Morgunblaðið - 20.01.2015, Side 26

26 MINNINGAR
MORGUNBLAÐIÐ ÞRIÐJUDAGUR 20. JANÚAR 2015
✝ Andri FannarGuðmundsson,
varaformaður
stjórnar fjárfest-
inga- og þjónustu
hjá Credit Suisse-
bankanum í Zürich,
fæddist í Reykjavík
11. maí 1981. Hann
lést á Triemli-
sjúkrahúsinu í Zü-
rich 6. janúar 2015
eftir stutta en harða
baráttu við krabbamein.
Foreldrar hans eru Birna Guð-
björg Hauksdóttir, f. 1963, gift
Þresti Eiríkssyni, f. 1966, og Guð-
mundur Flosason, f. 1961, kvænt-
ur Busadee Phoonsawat, f. 1970.
Stjúpfaðir Andra frá sex ára aldri
er Friðrik Már Jónsson, f. 1955, í
sambúð með Höllu Óladóttur, f.
1965. Systkini Andra sammæðra
eru Rannveig Snorradóttir, f.
1984, Stefán Haukur Friðriksson,
f. 1990, Margrét Marsibil Frið-
riksdóttir, f. 2000, og Eiríkur
Hrafn Þrastarson, f. 2005. Systk-
ini hans samfeðra eru Margrét
Helga Guðmundsdóttir, f. 1984,
Fjóla Dröfn Guðmundsdóttir, f.
1984, Ólafur Guðmundsson, f.
1996 og Flosi Gunnar Guðmunds-
son, f. 2003. Uppeldissystir hans
frá Namibíu til Íslands. Þau
keyrðu í gegnum alla Afríku frá
syðsta odda Suður-Afríku norður
austurströnd Afríku þvert í gegn-
um Keníu, Úganda, Kongó og
norður vesturströndina til Mar-
okkó. Ferðalagið tók átta mánuði
og telst sem eitt skólaár í skóla-
göngu Andra, enda bjó hann að
þeirri reynslu og varð tíðrætt um
hana alla tíð. Eftir heimkomuna
hóf hann nám í 10. bekk í Hóla-
brekkuskóla og lauk þaðan
grunnskólaprófi vorið 1996.
Hann útskrifaðist sem stúdent frá
Fjölbrautaskólanum í Breiðholti
árið 2001. Eftir það lá leið hans í
sálfræðinám við Háskóla Íslands
þar sem hann útskrifaðist með
hæstu einkunn árið 2005. Hann
lauk MBA-námi frá IESE Bus-
iness School University of Nav-
arra 2010.
Andri hóf starfsferil sinn sem
kerrustrákur hjá Hagkaupum og
Högum 1998 þar sem hann vann
sig fljótlega upp í stjórnunar- og
ráðgjafastöðu meðfram fullu
námi í FB og HÍ. Hann var einnig
aðstoðarkennari við HÍ og HR
með náminu. Hann starfaði hjá
Glitni frá 2006-2008 og var í
starfsþjálfun hjá Johnson og
Johnson í Stokkhólmi sumarið
2009. Árið 2010 flutti hann til Zü-
rich til að hefja störf hjá Credit
Suisse-bankanum og starfaði þar
til dánardags.
Útför hans fer fram frá Hall-
grímskirkju í dag, 20. janúar
2015, og hefst athöfnin kl. 11.
frá sex ára aldri er
Guðbjörg Oddný
Friðriksdóttir, f.
1977. Stjúpsystkin
hans eru Ásgrímur
Már Friðriksson, f.
1982, Helgi Narin
Guðmundsson, f.
1991, og Ólafur
Guðmundsson, f.
1996.
Eiginkona Andra
er Sara Sturludótt-
ir, f. 1983, og eiga þau tvær dæt-
ur, Birnu Sif, f. 12. nóvember
2008, og Kristrúnu Elmu, f. 26.
mars 2012. Þau hófu sambúð í
Reykjavík árið 2006 og giftu sig
2010. Þau bjuggu í Barcelona frá
2008-2010 og í Zürich frá 2010.
Foreldrar Söru eru Sturla Páll
Sturluson, f. 1959, og Ragnheiður
Halldórsdóttir, f. 1960.
Andri bjó fyrstu æviárin á Ísa-
firði en flutti sex ára gamall til
Siglufjarðar og hóf sína skóla-
göngu í Grunnskóla Siglufjarðar.
