafa tvíblindar rann-
sóknir sem styðja kenningarnar, er
hann mjög merkur og hefur verið
lengi í sínu fagi,“ segir Arndís. Á
ráðstefnunni mun Sveinn Kristjáns-
son kynna vefinn ævi.is. „Það er
vefur sem er í vinnslu þar sem fólk
getur haft sitt eigið svæði, talað
til ástvina sinna og til dæmis deilt
myndum,“ segir Arndís.
Pallborðsumræður munu svo fara
fram þar sem Arndís, ásamt hópi
fólks, mun sitja fyrir svörum. „Við
reyndum að hafa aldursskiptingu
sem breiðasta hjá þeim sem munu
svara spurningum fólks úr salnum.
Markmiðið með því er í grunninn að
ná til fólks í samfélaginu og spegla
ólík sjónar mið,“ segir Arndís.
Ásamt Arndísi munu Andri Snær
Magnason rithöfundur, Jón Ásgeir
Kalmansson heimspekingur, Sólveig
Birna Ólafsdóttir sálfræðinemi,
Vigfús Bjarni Albertsson sjúkrahús-
prestur og Þórhildur Kristinsdóttir
læknir sitja fyrir svörum. - ag.
Opnari umræða um
dauðann nauðsynleg
Ráðstefnan Listin að deyja verður haldin í dag en tilgangur hennar er að aðstoða fólk að
komast yfi r ótta sinn við dauðann og opna umræðuna í samfélaginu.
FULLTRÚI AÐSTANDENDA Arndís er hjúkrunarfræðingur og sérhæfir sig í líknarhjúkrun en
er fulltrúi aðstandenda á ráðstefnunni. FRÉTTABLAÐIÐ/VILHELM
Þetta getur
reynst mörgum
mjög erfitt því
manneskjan vill
forðast dauðann í
lengstu lög og
margir bera ótta í
brjósti við að
yfirgefa jarð-
vistina.
MERKISATBURÐIR
1203 Filippus II Frakkakonungur sameinar Frakkland og Norm-
andí.
1915 Gullfoss, fyrsta skip Eimskipafélags Íslands og fyrsta vél-
knúna millilandaskip sem smíðað var fyrir Íslendinga, kemur til
Reykjavíkur.
1940 Margrét Þórhildur Danadrottning fæðist.
1946 Sýrland hlýtur sjálfstæði.
1951 Björgvin Halldórsson söngvari fæðist.
1954 AA-samtökin, landssamtök alkóhólista, eru stofnuð.
1957 Bæjarráð Reykjavíkur samþykkir að friða Árbæ og næsta
nágrenni hans og gera að almenningsgarði.
Breski leikarinn Charlie Chaplin fædd-
ist á þessum degi árið 1889. Hann var
gríðarlega þekktur fyrir leik sinn í þöglum
myndum, en vakti einnig athygli fyrir
leikstjórn, framleiðslu og skrif á hand-
ritum. Chaplin varð fljótt einn þekktasti
skemmtikraftur heims og var sá fyrsti
til að sameina grín og drama á hvíta
tjaldinu. Ein þekktasta persóna hans var
„umrenningurinn“ sem var heimilislaus
maður með framkomu og mannasiði
hefðarmanns. Hann gekk í kjólfatajakka
og var útskeifur í of stórum skóm.
Þekktustu einkenni persónunnar sem
flestir kannast við voru kúluhatturinn,
stafurinn og yfirvaraskeggið. Chaplin lék
í fjölda mynda á ferli sínum en hann lést
árið 1977, 88 ára að aldri.
ÞETTA GERÐIST 16. APRÍL 1889
Meistari þöglu myndanna fæddist
1
5
-0
9
-2
0
1
5

1
0
:2
4
F
B
0
6
4
s
_
P
0
4
4
K
.p
1
.p
d
f
F
B
0
6
4
s
_
P
0
3
7
K
.p
1
.p
d
f
F
B
0
6
4
s
_
P
0
2
1
K
.p
1
.p
d
f
F
B
0
6
4
s
_
P
0
2
8
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
3
F
-0
1
8
C
1
6
3
F
-0
0
5
0
1
6
3
E
-F
F
1
4
1
6
3
E
-F
D
D
8
2
8
0
X
4
0
0
6
A

F
B
0
6
4
s
_
1
5
_
4
_
2
0
1
5
C
M
Y
K