Fréttablaðið - 24.07.2015, Blaðsíða 36

24. júlí 2015 FÖSTUDAGUR| MENNING | 24
HVAÐ?
HVENÆR?
HVAR?
Tónleikar
11.00 Íslensk tónlistarsaga í tali og
tónum í Hannesarholti. Gerður Bolla-
dóttir sópran ásamt píanóleikaranum
Júlíönu Rún Indriðadóttur sem einnig
er kynnir. Tónleikarnir eru tveir talsins,
þeir fyrri á ensku og þeir seinni, sem
hefjast klukkan 13.00, á þýsku. Miða-
verð er 2.000 krónur.
14.00 Klassísk sellóverk í flutningi
Ásdísar Arnardóttur á selló og Jóns
Sigurðssonar á píanó í tónleikasalnum
Hömrum í Menningarhúsinu Hofi í
kvöld. Flutt verða klassísk sellóverk eftir
Jórunni Viðar og fleiri íslenskar konur.
Miðaverð er 2.900 krónur.
17.00 Sætabrauðsdrengirnir Gissur Páll
Gissurarson, Bergþór Pálsson, Hlöðver
Sigurðsson og Viðar Gunnarsson syngja
dægurlög úr ýmsum áttum og frá
ýmsum tímabilum í Fáskrúðsfjarðar-
kirkju. Tvennir tónleikar verða í kvöld
og þeir seinni hefjast klukkan 20.00.
Miðaverð er 3.900 krónur.
20.00 Karlakórinn Heimir syngur á
opnunartónleikum Reykholtshátíðar
í Reykholtskirkju í Borgarfirði. Kórinn
mun flytja úrval íslenskra og erlendra
laga undir stjórn Stefáns R. Gíslasonar.
Hátíðarpassi á 9.000 krónur og miði á
staka tónleika 3.500 krónur.
20.00 Hljómsveitirnar Æla, Nolo og
Wesen spila á tónleikum á Boston í
kvöld. Aðgangur ókeypis.
20.00 Tilraunaverkefni djasshópsins
23/8, Björkologi leikur vel valin lög
úr safni Bjarkar Guðmundsdóttur og
útsetur á djassvísu í Norræna húsinu í
kvöld. Miðaverð er 2.000 krónur.
20.00 Olga Vocal Ensemble
syngur á tónleikum í Djúpa-
vogskirkju í kvöld. Klassísk
tónlist mætir vinsælum
dægurlögum. Miðaverð
2.500 krónur og 1.500
krónur.
21.00 Arnljótur Sigurðs-
son spilar nýja takt-
drifna raftónlist í bland
við eldra efni í Mengi í
kvöld. Miðaverð er 2.000
krónur.
22.00 Valdimar spilar á tónleikum á
Græna hattinum á Akureyri. Miðaverð
er 3.000 krónur.
22.00 Eyfi spilar á tónleikum á Kaffi
Rauðku á Siglufirði í kvöld ásamt Þóri
Ólafssyni. Miðaverð er 2.500 krónur og
aldurstakmark 18. ár.
22.00 Teitur Magnússon heldur tón-
leika á Dillon í kvöld. Miðaverð er 500
krónur.
22.30 Hljómsveitin Bárujárn kemur
fram ásamt Sindra Eldon and the Ways
á Bar 11 í kvöld. Aðgangur er ókeypis.
23.00 Sváfnir Sigurðarson og félagar
leika og syngja á Ob-La-Dí-Ob-La-Da.
Aðgangur er ókeypis.
Opnanir
20.00 Karólína Baldvins-
dóttir opnar myndlista-
sýningu í listarýminu
Kaktus á Akur-
eyri í kvöld. Á
sýningunni
verða verkin
Viskustykki
og Sérviska
sýnd.
Sýningar
20.00 Sirkus
Íslands sýnir
fullorðinskabarettinn Skinnsemi á
Frönskum dögum á Fáskrúðsfirði í
kvöld. Sýningin er bönnuð innan 18 ára
og ekki fyrir viðkvæma. Miðaverð er
4.000 krónur.
Uppistand
22.00 Rökkvi Vésteinsson og Jón Víðis
töframaður verða með uppistand
í Sjávarpakkhúsinu á Stykkishólmi.
Aðgangseyrir í formi frjálsra framlaga.
