Ægir - 01.01.2014, Blaðsíða 9

9
stofnum Evrópusambandsins
eru ofveiddir í dag, þar af um
47% stofna í Atlantshafi og 80%
í Miðjarðarhafi. Mikil þörf er því
fyrir nýjar leiðir í fiskveiðistjórn-
un og er fiskveiðistefna Evrópu-
sambandsins í endurskoðun
þar sem m.a. er leitað leiða til
að stemma stigu við ofveiði.
Gunnar segir horft til ís-
lenska fiskveiðistjórnunarkerfis-
ins en þó sér í lagi til þeirra
þátta sem búa að baki, þ.e. fisk-
veiðráðgjafarinnar og þeirra
gagna sem aflað er og unnið
með að baki henni. „Þetta snýst
um gagnasöfnun og úrvinnslu
þeirra, líkön og hvernig þau eru
notuð til að spá fyrir um þróun
fiskistofna. Þar höfum við Ís-
lendingar mikla reynslu fram að
færa. Markmiðið með verkefn-
inu er að bæta fiskveiðistjórnun
í Evrópu en í því felst ekki að
taka eigi upp íslenska fiskveiði-
stjórnunarkerfið sem slíkt,“ seg-
ir Gunnar.
Sérfræðingar og hagsmunaaðilar
vinna saman
Þau nýmæli felast í upp-
byggingu MareFrame verkefn-
isins að kalla að borðinu mjög
breiðan hóp sérfræðinga og
efna til samstarfs við hags-
munaaðila. „Við erum að tvinna
saman félagsfræðinga, hag-
fræðinga, stærðfræðinga, fiski-
fræðinga, lögfræðinga og fleiri,
ásamt því að taka hagsmunaað-
ilana beint inn í ferlið. Það hefur
í einhverjum mæli verið gert
hér á landi en hefur ekki þekkst
í vinnu af þessu tagi í Evrópu.
Hugsunin er ekki sú að vísinda-
mennirnir fræði sjómennina
eða öfugt heldur munu þessir
aðilar vinna saman að því verk-
efni að móta leiðbeinandi um-
hverfi fyrir stjórnvöld og hags-
munaaðila að taka sínar ákvarð-
anir,“ segir Gunnar og svarar
því aðspurður að hann voni að
ákveðna þætti verkefnisins
verði hægt að nýta í fiskveiði-
ráðgjöf og uppbyggingu fisk-
veiðistjórnar hér á landi í fram-
tíðinni. „Þar sem Evrópusam-
bandið styrkir ekki sértæka
uppbyggingu fiskveiðistjórn-
unarkerfis á Íslandi þá verður
ávinningurinn ekki eins mikill
og ella væri. En ef við gætum
fengið styrki hér innanlands til
að vinna samhliða áþekkt verk-
efni fyrir Ísland þá gæti vinn-
ingurinn orðið mjög mikill að
mínu mati,“ segir Gunnar.
Eins og áður segir koma 28
stofnanir, fyrirtæki og háskólar í
10 Evrópulöndum að verkefn-
inu ásamt vísindamönnum frá
Suður-Afríku, Ástralíu og Nýja
Sjálandi. Fyrsti fundur í verkefn-
inu var haldinn hér á landi á
dögunum og reiknar Gunnar
með fleiri slíkum hérlendis á því
fjögurra ára tímabili sem verk-
efnið nær til.
Dr. Gunnar Stefánsson, prófessor við Háskóla Íslands og dr. Anna Kristín Daníelsdóttir, sviðsstjóri hjá Matís munu leiða verkefnið en það mun standa næstu fjögur
ár.