Morgunblaðið - 02.01.2015, Side 25

UMRÆÐAN 25
MORGUNBLAÐIÐ FÖSTUDAGUR 2. JANÚAR 2015
Munið að slökkva
á kertunum
Treystið aldrei alfarið
á kertaslökkvara
BRIDS
Umsjón Arnór G.
Ragnarsson| brids@mbl.is
Bragi Hauksson og Helgi
Jónsson unnu minningamót BR
Bragi Hauksson og Helgi Jónsson
sigruðu með nokkrum yfirburðum í
minningamóti um Sigtrygg Sigurðs-
son sem lést nýlega og haldið var á
vegum Bridsfélags Reykjavíkur 30.
des. sl.
Mikil þátttaka var í mótinu, 60
pör, eða yfirfullt hús. Það fór vel á
því að Bragi Hauksson, einn af með-
spilurum Sigtryggs til margra ára,
vann mótið en lokastaða varð þessi:
Bragi Hauksson – Helgi Jónsson 62,8
Haukur Ingason – Helgi Sigurðsson 58,6
Halldór Svanbergs. – Sigurður Steingrs.57,5
Eiríkur Jónsson – Jón Alfreðsson 56,3
Sigurjón Björnsson – Helgi Bogason 56,3
Þegar ég var lítill
pjakkur bjó ég í
Laugarnesinu. Mér er
minnisstæður ná-
granni minn þar,
gamlingi sem þá var
á svipuðum aldri og
ég nú. Honum var
sérlega hugleikið hve
óbyggt svæði hinum
megin við götuna sem
hann bjó við var í
mikilli órækt og þessu gat hann
tuðað yfir út í hið óendanlega.
Mér varð ljóst löngu seinna þegar
ég óx úr grasi að þetta var hans
leið til þess að leiða umræðuna frá
garðinum við húsið sem hann bjó í
en ástand hans var ekki ósvipað
því svæði sem átti hug hans allan.
Nú fer skattrannsóknarstjóri mik-
inn vegna stolinna gagna sem
hugsanlega innihalda upplýsingar
um skattsvikara sem geyma
undanskotið fé í erlendum skatta-
skjólum. Komið hefur fram að um
er að ræða gögn sem tekin hafa
verið með ólögmætum hætti og þá
spyr maður sig af hvaða sauðahúsi
þeir aðilar eru sem skattrannsókn-
arstjóri hefur í hyggju að eiga við-
skipti við og í framhaldi veltir
maður því þá fyrir sér hve ábyggi-
leg hin stolnu gögn eru. Einn er
sá þingmaður sem áberandi hefur
hent sér á lestina, væntanlega í
von um frægð og frama en hann
er jafnframt formaður efnahags-
og viðskiptanefndar Alþingis. En
nú skulum við gefa okkur að þess-
ar upplýsingar fáist keyptar með
lögmætum hætti og þá af aðilum
sem hafa hreint borð og að upp-
lýsingarnar séu ábyggilegar. Hver
á þá að hafa eftirlit með því að
skattrannsóknarstjóri grisji ekki
úr þessum lista þá aðila sem hon-
um eru þóknanlegir til að vera
undanþegnir þessum aðgerðum
hans? Eiga það að vera vinir og
kunningjar af hans sauðahúsi eða
á að kalla til óbreytta þegna með
úrtaki úr þjóðskrá til að vera við-
staddir þegar gögnin verða afhent
og opnuð? Æðstu embættismenn
skattframkvæmdar í landinu hafa
nefnilega sýnt í verki að þeim er
ekki treystandi til að meðhöndla
þess háttar gögn sem hér um ræð-
ir án eftirlits frá hinum venjulegu
þegnum. Til eru gögn hjá skatt-
yfirvöldum yfir fjölda aðila sem
nýtt hafa sér innlend skattaskjól
og notið þess með vitund og bless-
un skattyfirvalda að draga tekjur
undan tekjuskattsstofni þótt slíkt
sé að sjálfsögðu andstætt gildandi
lögum. Hér er um að ræða svo-
kallaðar dagpeningagreiðslur
vegna ferða launþega á vegum