Tónlist
21.00 Dj Ragga þeytir skífum á
Frederiksen Ale House í kvöld.
21.00 Dj DeLaRosa
þeytir skífum á
Bravó í kvöld.
21.00 Dj
Smutty Smiff
og Rúnar
þeyta skífum
á Lebowski
Bar í kvöld.
22.00 Dj
Ómar Borg
þeytir skífum
á Kaffibarnum í
kvöld.
22.00 Dj Styrmir
Dansson þeytir skífum
á Bar Ananas í kvöld.
Upplýsingar um viðburði sendist á hvar@
frettabladid.is og einnig er hægt að skrá
þá inni á visir.is.
FÖSTUDAGUR
BÆKUR ★★★★★
Ef að vetrarnóttu ferða-
langur
Italo Calvino
Þýðing: Brynja Cortes Andrésdóttir
Útgefandi: Ugla
Skáldsaga þar sem lesandinn er
aðalpersónan og samanstendur af
upphafsköflum tíu ólíkra skáld-
sagna sem aldrei finnst endir á
hljómar ekki eins og skemmti-
leg lesning. Hver vill lesa upphaf
sagna en fá aldrei svörin við spurn-
ingunum sem þau kveikja? Er ekki
beinlínis verið að draga lesandann
á asnaeyrum? Er þetta ekki bara
eitthvert bókmenntafræðilegt runk
sem á ekkert erindi við almenna
lesendur? Þessar spurningar
heyrast þegar rætt er um skáld-
sögu Italos Calvino, Ef að vetrar-
nóttu ferðalangur, sem komin er út
í íslenskri þýðingu Brynju Cortes
Andrésdóttur, og svarið við þeim
öllum er risastórt nei.
Ef að vetrarnóttu ferðalangur,
sem kom út 1979, hefur verið köll-
uð póstmódernískt púsluspil þar
sem lestrarupplifun, textatengsl
og sköpunarferli bókmennta eru
viðfangsefnin. Rammi sögunnar er
leit lesandans, sem gegnir því ein-
falda fornafni „þú“, að framhaldi
skáldsögunnar Ef að vetrarnóttu
ferðalangur eftir Italo Calvino, en
hann hefur verið svo óheppinn að
fá í hendur gallað eintak þar sem
sömu síðurnar eru prentaðar aftur
og aftur og ekkert áframhald sög-
unnar að finna. Leitin að áfram-
haldinu er þó engan veginn ein-
föld því í hvert sinn sem hann fær
í hendur bók sem hann heldur að
sé hin rétta reynist það vera ein-
hver allt önnur skáldsaga en sá
hængur er á að þær eru allar sama
marki brenndar og sú upphaflega;
það vantar í þær allt nema fyrsta
kaflann.
Sögurnar eru eins ólíkar og þær
eru margar; Hér er noir-sena sem
gæti verið úr Hollywood-mynd,
önnur sem minnir á Tjekov, upp-
haf einnar sögunnar gæti verið
eftir Borges, annarrar eftir Mis-
hima, og svo framvegis, en allar
fanga þær lesandann svo hann
hættir að leita að áframhaldi bók-
arinnar þar á undan og fer að leita
að áframhaldi þeirrar sem hann
las síðast. Ástin á skáldskapnum er
þó ekki það eina sem rekur hann
áfram, það er líka kona í spilinu,
hin lesandi kona, og ástin á henni
blandast ástinni á lestrinum, verð-
ur sá hvati sem rekur hann áfram.
Inn í blandast svo heimsfrægur
höfundur, þýðandi, falsari, útgef-
andi, textarannsóknarfólk og
yfirleitt bara allir sem koma að
sköpun, stælingum, rannsóknum,
umfjöllunum og lestri á skáldskap.
Allt tengist þetta órjúfanlegum
böndum og er nauðsynlegur þátt-
ur í því að bókmenntir verði til og
nái til sinna.
Þetta er skáldsaga um skáld-
skap, sköpun, ást og lestur en um
leið er hvert söguupphaf gríp-
andi og áhugavekjandi og frá-
bærlega stílað sem skilar sér vel í
afbragðsgóðri þýðingu Brynju. Og
lesandinn í hérinu og núinu verð-
ur álíka frústreraður og lesandinn
í sögunni og þráir að fá meira að
vita. Þetta er sum sé engin þurr
fræðileg og uppskrúfuð rannsókn
á bókatilurð og viðtökum held-
ur leiftrandi skemmtileg og, já,
spennandi saga með nánast óend-
anlegum möguleikum til túlkunar
og nálgunar. Þetta er einfaldlega
bók sem allir ættu að lesa hafi
þeir minnsta vott af áhuga á bók-
menntum.
