Morgunblaðið - 14.03.2015, Qupperneq 49

MENNING 49
MORGUNBLAÐIÐ LAUGARDAGUR 14. MARS 2015
TÓNLIST
Arnar Eggert Thoroddsen
arnareggert@arnareggert.is
Norrænu tónlistarverðlaunin eða
The Nordic Music Prize voru veitt í
fimmta sinn á norsku tónlistarhá-
tíðinni by:Larm fyrr í mánuðinum.
Sú er hreppti hnossið er finnsk og
ber hið máttuga nafn Mirel Wag-
ner. Tónlistin er nokkurs konar
dauðablús, berstrípaðar kassa-
gítarstemmur sem líða um myrkr-
ið, innblásnar af fornum, óraf-
mögnuðum blús frá Ameríku. Já,
og platan hennar heitir When the
Cellar Children See the Light of
Day, svona rétt til að hnykkja á
stemningunni.
Það var Jónsi okkar sem tók
við verðlaununum fyrstur manna
árið 2011, þá fyrir sólóplötu sína
Go (2010). Svíar urðu svo hlut-
skarpastir næstu þrjú ár á eftir.
Verðlaununum svipar til Mercury-
verðlaunanna bresku þar sem
áhersla er á listrænt innihald frem-
ur en markaðsvænleika og er ætlað
að vekja athygli á skandinavískri
tónlist á alþjóðavettvangi um leið
og dægurtónlistarmenn á svæðinu
eru hvattir til dáða. Tilnefning-
arnar ár hvert segja þá talsvert um
þá popprænu strauma sem leika
um Norðurlöndin en tólf plötur
voru um hituna í ár eins og hin
fyrri. Þrjár komu frá Svíþjóð í
þetta sinnið, þrjár frá Danmörku
og tvær frá hinum löndunum (Ís-
land, Noregur og Finnland). Hlut-
föllin hafa verið mismunandi í
gegnum tíðina að þessu leytinu til.
Styrkur
Að vanda, og það hefur verið
styrkur þessara verðlauna, voru
plöturnar jafn ólíkar og þær voru
margar. Danir buðu t.a.m. upp á
framsækið rafpopp frá MØ, Iceage
snöruðu fram nútímasíðpönki og
Selvhenter leika sér með afskap-
lega tilraunakennda óhljóðalist á
Motion of Large Bodies (sem var í
sérstöku uppáhaldi hjá pistlahöf-
undi). Tvær þær síðastnefndu
fengu sérstök heiðursverðlaun hjá
alþjóðlegu dómnefndinni sem valdi
sigurvegarann þetta árið. Fulltrú-
Norræni tónninn
Myrk Mirel Wagner, handhafi Norrænu tónlistarverðlaunanna, er eitursvöl.
ar Svíþjóðar voru Neneh Cherry
(afbyggt, djassað tilraunapopp),
Lorentz (samtímahipp-hopp í anda
Drakes) og Lykke Li (ísilagt nor-
rænt sírenupopp). Norræna sír-
enupoppið, eins og ég er greinilega
að kalla það, átti líka sinn fulltrúa í
hinni norsku Emilie Nicolas (plata
hennar, Like I’m a Warrior, er
stórgóð) og hitt framlagið frá Nor-
egi var metnaðarfull plata plötu-
snúðsins Todds Terje, It’s Album
Time. Finnar áttu þá einnig full-
trúa úr hipphoppinu í Gracias og
síðast en ekki síst átti Ísland tvo
ólíka en afar frambærilega full-
trúa. Prinspóló með hina glæstu og
alíslensku Sorrí og svo Pink Street
Boys með Trash from the Boys, en
þeir eru leiðarljósið í nýju hráu
rokkbylgjunni sem kraumar undir
íslenska tónlistarlandslaginu nú
um stundir.
