Fréttablaðið - 15.04.2015, Blaðsíða 12

15. apríl 2015 MIÐVIKUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is ÞRÓUNARSTJÓRI: Tinni Sveinsson tinni@365.is HELGARBLAÐ: Erla Björg Gunnarsdóttir erla@frettabladid.is MENNING: Magnús Guðmundsson magnus@frettabladid.is
LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is AÐSTOÐARRITSTJÓRAR:
Andri Ólafsson andri@365.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is.
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er
hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871
FRÁ DEGI
TIL DAGS
Kristín
Þorsteinsdóttir
kristin@frettabladid.is
Í Reykjavík er starfrækt fjölmennasta deild
Rauða krossins á Íslandi. Starfsemi hennar
er hlekkur í stórri keðju deilda og landsfélaga
sem starfa um allan heim. Rauði krossinn
er mannúðarhreyfing sem vinnur að því að
skapa betra samfélag. Þannig vinnur deildin
að mörgum uppbyggilegum verkefnum, sem
oft og tíðum eru framkvæmd í nánu sam-
starfi við bæði ríki og borg.
Markmið að auka lífsgæði
Á vettvangi tveggja stórra verkefna deild-
arinnar, í Konukoti og hjá Frú Ragnheiði, er
unnið eftir skaðaminnkandi hugmyndafræði
sem beinist að því að draga úr eða lágmarka
heilsufarslegan, félagslegan og fjárhagsleg-
an skaða sem vímuefnaneysla veldur ein-
staklingum og samfélögum. Í skaðaminnk-
andi nálgun er sjónum beint að afleiðingum
og áhrifum fíknihegðunar en ekki að notkun-
inni sem slíkri. Markmið skaðaminnkunar er
fyrst og fremst að auka lífsgæði neytenda.
Bæði verkefnin byggjast á óeigingjörnu sjálf-
boðastarfi fjölbreytts hóps einstaklinga.
Heilsuvernd án fordóma og kvaða
Frú Ragnheiður hefur þann tilgang að ná til
jaðarhópa samfélagsins, til dæmis útigangs-
fólks, heimilislausra og fíkla, og bjóða þeim
skaðaminnkandi þjónustu og almenna heilsu-
vernd, án fordóma eða kvaða. Verkefnið er
stutt af velferðarsviði Reykjavíkurborgar
og velferðarráðuneytinu, en sá stuðningur
gerir okkur kleift að halda úti þessu mikil-
væga starfi. Konukot er næturathvarf fyrir
heimilislausar konur sem eiga hvergi höfði
sínu að halla og þurfa stað til að sofa á. Flest-
ar þeirra stríða við vandamál tengd neyslu
áfengis og/eða fíkniefna. Konukot er einnig
samstarfsverkefni Rauða krossins í Reykja-
vík og Reykjavíkurborgar.
Stuðningur almennings mikilvægur
Í verkefnum sem þessum er stuðningur
almennings enn fremur afar mikilvægur og
finnum við fyrir því að mikill velvilji ríkir í
samfélaginu í garð þess starfs sem unnið er
hjá Rauða krossinum. Ég vil nýta tækifærið
og vekja athygli á því að í dag, miðvikudaginn
15. apríl, standa sjálfboðaliðar Rauða kross-
ins í Reykjavík fyrir tónleikum á Kexi Host-
eli til styrktar þessum umfangsmiklu skaða-
minnkunarverkefnum. Dagskráin er ekki af
verri endanum og kemur þar fjöldi frábærra
listamanna fram og gefur vinnu sína fyrir
málstaðinn. Ég hvet alla til að mæta, en nán-
ari upplýsingar má nálgast á Facebook-síðu
Rauða krossins.
Mikilvægi skaðaminnkandi
þjónustu og heilsuverndar
SAMFÉLAG
Kristín S.