Níu ára gamall flutti hann með
móður sinni og stjúpföður til
Namibíu þar sem hann bjó í rúm-
lega í fimm ár og þar gekk hann í
English Highschool í Swakop-
mund. Fjölskyldan lauk Afr-
íkudvöl sinni með því að keyra
Ég vil með örfáum orðum
kveðja son minn, Andra Fannar.
Þessi janúar er búinn að vera erf-
iður fyrir alla aðstandendur, sér-
staklega þá er næst honum
standa.
Við vorum öll vongóð um að vel
myndi fara, aðstæður góðar, gott
starfsfólk og svo margir mögu-
leikar í stöðunni. Krabbamein er
lúmskur og illskeyttur sjúkdómur
sem lagði Andra að velli eftir mjög
stutta en erfiða baráttu.
Andri Fannar var elstur, hann
notaði orðið frumburður oft í sam-
skiptum okkar, sérstaklega ef
hann vantaði eitthvað en svona
mest í gríni. Hann átti mörg
systkini, sjö stykki hálf og svo
fjögur á ská.
Hann var stór stóri bróðir og
þau yngri voru stolt af honum og
báru virðingu fyrir honum. Hann
átti pláss í hjörtum allra ættingja
minna, kannski vegna þess að
hann var fyrsta barnabarnið, en
frekar vegna þess að hann var
skemmtilegur, fallegur og pass-
lega óþekkur.
Andri Fannar Guðmundsson
var gæfumaður bæði í leik og
starfi. Hann var vel menntaður,
tók nám sitt alvarlega og uppskar
ríkulega. Hann valdi að fara til
Sviss og vinna þar í banka. Hann
var ánægður og farsæll í starfi
sínu þar og reglulegar stöðu-
hækkanir eru staðreynd og leiðin
var bara upp.
Andri ruddi veginn fyrir hin
börnin, þau höfðu viðmið í námi og
gengu mín börn í fótspor hans. Ég
persónulega, systur og ættingjar
höfum alltaf verið stolt af honum,
fyrst skóli, síðan vinna og fjöl-
skylda hans. Hann var gæfumað-
ur, hann var mjög heppinn með
lífsförunaut, Sara kom inn í líf
hans og þau voru fallegt par. Þau
eiga saman tvær yndislegar stelp-
ur.
Okkar missir er mikill, Andri
Fannar var góður drengur, elsk-
aður, dáður og mikill pabbi dætra
sinna. Það er mörgum að þakka
fyrir þeirra aðstoð á þessum erf-
iðu tímum, takk.
Elsku Sara, þú ert búin ganga í
gegnum mjög erfitt ferli, þú hjálp-
aðir mér og mínum mikið með já-
kvæðni, heiðarleika og trú á bata,
Guð gefi þér styrk á þessum erf-
iðu tímum.
Elsku Andri minn, það er svo
sárt að kveðja þig. Minning þín
mun lifa í hjarta mínu um ókomna
tíð, ég mun taka afahlutverkið al-
varlega.
Hvíldu í friði, elsku Andri minn.
Pabbi.
Bróðir minn kær, Andri. Aldrei
hélt ég að kæmi að því að ég þyrfti
að lifa án hans. Jafnvel þegar
hann greindist með krabbamein
og þegar hann lá á spítalanum og
búið var að segja við hann að það
væri ekki langt eftir. Alltaf hélt ég
í vonina um að þetta myndi hverfa
og hann kæmi aftur heim til sín
tilbúinn að skálda sín grínlög um
mig eins og hann var vanur að
gera. Ennþá núna, þegar ég skrifa
þessa grein, átta ég mig ekki á því
að hann sé farinn. Ég mun líkleg-
ast vera í þessu hugarfari þangað
til ég sé hann næst, í kistulagning-
unni, og þá mun sannleikurinn
hellast yfir mig. Þá mun ég gráta,
sakna og syrgja.
En núna finnst mér bara eins
og ég sé að skrifa minningar mín-
ar um Andra fyrir hann til að lesa.
Minningar eins og þegar hann fór
með mig á fyrsta fótboltaleikinn
minn. Þegar hann var með mér í
Afríku.
Þegar hann rústaði mig í Fifa
og seinna þegar ég byrjaði að
rústa hann sem neyddi hann til að
grípa hvert tækifæri sem hann
fékk til að svindla og láta mína
menn skora sjálfsmörk.
