Ský - 01.08.2007, Qupperneq 20

20 ský
Gott gengi hefur verið undanfarið hjá Flugfélagi Íslands sem kemur fram í mikilli aukningu farþega.
Það sem af er ári, þ.e. fyrstu 7 mánuðina,
hefur farþegum fjölgað hjá félaginu um 20%
frá síðasta ári og hlutfallslega mest í flugi til
Ísafjarðar, um 23% miðað við sama tímabil
í fyrra. Til Akureyrar hefur aukningin verið
13% og Egilsstaða tæplega 10%, auk þess
er Flugfélagið nú með áætlunarflug til
Vestmannaeyja sem ekki var á vegum þess
á síðasta ári.
Árni Gunnarsson,
framkvæmdastjóri Flugfélags
Íslands:
„Vestmannaeyingar hafa tekið okkur vel
og ekki síður erlendir ferðamenn sem hafið
verið mikið á ferðinni til Eyja í sumar.
Farþegafjöldinn í júlí síðastliðnum var um
60% meiri en hjá þeim sem voru með
flugferðir í júlí í fyrra.
Fjöldi ferða hefur
vaxið í samræmi við
þetta og er nú svo
komið að við fljúgum
allt að 13 ferðir á dag
milli Reykjavíkur og
Akureyrar, allt að 7 ferðir
til Egilsstaða og núna
hafa verið þrjár ferðir
flesta daga til Ísafjarðar.
Til Vestmannaeyja er
svo flogið flesta daga,
tvisvar á dag.“
Af hverju stafar þessi
mikla aukning að þínu mati?
„Hún stafar fyrst og fremst af miklum
uppgangi í þjóðfélaginu á öllum sviðum;
ekki hefur bara atvinnulífið verið að blómstra
heldur hefur einnig menning og menntun
verið í mikilli uppsveiflu. Við ákváðum
í upphafi þessa árs, í tilefni af tíu ára
afmæli Flugfélags Íslands, að bjóða sérstakt
afmælisfargjald þetta árið sem er kr. 3.990.-
og gildir til allra okkar áfangastaða. Það er
óhætt að segja að afmælistilboðið hafi slegið
í gegn því tæplega 14.000 farþegar hafa nýtt
sér þessi kjör það sem af er ári.
Önnur nýjung sem við lögðum af stað
með á þessu ári eru svokallaðir Flugkappar
en sú þjónusta er miðuð að börnum sem
eru ein á ferð. Með því að kaupa 10 ferðir í
pakka býðst verulegur afsláttur af venjulegu
barnafargjaldi og hefur þessi þjónusta fengið
frábærar viðtökur.“
Grænland er í mikilli sókn
„Við höfum í gegnum árin flogið mikið til
Grænlands en í sumar var enn aukið við. Í
fyrsta sinn buðum við upp á áætlunarflug
til vesturstrandar Grænlands, beint til
höfuðstaðarins, Nuuk. Þetta nýja flug var
frá Keflavík, þar sem erlendir ferðamenn
á leiðinni til Grænlands ná góðum
tengimöguleikum við annað millilandaflug.
Við höfum séð aukinn áhuga Íslendinga
á því að fara til
Grænlands, hvort
sem er til að upplifa
einstaka náttúru, skoða
söguslóðir og menningu
eða renna fyrir fisk, en
á Grænlandi er að finna
frábærar veiðiár og eru
veiðileyfi mjög ódýr.
Auk stangveiðinnar
er hægt að komast á
hreindýraveiðar og
hafa töluvert margir
Íslendingar farið í
slíkum erindum til
Suður-Grænlands. Til
austurstrandar Grænlands hefur verið flogið
í tugi ára og er nú bæði flogið til Kulusuk og
Constable Pynt.“
Aðstaða á Reykjavíkurflugvelli
„Mikið hefur verið rætt um
Reykjavíkurflugvöll á undanförnum árum
og er svolítið sorglegt til þess að vita að við
séum í raun enn þá í sömu sporum og fyrir
60 árum. Í tímaritinu Flug, sem gefið var út
árið 1946 í tilefni þess að Bandaríkjamenn
afhentu Íslendingum Keflavíkurflugvöll
til afnota, voru helstu forkólfar í flugi á
Íslandi spurðir fimm spurninga. Þær voru
eftirfarandi:
1. Er það álit yðar, að fært myndi vera að
nota Keflavíkurflugvöllinn sem aðalflugvöll
Reykjavíkur fyrir innanlandsflug og
Atlantshafsflug ? Eða teljið þér, að stækka
beri Reykjavíkurflugvöllinn, svo að hann
verði nothæfur sem aðalflugvöllur einnig
fyrir Atlantshafsflugvélar?
2. Álítið þér, að leggja eigi niður
Reykjavíkurflugvöllinn sem slíkan, eða
skal hann rekinn í núverandi stærð fyrir
innanlandsflug eingöngu?
3. Teljið þér fært að reka innanlandsflug með
Keflavíkurflugvöllinn einan sem bækistöð
hér við Reykjavík?
4. Er að yðar áliti gerlegt, með tilliti til
kostnaðar og staðsetningar, að byggja
nýjan flugvöll í nágrenni Reykjavíkur fyrir
innanlandsflugið?
5. Eruð þér þeirrar skoðunar, að Reykjavík-
urborg stafi hætta af Reykjavíkurflugvelli ?
Eins og sjá má af þessum spurningum
hefur lítið gerst í málinu og í samræmi
við það hefur stöðug óvissa hamlað allri
framþróun í aðstöðu og er það að sjálfsögðu
óþolandi ástand. Í stuttu máli má að segja
að forkólfar flugs á Íslandi þá hafi verið
sömu skoðunar og enn er uppi meðal þess
hóps, að flugvöllurinn eigi að vera áfram
í Vatnsmýrinni og að það sé langbesti
kosturinn fyrir flugið í heild.“
00.000 farþegar í gegnum
1200 fermetra
„Mikil bragarbót var gerð árið 2000
þegar flugbrautirnar voru endurgerðar
en nú þarf nauðsynlega að huga að nýrri
flugfélag Íslands:
flugið er okkar járnbrautarkerfi
Fyrst og fremst er þessi
mikla aukning komin til
vegna mikils uppgangs
í þjóðfélaginu á öllum
sviðum, ekki hefur bara
atvinnulífið blómstrað
heldur hefur einnig
menning og menntun
verið í mikilli uppsveiflu.
árni Gunnarsson
Texti: Hrund Hauksdóttir Mynd: Geir Ólafsson