Ský - 01.08.2007, Síða 33

ský 33
Maður nokkur var á leiðinni suður í Hafnarfjörð og var talsvert
við skál. Hann sá lögreglubíl með blikkandi ljósum koma á eftir
sér og kom nokkurt fát á hann. Til þess að reyna að komast undan
hinum langa armi laganna ók hann nokkuð greitt inn í næstu götu
og snarbeygði svo inn í húsagarð sem hann taldi sig þekkja og ætlaði
þannig að komast úr augsýn. Hann var kominn út úr bílnum og
ætlaði að hlaupa inn í húsið til að fela sig þegar hann áttaði sig á
því að hann var staddur í bakgarði eða porti við lögreglustöðina í
Hafnarfirði.
Tveir háttsettir lögregluþjónar búa hlið við hlið í raðhúsalengju í
úthverfi Reykjavíkur. Þegar þeir komu út úr húsum sínum dag einn
snemma morguns varð þeim starsýnt á bíl sem var lagt í innkeyrslu
hjá öðrum þeirra og húseigandinn kannaðist ekki við. Móða var á
gluggum bílsins svo lögreglumennirnir nálguðust til þess að kanna
hvað væri þar á seyði. Bílstjórinn og aðstoðarmaður hans sváfu
áfengisdauðir í framsætum bifreiðarinnar örþreyttir eftir afbrot
næturinnar en aftursætið og farangursgeymsla bílsins var troðið af
þýfi og fjölda innbrota sem þeir höfðu framið.
Tveir góðkunningjar lögreglunnar brutust eitt sinn inn hjá
þekktum tannlækni hér í borg og stálu þar meðal annars ávísanahefti
hans. Næg innistæða var á reikningnum en auðvelt var að rekja slóð
tékkanna því þjófarnir framseldu þá alltaf með sínu rétta nafni.
Ítalskt og gott
Bo
rð
ap
an
tan
ir
í s
ím
a 4
61
-5
85
8
Njóttu lífsins
í hjarta Akureyrar
Hafnarstræti 92 - www.bautinn.is
Glæpir
Glæpamenn