Hann var með mér í gegnum
súrt og sætt. Hann hringdi í mig
til að heyra hvernig mér gekk í
prófum og óskaði mér til ham-
ingju.
Hann huggaði mig þegar for-
eldrar mínir skildu. Hjálpaði mér
að finna hugrekkið til að tala við
stelpur. Ég hló alltaf einna hæst
þegar ég var með Andra þó að
hann gæti líka gert mig brjálaðan,
aðallega þegar við vorum að spila
fótboltaleiki.
Minningar mínar um Andra
eru þær bestu sem ég á og ég óska
þess að ég gæti heyrt hann syngja
eitt lokalag. Ég elska þig, Andri.
Þinn bróðir,
Stefán.
Elsku Andri bróðir minn. Aldr-
ei bjóst ég við að þurfa að sitja hér
og skrifa minningargrein til þín,
ekki einu sinni eftir að þú greind-
ist með krabbamein. Ég hélt alltaf
í vonina, á tímabili afneitun, en já-
kvæðni mín og bjartsýni studdi
þig mikið síðustu þrjá mánuði, það
veit ég enda þurftir þú að heyra
mig tala við þig á hverjum degi.
Ég hreinlega tók það ekki í mál að
ég myndi hugsanlega missa þig.
Andri minn, þú hefur alla tíð
verið besti bróðir. Með aðeins þrjú
ár á milli okkar höfum við alltaf
verið einstaklega náin. Þú ert stóri
bróðir minn, við lékum saman frá
því við vorum börn. Allt í einu vor-
um við orðin fullorðin og við feng-
um að njóta þess saman að fylgj-
ast með hvort öðru blómstra í
fjölskyldulífi og starfi.
Ég hef alla tíð verið svo stolt af
þér, þú ert fyrirmynd mín í lífinu.
Hvert sem ég fer, hverjum sem ég
kynnist, fer ég að tala um Andra
bróður minn. Bróður minn sem
hefur gert allt rétt, sem hefur
staðið sig í öllu, sem hefur komið
sér áfram í námi og starfi með
prýði. Bróður minn sem eignaðist
yndislega konu og tvær litlar
prinsessur. Eða eins og við köllum
þær: Prinsessurnar þínar þrjár.
Bróður minn sem elskar litlu syst-
ur sína svo mikið og minnir hana
stöðugt á það.
Þegar þú fórst með mig – syst-
ur þína sem var ung einstæð móð-
ir – og Hauk Hildimar til Mal-
lorca. Bara við þrjú. Við þrjú
áttum ógleymanlegan tíma á
Spáni saman, þú leyfðir mér að
hvíla mig og baða mig í sólinni, á
meðan sást þú um litla frænda.
Þetta ert þú í hnotskurn, svo góð-
hjartaður og vildir alltaf passa
upp á litlu systur.
Hvað sem ég tek mér fyrir
hendur, hringi ég í þig og segi þér
hvað ég er að bralla. Þú hlustar og
nýtir hvert einasta tækifæri til að
minna mig á hvað þú ert stoltur af
mér. Svo ótrúlega stoltur af litlu
systur. Alltaf stoð mín og stytta,
alltaf sá sem keyrðir mig áfram,
alltaf sá sem minntir mig á að stóri
bróðir væri stoltur.
Ég mun þakka fyrir það alla tíð
að hafa fengið ógleymanlegar
tvær vikur með þér um jólin og
áramótin síðustu í Zürich. Þú
varst svo hress og kátur, að horfa
á myndir saman, við hlógum mik-
ið. Þessi tími verður aldrei tekinn
frá mér, ekki heldur síðustu þrír
mánuðir sem ég fékk að búa mikið
hjá ykkur í Zürich, sitja hjá þér öll
kvöld að spjalla.
Andri, ég reyni að finna styrk
til að halda áfram, þú hefðir viljað
það. Ég reyni að finna styrk í
minningum okkar, og prinsessun-
um þínum. Þú verður að vera hjá
mér, mig vantar þig áfram í lífi
mínu. Þú munt vera í mínu hjarta
alla tíð. Besti, stóri, bróðir minn.
Elsku, besti, stóri bróðir minn. Ég
lofa að passa upp á fallegu prins-
essurnar þínar þrjár. Ég elska
þig.
Þín,
Rannveig.