Blómlegt
Allt tal um sameiginlega þætti
norrænnar popptónlistar er vand-
kvæðum bundið. Það er eðlilega
vilji til að stilla fram einhverju
sameiginlegu (það er hentugt
markaðslega) og svo ganga marg-
ir, einkum þeir sem eru ekki frá
Norðurlöndunum, með óræða,
rómantíska hugmynd um einhvern
norrænan tón í kollinum. Þegar
draumsýnum er vikið burt sést hins
vegar (og heyrist) að margir og
ólíkir hlutir eru í gangi. Ekki bara
á milli landa heldur einnig innan
landa. Þannig að þessi norræni
tónn er ansi fjöltóna ef svo mætti
segja. Engu að síður er hægt að til-
taka vissa norræna strauma, sír-
enupoppið sem ég tala um hefur
t.d. verið giska áberandi und-
anfarin ár, sérstaklega í Noregi og
Svíþjóð. En umfram allt er norrænt
samtímapopp fjölskrúðugt, tekið er
mið af því helsta í Ameríku og
Bretlandi eins og gengur en svo
dettur heimaræktað krydd óhjá-
kvæmilega út í þá súpu. Til að
blómleg tónlistarmenning fái þrif-
ist á þessum svæðum á þessum fjöl-
menningarlegu tæknitímum er
nauðsynlegt að halda henni að
væntanlegum hlustendum og
margt gott starfið er unnið að því
leytinu til. Ég nefni NOMEX, tón-
listarútflutningsskrifstofur land-
anna, hluti eins og Nordic Playlist
og svo þessi blessuðu verðlaun,
sem leitast við að stimpla það inn
að margt popplegt þrekvirkið er
unnið hér á norðurslóðum ár hvert.
» Þegar draumsýn-um er vikið burt sést
hins vegar (og heyrist)
að margir og ólíkir hlut-
ir eru í gangi
 Hin finnska Mirel Wagner hampaði
Norrænu tónlistarverðlaununum
 Hvaða mynd gefa verðlaunin af
skandinavískri popptónlist í dag?
James Bond, njósnari hennar há-
tignar númer 007, er vanur að fara
hvert sem hann vill. Það vita aðdá-
endur hans. En þingið í Wales, Se-
nedd, er ekki á því. Ósk framleið-
enda væntanlegrar kvikmyndar um
nýjustu ævintýri njósnarans, sem
mun kallast Spectre, um að fá að
kvikmynda í þinghúsinu var hafnað.
Ákvörðunin hefur verið gagnrýnd
í Wales og fullyrt að þar missi
heimamenn af gullnu tækifæri til að
auglýsa nýlegt þinghúsið og starf-
semi þingsins. Samkvæmt The Gu-
ardian þykir mörgum starfsemin í
þinghúsinu fremur óspennandi og
þarna hafi verið tækifæri til að gæða
það lífi. Þá séu fordæmi fyrir því að
kvikmyndað sé í húsinu þar sem þar
voru teknar upp senur í þættina
Sherlock og Dr. Who.
Talsmaður þingsins svarar gagn-
rýnendum og segir þingsalinn ekki
vera kvikmyndaver. Boðið var að
kvikmynda annars staðar í bygging-
unni en því var hafnað.
Velskir hafna Bond
AFP
Á tökustað Leikarinn Daniel Craig í hlutverki James Bond við tökur á
Spectre í Rómarborg fyrir skömmu. Það verður 24. myndin um Bond.
ÍSLENSKUR TEXTI
2 VIKUR Á TOPPNUM!
Besta leikkona í
aðalhlutverki
NÝ STUTTMYND
VERÐUR SÝND Á UNDAN
ÓDÝRT KL. 2 OG 5
800 KR. BARNAVERÐ FYRIR ALLAI
www.laugarasbio.is
Sími: 553-2075
SÝNINGARTÍMA MÁ NÁLGAST Á
LAUGARASBIO.IS, MIDI.IS OG
EINNIG Á SÍÐUNNI HÉR VIÐ HLIÐINA Á
- bara lúxus
ÓDÝRT kl: 2 og 5
800 kr barnaverð fyrir alla