Hjálmtýsdóttir
formaður Rauða
krossins í ReykjavíkRótgróið matvælafyrirtæki óskar eftir
duglegum og metnaðarfullum bílstjóra.
Í starfinu felst meðal annars útkeyrsla
á vörum og aðstoð við lagerstörf.

UMSÓKNARFRESTUR ER TIL 24. APRÍL 2015
UMSÓKNIR SKAL SENDA Á NETFANGIÐ PB@VRG.IS
G
ærdaginn, þann 14. apríl, tileinkuðu Bandaríkjamenn
launajafnrétti. Dagsetningin er engin tilviljun. Vilji
þarlendar konur þéna árslaun karla verða þær að
viðbættu ársverki að vinna frá janúarbyrjun til þessa
dags að auki. Svo sláandi er launamunurinn. En hvar
stöndum við í samanburðinum? Ísland er fremst allra þjóða í jafn-
réttismálum ef marka má síðustu sex úttektir Alþjóðaefnahags-
ráðsins á jafnrétti kynjanna.
Úttektin tekur mið af 135 þjóðum
og leggur mat á stöðuna meðal
annars út frá launajafnrétti.
Nýlega birti VR árlega
launakönnun sem sýndi glögg-
lega að konur innan VR fá ekki
sömu laun og karlar fyrir sömu
vinnu. Niðurstöðurnar sýndu
8,5 prósenta launamun þegar tekið er tillit til starfs, vinnutíma,
menntunar, starfsaldurs og annarra þátta sem áhrif hafa. Sama
var uppi á teningnum þegar launakönnun SFR var birt á haust-
mánuðum. Þar mældist launamunur kynjanna 10 prósent. Í sundur
dró frá árinu áður – kynbundinn launamunur minnkar ekki.
Tölurnar staðfesta þá köldu staðreynd að enn er framlag
kvenna á vinnumarkaði minna metið. Því er holur hljómur í því
að benda á skrautfjaðrir sem segja Ísland meðal fremstu þjóða
heims í jafnréttismálum. Þó að vissulega séu tíðindin jákvæð er
enn langt í land á þessari vegferð. Svo langt, að konur fá greitt
fyrir hverja 11 mánuði ársins á móti 12 mánuðum karla. Konur
vinna einn mánuð ársins án endurgjalds.
Í tilefni af alþjóðlegum baráttudegi kvenna fyrir friði og jafnrétti
gáfu mannréttindaskrifstofa og mannréttindaráð Reykjavíkur-
borgar út bæklinginn Kynlegar tölur í fjórða sinn. Bæklingurinn
varpar ljósi á ótrúlegar tölur sem glögglega sýna ólíka stöðu kvenna
og karla á vinnumarkaði og raunar á fjölmörgum öðrum sviðum.
Á sama tíma hreykjum við okkur af jafnréttissigrum og finnum
huggun í því að vera skást.
Vandamálið liggur víða. Markmið íslensku fæðingarorlofslöggjaf-
arinnar er að jafna stöðu kynjanna. Orlofsréttur feðra er ein ástæða
þess að Ísland telst meðal fremstu þjóða í jafnréttismálum. Þak á
greiðslur úr fæðingarorlofssjóði hefur þó leitt til þess að tekjuháir
feður nýta síður rétt sinn til töku orlofs. Kynbundinn launamunur á
heimilinu leiðir óhjákvæmilega til þess að margar fjölskyldur velja
móðurinni það hlutverk að setja starf og framtíðaráform til hliðar
fyrir fjölskylduna. Kvennalaun eru minni fórn en karlalaun.
Árið 2012 var settur á fót aðgerðahópur stjórnvalda og aðila
vinnumarkaðarins um launajafnrétti. Þótt fagna beri skipan hópsins
hefur hann auðsjáanlega ekki skilað miklu. Hann virðist enn eitt
dæmið um aðferðir stjórnvalda við lausn vandamála – setja þau í
nefnd, loka augunum og vona það besta. Vissulega er vandinn flók-
inn og á sér rætur víða í samfélaginu. Þverpólitísk samstaða er um
málið og virðast aðilar vinnumarkaðarins sammála um að flækjuna
þurfi að leysa. Vandinn er okkar allra og okkar allra er ábyrgðin.