vinnuveitenda sinna. Samkvæmt
lögum er heimilt að draga þessar
greiðslur undan tekjuskattsstofni
að uppfylltum ákveðnum skil-
yrðum sem eru m.a. að um sé að
ræða tilfallandi ferð utan venju-
legs vinnustaðar og að sú fjárhæð
sem færð er undan sé sannanlega
ferðakostnaður sem viðkomandi
aðili hefur orðið fyrir. En þar að
auki eru sett ákveðin hámörk á
þetta af skattyfirvöldum og nemur
hámarksfrádráttur tugum þús-
unda fyrir hvern ferðadag. Í fram-
kvæmd hafa skattyfirvöld horft
fram hjá þessu vitandi það að
langflestir færa hámarkið undan
tekjuskattsstofni jafnvel þótt þeir
hafi aðeins nýtt brot af þeim eða
ekkert til greiðslu
ferðakostnaðar. Þann-
ig hafa þessir aðilar
tök á að svíkja þessar
dulbúnu tekjur sem
mismuni nemur und-
an tekjuskatti. Í und-
antekningatilvikum
velja skattyfirvöld úr
einstaklinga og krefj-
ast gagna til sönn-
unar á útlögðum
ferðakostnaði og þá
lenda þeir helst í
svona „úrtaki“ sem
leyfa sér að gagnrýna skatt-
yfirvöld. En hverjir eru þeir aðilar
sem átölulaust fá að njóta þeirra
undanskota sem hér er vísað í? Jú,
það eru aðallega embættismenn
hjá ríkinu þótt ýmsir aðrir fái að
fljóta með en þeir aðilar sem ættu
að taka á þessu forðast að þyrla
upp miklu moldviðri varðandi
þetta kerfi vegna þess að þeir
hafa ríka eiginhagsmuni af því
óbreyttu. Flugliðar í millilanda-
flugi njóta einnig þessara und-
anskota, jafnvel þótt þeir séu ekki
í ferðum utan venjulegs vinnu-
staðar sem hlýtur að vera flug-
farið sjálft og jafnvel þótt þessir
aðilar fari héðan að morgni og
komi til baka síðdegis sama dag
án þess að bera nokkurn kostnað.
Embættismenn fá oft á tíðum
kostnað greiddan og dagpeninga
þar að auki og eiga því í lang-
flestum tilvikum ríflegan afgang
sem skotið er undan. Nú hafa
skattyfirvöld hnykkt á reglum um
þetta og gera þeim aðilum sem
stunda eigin rekstur að skila inn
gögnum fyrir því sem fært er und-
an í þessum efnum. En af hverju
er ekki bara gerð almenn krafa
um þetta? Svarið við því er aug-
ljóst. Ég átti ágætis samtal við
þingmanninn að ofan um erlendu
skattaskjólin en áhugi hans dofn-
aði hressilega þegar innlendu
skattaskjólin bar á góma og hefur
hann ekki svarað erindum mínum
síðan.
Ég skora á skattrannsókn-
arstjóra að láta fara fram blint
handahófskennt val úr þjóðskrá á
50-100 þegnum á vinnumarkaði til
að tryggja að ALLAR upplýsingar
í þeim gögnum sem hann hyggst
kaupa komi opinberlega fram áður
en hægt verður að eiga við þau
því annars er þessi listi marklaus.
En jafnhliða þessari rannsókn
væri ekki úr vegi að setja kraft í
að innheimta það sem skotið hefur
verið undan sem dagpeningum síð-
ustu ár. Þá skora ég á ríkisskatt-
stjóra og skattrannsóknarstjóra að
leggja fram persónuleg framtöl
sem sýna fram á að þeir sjálfir
hafi talið þessa hluti fram í anda
laganna. Er ekki rétt að þessir að-
ilar geri hreint fyrir sínum dyrum
áður en þeir æða til útlanda á
skattsviknum dagpeningum til að
kaupa stolin gögn sem hugsanlega
innihalda gögn um aðra skattsvik-
ara?