Í greinargóðum og fróðlegum
eftirmála rekur þýðandinn, Brynja
Cortes Andrésdóttir, feril Calvinos
og hugmyndir hans um skáldskap
sem varpar enn einu ljósinu á
skáldsöguna og gerir það að verk-
um að lesandann langar helst til að
byrja lestur hennar upp á nýtt. Það
er engin leið að hætta.
Friðrika Benónýsdóttir
NIÐURSTAÐA: Frábær þýðing á
einni af merkustu skáldsögum síð-
ustu aldar. Bók sem allir ættu að lesa.
Hvar er endirinn?
HÖFUNDURINN Italo Calvino á mynd frá 1984. MYND/ULF ANDERSEN/GETTY IMAGES
Rannveig Tryggvadóttir er í óða
önn að hengja upp myndir sínar í
Anarkíu listasal í Kópavogi, með
hjálp vinkonu sinnar, þegar haft
er samband við hana. Hún ætlar að
opna sýningu þar á morgun, laug-
ardag klukkan 15-18. Litirnir vega
salt er titill sýningarinnar og verk-
in eru stór og litrík. Hún segir þau
nær öll unnin á þessu ári, flest með
olíu á striga. „Allar mínar myndir
eru borgar- eða landslagsmyndir,
en þó abstrakt,“ segir hún. „Ég sé
mynstur alls staðar þegar ég er á
ferðalögum og horfi mikið á hvern-
ig skuggar falla og birtan endur-
varpast.“
Rannveig stundaði nám við Hög-
skolan för design och konsthant-
verk í Gautaborg og útskrifaðist
með MFA-próf árið 1988. Hún lét til
sín taka í leirlist og rak eigin ker-
amikvinnustofu á árunum 1999 til
2013. Nú kveðst hún hafa lagt leir-
listina á hilluna og snúið sér alfarið
að málverkinu.
Litirnir vega salt er önnur
tveggja sýninga sem verða opnað-
ar í Anarkíu klukkan 15 á morgun,
laugardag, því í neðri salnum er
sýningin Höfuðverk með tólf haus-
kúpum af hrútum sem jafnmargir
myndlistarmenn hafa sett mark sitt
á – og þar er ekki átt við fjármörk.
Báðar sýningarnar verða opnar
alla daga nema mánudaga fram til
16. ágúst og tekið skal fram að ekið
er að Anarkíu frá Skeljabrekku.
gun@frettabladid.is
Sér mynstur alls staðar
Litir, form og skuggar eru ær og kýr Rannveigar Tryggvadóttur myndlistarkonu
sem opnar sýningu á morgun í Anarkíu listasal í Hamraborg 3, Kópavogi.
LISTAKONA „Þegar ég skoða myndirnar mínar sé ég landslag í þeim,“ segir Rannveig. FRÉTTABLAÐIÐ/PJETUR
JÓNÍNA
DE LA ROSA
GISSUR PÁLL
GISSURARSON
VALDIMAR
Hversu mikið hefur eignin
þín hækkað í verði ?
510 7900
Þórunn Gísladóttir
Löggiltur fasteignasali.
Kristján Þ. Hauksson
Sölufulltrúi.
696 1122
kristjan@fastlind.is www.fastlind.is
Þú getur komist að því með fríu
verðmati.
Framúrskarandi þjónusta í þína þágu
2
3
-0
7
-2
0
1
5
2
1
:5
8
F
B
0
4
8
s
_
P
0
3
6
K
.p
1
.p
d
f
F
B
0
4
8
s
_
P
0
2
5
K
.p
1
.p
d
f
F
B
0
4
8
s
_
P
0
1
3
K
.p
1
.p
d
f
F
B
0
4
8
s
_
P
0
2
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
5
8
D
-5
7
C
4
1
5
8
D
-5
6
8
8
1
5
8
D
-5
5
4
C
1
5
8
D
-5
4
1
0
2
8
0
X
4
0
0
2
A

F
B
0
4
8
s
C
M
Y
K