Hann verður til staðar hvern einasta dag þar til vinnuframlag karla
og kvenna verður jafngilt. Við megum ekki sækja huggun í saman-
burði við skemmra komnar þjóðir. Það þarf að höggva á hnútinn.
Vinnuframlag kvenna minna metið:
Engin huggun
að vera skást
Enn af fjarveru
Aðild að Evrópusambandinu er eitt af
stóru stefnumálum Samfylkingarinnar.
Svo stórt er það að gárungarnir, þessir
síglöðu náungar, hafa oft og tíðum
sagt að um eina mál flokksins sé að
ræða. Það er vissulega ekki rétt, en
stórmál er það flokknum engu að síður.
Þingmenn ræddu í gær tillögu for-
manna stjórnarandstöðuflokkanna um
þjóðaratkvæðagreiðslu um aðild að
ESB, en fyrsti flutningsmaður
þess er Árni Páll Árnason,
formaður Samfylkingarinnar.
Nokkuð hefur verið rætt og
ritað um fjarveru oddvita ríkis-
stjórnarinnar á þingfundi á
mánudag, en það má færa
rök fyrir því að fjarvera
Árna Páls í umræðu um
þetta höfuðmál hans
flokks sé ekki síður athyglisverð. Árni
Páll var nefnilega ekki á svæðinu og
gat því ekki tekið þátt í umræðu um
Evrópusambandið, en hann hefur
nokkuð kallað eftir slíkri umræðu.
Þau eru misjöfn morgunverkin
Í fjarveru Árna Páls mælti annar flutn-
ingsmaður fyrir málinu, Katrín Jakobs-
dóttir, formaður Vinstrihreyfingarinnar
– græns framboðs. Flokkurinn stóð
vissulega að umsókn að ESB í síðustu
ríkisstjórn, en það væri ofmælt að
segja að hann hefði gert það með
glöðu geði. Og Katrín er flutnings-
maður að umræddri tillögu,
en lýsti því þó aftur yfir í
umræðunni að hún væri
andsnúin aðild. Líklega
hefur hún getað
hugsað sér annað
en að verða helsti talsmaður áfram-
haldandi ESB-snúnings.
Versta málþóf sögunnar?
Silja Dögg Gunnarsdóttir, þingmaður
Framsóknarflokksins, kvartaði sáran
undan því í gær að stjórnarandstaðan
hefði eytt allt of miklum tíma í að
ræða fjarveru oddvita ríkisstjórnar-
innar. Hún talaði um að menn væru
vísvitandi farnir að tefja störf þingsins
og „beita hinu gamalgróna málþófi“.
Vissulega er satt og rétt að því eru
takmörk sett hve marga nýja
vinkla má finna á fjarveru
tveggja manna. Það hlýtur hins
vegar að vera versta málþóf
sögunnar, að eyða þremur
korterum í slíkt, eins og gerðist
á mánudaginn.
kolbeinn@frettabladid.is
1
5
-0
9
-2
0
1
5

1
0
:2
3
F
B
0
4
8
s
_
P
0
4
8
K
.p
1
.p
d
f
F
B
0
4
8
s
_
P
0
3
7
K
.p
1
.p
d
f
F
B
0
4
8
s
_
P
0
0
1
K
.p
1
.p
d
f
F
B
0
4
8
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
6
3
C
-7
F
A
C
1
6
3
C
-7
E
7
0
1
6
3
C
-7
D
3
4
1
6
3
C
-7
B
F
8
2
8
0
X
4
0
0
1
A

F
B
0
4
8
s
_
1
4
_
4
_
2
0
1
5
C
M
Y
K