Eftir Örn
Gunnlaugsson
»… þessir aðilar geri
hreint fyrir sínum
dyrum áður en þeir æða
til útlanda á skatt-
sviknum dagpeningum
til að kaupa stolin gögn
um aðra skattsvikara!
Örn Gunnlaugsson
Höfundur er atvinnurekandi.
Skattaskjól
elítunnar
Gunnar Dofri Ólafs-
son er trúlaus maður
og á engan Guð,
hvorki á himnum né á
fótboltavellinum eftir
því sem hann segir
sjálfur frá í pistli sem
hann skrifaði fyrir
stuttu. Gunnar Dofri
kann örugglega nokk-
ur skil á réttu og
röngu eftir að hafa al-
ist upp í kristilegu
samfélagi . Hann hefur því fengið
nasasjón af því hvað sé kristilegt
eða kristileg siðfræði. En honum
fatast flugið verulega þegar hann
blandar saman siðferði/siðfræði við
mis-illa innrætta menn sem náðu
völdum og frömdu alls konar ill-
virki í nafni Krists, Múhameðs eða
annarra andans manna. Þeirra sið-
ferði var allt annað en það siðferði
sem m.a Kristur fyrir rúmum 2000
árum boðaði mönnunum. Kristilegt
siðferði hefur ekkert breyst í ár-
anna rás. Boðorðin 10 sem Gunnar
Dofri kannast örugglega við segja
allt um það.
Að blanda síðan saman mann-
réttindasáttmálum og halda því
fram að kristilegt siðferði hafi verið
fundið upp eftir síðari heimsstyrj-
öld er í besta falli barnalegt – en
sennilegar meiri vanþekking. Það
sama á við um að blanda saman ill-
um gjörðum manna (illa innrættra
oft á tíðum) við kristileg gildi er
einnig í besta falli barnalegt – en
sennilegar meiri vanþekking og for-
dómar. Gunnar Dofri
leitar í grein sinni eft-
ir „Guði með sítt
skegg“ eins og hann
segir sjálfur (hann
skrifar að vísu guð
með litlum staf, svona
eins og ég mundi
skrifa gunnar dofri
með litlum stöfum –
en af því ég ber virð-
ingu fyrir Gunnari
Dofra skrifa ég með
stórum stöfum ). Sagt
er að Guð búi innra
með manni og kannski
Gunnar ætti frekar að leita þar –
fremur en í háloftunum eða á fót-
boltavöllum?
Það er í raun merkileg mennta-
stefna þegar meina á ungu fólki að
heimsækja bænahús (kristileg sem
önnur) bara af því að einhverjum
„trúlausum“ finnst það réttlæt-
anlegt? Það er því ástæða að
spyrja sig hvort bíóhúsin verði ekki
næsti vetvangur „bannistanna“?
Minn ágætasti vinur sem er Afg-
ani og múhameðstrúar og ég sem
kristinn maður erum sammála því,
að sá vegur sem hinir fordómafullu
og „trúlausu“ hafa kosið að hefja
með fullri hörku og með stuðningi
hins opinbera (okkar sjálfra í gegn-
um pólitík) geti ekki leitt af sér
neitt annað en meiri fordóma, meiri
mannvonsku og meiri vanþekkingu
til lengri tíma. Við viljum að börnin
okkar séu leitandi, fróðleiksfús og
gangi í gegnum lífið án fordóma
um allt – líka í garð þeirra „trú-
lausu“. Að fá að upplifa, heimsækja
og kynnast náunga sínum er besta
og mesta menntun sem eyðir for-
dómum og vanþekkingu.
Virðingafyllst.
Gunnar leitaði að
Guði á fótboltavellinum!
Eftir Guðmund R.
Lúðvíksson » Sagt er að Guð búi
innra með manni og
kannski Gunnar ætti
frekar að leita þar –
fremur en í háloftunum
eða á fótboltavöllum?
Guðmundur R
Lúðvíksson
Höfundur er myndlistarmaður.