Við erum stundum minnt á það
hvað tilveran getur verið harkaleg
og ósanngjörn, og síðustu dagar
hafa rækilega gert það. Andri
bróðir okkar var alltaf stóri bróð-
ir, þó að samgangurinn hafi ekki
alltaf verið eins mikill og við hefð-
um öll óskað. Það var skrítið og
skemmtilegt fyrir litlar stelpur að
eiga stóran bróður sem bjó í Afr-
íku og sendi stundum ótrúlegar
myndir og skrítið dót. Þegar leið á
unglings- og fullorðinsár hittumst
við oftar, sambandið varð sterkara
og stundirnar góðar, sem því mið-
ur minnkuðu þegar við skiptumst
á að flytja utan til náms og starfa.
Við komum því reyndar aldrei í
verk að heimsækja ykkur fjöl-
skylduna til Sviss, við héldum allt-
af að tíminn væri nægur, en
stundirnar á Íslandi eru orðnar
ómetanlegur fjársjóður minninga.
Þú tókst hlutverk þitt sem stóri
bróðir alvarlega þegar tækifæri
gafst, varst duglegur að leggja
okkur tvíbbunum lífsreglurnar,
bæði varðandi nám og störf og
varst okkur einstök og góð fyrir-
mynd. Það var alltaf gaman að
tala við þig, hvort sem við vorum
ósammála í pólitík eða vangavelt-
ur um lífið og tilveruna. Og mikið
var gaman að hitta ykkur Söru og
stelpurnar í fríum á Íslandi. Þú
varst svo stoltur af öllum stelpun-
um þínum og góður pabbi. Tilfinn-
ingarnar eru svo margar og
skrítnar, þakklæti fyrir að eiga
þig sem stóra bróður og hafa hald-
ið góðu sambandi við þig, en á
sama tíma eftirsjá eftir þeim góðu
stundum sem hefðu getað orðið í
framtíðinni. Elsku Sara, Birna Sif,
Kristrún Elma og fjölskyldur,
hugur okkar og styrkur er hjá
ykkur.
Ó, slá þú hægt mitt hjarta
og hræðstu ei myrkrið svarta.
Með sól og birtu bjarta þér birtist vor á
ný.
(Steinn Steinarr)
Elsku Andri, takk fyrir allt og
takk fyrir að vera stóri bróðir okk-
ar. Þín verður saknað. Þínar syst-
ur,
Margrét Helga
og Fjóla Dröfn.
Elsku Andri. Ég trúi því ekki
ennþá að þú sért farinn. Hugsunin
um að ég fái ekki að fara aftur og
heimsækja þig í Sviss er óbærileg.
Tilhugsunin um að ég fái aldrei að
gera pítsu með þér á meðan við, og
draumastelpurnar þínar, syngjum
let it go fullum hálsi, að ég aldrei
fæ að hlusta á þig syngja lög um
allt og ekkert er hræðileg. En þú
ert samt farinn, þó að ég geti ekki
hugsað mér lífið án þín.
Ég man best eftir því að þú
varst alltaf að kalla þig Justin Bie-
ber. Þú spurðir hvort stelpurnar í
bekknum mínum væru ekki öf-
undsjúkar vegna þess að Justin
Bieber væri bróðir minn. Svo
fórstu að syngja „Baby“ fullum
hálsi. Ég brosi í hvert sinn sem ég
hugsa um þetta.
Þú varst ein skemmtilegasta
manneskja sem ég hef nokkurn
tíma hitt. Þú náðir alltaf að gera
það besta úr öllu. Þú fékkst alla
fjölskylduna til að hlæja, bara með
því að syngja stutt lag eða segja
lítinn brandara. Ég fékk bara að
þekkja þig í fjórtán ár, en þú gerð-
ir þessi ár betri. Þú munt alltaf
eiga pláss í hjarta mínu og ég mun
elska þig stanslaust, eins lengi og
ég lifi.
Þín
Margrét.
Elsku Andri. Minningarnar og
tárin streyma á meðan ég sit hér
og rifja upp allt sem við áttum
saman. Ég var svo ánægð með að
eignast lítinn frænda sem ég gat
passað og dúllast með. Þú með fal-
legu krullurnar þínar og skemmti-
legar uppákomur. Eftir því sem
árin liðu jókst vinskapurinn, við
unnum á sama vinnustað og þú
varst mikið á mínu heimili á ung-
lingsárunum. Ég á svo margar
minningar um samræður okkar,
við höfðum bæði rosalega gaman
af því að rökræða hlutina og velta
mörgu fyrir okkur. Ég á líka svo
margar góðar minningar um húm-
orinn þinn. Það sem við gátum
hlegið. Þú varst alltaf svo dugleg-
ur, klár og yndislegur drengur,
góður við alla og vildir öllum vel.
