Reykjalundur - 01.06.1952, Page 16

STEIN VIK:
fvá störfum T. H. O.
Samband norskra berklasjúklinga T. H. O.,
hagar baráttunni við berklaveikina í aðal-
atriðum eins og gert er á íslandi.
Við höfum þegar unnið mikið starf, en
þó mest að Krókeide við Bergen. Þar höf-
um við komið upp vinnuskóla fyrir berkla-
sjúklinga og fer þar fram bóklegt og verk-
legt iðnnám.
Þá hefur sambandið einnig unnið mikið
að því, að fá bæjar- og sveitarfélög til að
tryggja fjárhagsafkomu hinna berklaveiku.
Höfum við talið heppilegt að fá sveitarfélögin
til að hefja slíka tryggingarstarfsemi, án þess
að lagasetning kæmi til, og reyna að fá ríkið
til að taka þær að sér síðar, ásamt þeim trygg-
ingum, er það nú hefur með höndum. Þetta
hefur ekki gengið eins vel og við höfðum
vonað, því að sveitarfélög, sem fá hjálp úr
skattskiptasjóðnum, fá ekki leyfi til að taka
að sér slíkar tryggingar, en þau eru flest í
Norður-Noregi, þar sem mest er um berkla-
veiki og þörfin fyrir aðstoð mest. Hafa 120
sveitar- og bæjarfélög tekið upp þessar trygg-
ingar og öll stuðzt við tillögur okkar.
Vinnuskólinn að Krókeide tók til starfa
árið 1946 og hafa 250 berklasjúklingar notið
þar kennslu þau sex ár, er síðan eru liðin.
Stjórn skólans fylgist vel með atvinnuhorf-
um almennt og hagar kennslunni í samræmi
við það. Nemendurnir eru því yfirleitt ör-
uggir um vinnu, þegar þeir hverfa frá skól-
anum til heimila sinna. í skólanum eru nú
kenndar námsgreinar, sem ætla má að reyn-
ist heppilegar í nokkur ár, án verulegra
breytinga: Léttari vélsmíði, húsgagnasmíði
ög viðgerðir á nýjustu tækjum bátaflotans.
Hvert námskeið stendur yfir í tíu mánuði
og eru tólf nemendur við nám hverju sinni.
Námið er bóklegt og verklegt og að náms-
tímanum loknum er nemandinn búinn að fá
vinnuþjálfun, er gerir honum fært að hefja
14
starf á ný úti í lífinu. Kennslan fer öll fram
í samráði við lækni og er vinnutíminn smá-
aukinn og alltaf séð um, að nemandinn njóti
nægilegrar hvíldar, í lok námskeiðsins er
unninn fullur vinnutími.
I Noregi eru flestar iðngreinar lokaðar
ófaglærðum mönnum eins og á íslandi, en
iðnaðarmenn hafa víðast hvar fallizt á að
draga frá þeim, er stundað hafa 10 mánaða
nám við vinnuskóla, allt að 18 mánuði venju-
legs námstíma.
Vélsmíðadeildin hefur verið starfrækt síð-
astliðin tvö ár og aðsókn verið mikil, enda fá
nemendurnir undirbúningsmenntun í flest-
um greinum vélfræðinnar. Húsgagnasmíði
hefur verið kennd frá stofnun skólans
Kennslan í þeirri grein hefur breytzt mik-
ið, í stað þess að kenna öllum á sama hátt,
er nú reynt að finna hvaða smíði nemandan-
um héntar bezt og hann hefur mestan áhuga
fyrir og lögð áherzla á að kenna honum í
samræmi við það. í skólanum var áður
kennd útvarpsvirkjun en lögð niður og í stað-
inn hafin kennsla í tækjaviðgerðum fyrir
skipaflotann.
Verkstæði skólans eru mjög vel búin tækj-
um af fullkomnustu gerð. Árangurinn, sem
náðst hefur, vekur mikla athygli þeirra, er
áhuga hafa fyrir þeim málum.
Reykjalundur hefur verið okkur fyrir-
mynd og svo mun um fleiri lönd. Okkar
stofnun hefur þó þróazt nokkuð á annan
veg.
Við vonum að norska ríkið taki að sér
rekstur skólans, þótt hætt sé við að áhrifa
okkar gæti þar ekki mikið eftir það.
Samband berklasjúklinga í Noregi á mörg
óleyst verkefni, en skólinn er okkur kostn-
aðarsamur og hindrar, að við getum hafizt
handa um að vinna að öðrum málum berkla-
sjúklinganna, er bíða úrlausnar.
Reykjalundur