Ský - 01.08.2007, Side 22

22 ský
Stuttmyndasamkeppni grunnskólanna er sjálfsagt elsta kvikmyndasamkeppnin sem haldin hefur verið samfellt hér á landi. Síðastliðið vor var hún haldin í 26. sinn
og kepptu þá sextíu myndir til verðlauna í þremur flokkum.
Stuttmyndasamkeppnin var fyrst haldin á vegum ÍTR og var þá
myndað á 8mm filmu sem þurfti að senda til útlanda í framköllun.
Nú eru allar myndir teknar með stafrænum upptökuvélum og
vinnsluferlið því mun styttra. Fyrstu árin var keppt í einum
aldursfokki en nú nú í þremur flokkum eins og fyrr segir og er
mikil breidd í efnisvali, handritsgerð og tæknivinnslu. Nokkrir af
okkar bestu kvikmyndagerðarmönnum hafa þreytt frumraun sína
í stuttmyndakeppni grunnskólanna, má þar nefna hljóðmanninn
kunna Kjartan Kjartansson og leikstjórann Reyni Lyngdal.
Myndirnar sem sendar eru á stuttmyndahátíðina eru frá sex
mínútum upp í fjórtán mínútur, langflestar eru undir tíu mínútum.
Í flokki eldri nemenda sigruðu þrír ungir nemendur úr Vogaskóla,
Jörundur Jörundsson, Freyr Sverrisson og Róbert Barkarson, með
mynd sinni, Chocolate Au Lait, sem er sjö mínútna löng. Í stuttu
spjalli við Jörund sagði hann að í þeirra flokki hefðu 23 stuttmyndir
keppt til verðlaunanna og var það fjölmennasti flokkurinn.
kvikmyndað án handrits
í einn klukkutíma
Þrír bekkjarfélagar úr Vogaskóla sendu Chocolate Au Lait á Stuttmyndahátíð grunnskólanna og sigruðu
Texti: Hilmar Karlsson
Myndir: Páll Kjartansson o.fl.
Jörundur Jörundsson: „Sigurinn jók áhugann á kvikmyndagerð.“