Þú varst búinn að koma þér vel
fyrir í lífinu, með stelpunum þín-
um; Söru, Birnu Sif og Kristrúnu
Elmu sem þú varst svo stoltur af.
Þú áttir marga að, stóra fjölskyldu
sem stóð við bakið á ykkur í veik-
indunum. Það er sárt að sætta sig
við að þú ert ekki lengur meðal
Andri Fannar
Guðmundsson
✝
Ástkær eiginkona mín, móðir okkar, tengda-
móðir og amma,
SÓLDÍS ARADÓTTIR,
læknaritari
Kjarrási 8,
Garðabæ
andaðist á Líknardeild Landspítalans laugar-
daginn 17. janúar.
Útför verður auglýst síðar.
Fyrir hönd aðstandenda,
Jóhannes L. Harðarson,
Ari Viðar Jóhannesson, Sigurún Edda Sigurjónsdóttir,
Hörður Smári Jóhannesson, Björk Gunnarsdóttir,
Hekla Aradóttir,
Arna Hlín Aradóttir,
Birkir Orri Arason,
Hilmir Berg Harðarson.
✝
Elskuleg eiginkona mín, móðir okkar, tengda-
móðir, amma og langamma,
SIGURRÓS AÐALHEIÐUR
JÓHANNSDÓTTIR,
Suðurvör 1,
Grindavík,
lést á Heilbrigðisstofnun Suðurnesja,
þriðjudaginn 13. janúar.
Útförin fer fram frá Grindavíkurkirkju, fimmtudaginn
22. janúar kl.14.00.
Jón Bergþór Hjaltason,
Júlíana Jónsdóttir, Jóhann Júlíus Sigvaldason,
Hjalti Jónsson, Sæfríður Björnsdóttir,
Kristmundur Óli Jónsson, Ásdís Ester Kristinsdóttir,
Guðlaug Soffía Jónsdóttir,
Dagný Una Jónsdóttir,
barnabörn og barnabarnabörn.
Ástkær móðir okkar, tengdamóðir, amma
og langamma,
DÝRLEIF JÓNÍNA TRYGGVADÓTTIR,
Gnoðarvogi 34, Reykjavík,
lést þriðjudaginn 13 janúar.
Útför fer fram frá Langholtskirkju
föstudaginn 23. janúar kl. 15.
.
Guðlaugur Tr. Óskarsson, Þorbjörg Árnadóttir,
Baldvin Páll Óskarsson,
Sigurlín Rósa Óskarsdóttir, Sveinn Jóhannesson,
Óskar Jósef Óskarsson, Inga Fjóla Baldursdóttir,
Anna Elín Óskarsdóttir, Rúnar Sigurjónsson,
Ingólfur Ástmarsson, Randi E. Logadóttir,
barnabörn og langömmubörn.
Móðir okkar,
GUÐBJÖRG GUÐBJARTSDÓTTIR
frá Hjarðarfelli,
sem lést að Hjúkrunarheimilinu Skjóli
laugardaginn 3. janúar, verður jarðsungin
frá Áskirkju föstudaginn 23. janúar kl.
13.00.
Blóm og kransar afþakkaðir en þeim sem vilja minnast hinnar
látnu er bent á að láta líknarstofnanir njóta þess.
.
Sigrún, Guðný, Þorbjörg og Áslaug Helgadætur
Ástkær eiginkona mín, móðir, tengdamóðir,
amma og langamma,
GUÐRÚN ÓLAFSDÓTTIR,
Dúna,
Básbryggu 5, Reykjavík,
lést 17. janúar sl. á hjúkrunarheimilinu
Skjóli. Útförin fer fram frá Grafarvogskirkju föstudaginn 23.
janúar kl. 13. Blóm og kransar afþakkaðir. Þeim sem vilja
minnast hennar er bent á líknarstofnanir.
.
Gunnar Oddsson,
Sif Gunnarsdóttir, William A. Burhans jr.,
Oddur Gunnarsson, Guðný Kristín Erlingsdóttir,
barnabörn og barnabarnabörn.