Ægir - 01.04.2014, Blaðsíða 50

50
Það er stafalogn í Grundarfirði
þegar blaðamaður Ægis rennir í
hlað. Snyrtimennska einkennir
höfuðstöðvar viðmælandans og
endurspeglar þann brag sem
einkennir þetta samfélag á
miðju norðanverðu Snæfells­
nesi. Það er hins vegar engin
lognmolla í kringum Guðmund
Smára Guðmundsson, fram­
kvæmdastjóra Guðmundar
Runólfssonar hf. í Grundarfirði.
Smári, eins og hann er alla
jafna kallaður, er nýkominn af
sjávarútvegssýningunni í
Brussel þegar fundum okkar
ber saman. Hann liggur ekki á
skoðunum sínum.
„Það er deginum ljósara að
okkur hefur tekist bölvanlega
upp í sölumálum íslenskra sjáv-
arafurða á síðustu 15-20 árum.
Hafi einhver verið í minnsta
vafa um það voru tekin af öll
tvímæli á sjávarútvegssýn-
ingunni í Brussel núna í byrjun
maí. Þar voru saman komnir all-
ir sem vettlingi geta valdið í ís-
lenskum sjávarútvegi og því
miður fór ekkert á milli mála að
við höfum að mestu tapað því
forskoti sem við höfðum náð að
skapa okkur á mörkuðum í
Evrópu og víðar. Sárast af öllu
var að sjá staðfestingu þess að
Norðmenn hafa að mestu étið
upp forskot okkar í markaðs-
málum með úthugsuðu og
samstilltu markaðsstarfi árum
saman,“ segir Smári.
Forskotið nánast horfið
Hann er þó á því að Íslendingar
séu enn herslumun á undan
Norðmönnum, sem eru stórir á
markaði og okkar helstu keppi-
nautar. En í hverju liggur for-
skotið?
„Að baki því liggja fyrst og
fremst þrjár ástæður,“ segir
Smári. „Einstök gæði íslenskra
afurða, afhendingaröryggi og
sveigjanleiki framleiðenda. Við
höfum öðlast mikla þekkingu á
því hvernig við varðveitum
gæði aflans sem best, allt frá
veiðum og þar til hann berst
neytendum víða um heim. Sem
dæmi þá stýrum við hér hjá
okkur veiðum ár fram í tímann.
Um leið og kvótaúthlutun ligg-
ur fyrir brjótum við markmið í
veiðum niður í einingar sem
henta þörfum kaupenda á ein-
stökum mörkuðum. Veiðinni er
svo stýrt kerfisbundið að eins
miklu leyti og það er hægt eftir
tegundum og ég reikna með að
þannig stýri flest fyrirtæki sín-
um veiðum hér heima. Það er
einmitt þessi markvissa stýring
veiðanna yfir árið sem gerir það
að verkum að Íslendingar ná
40% meiri verðmætum út úr
hverju kílói þorsks en Norð-
menn.“
Þegar Smári er inntur eftir
því hvað hafi farið úrskeiðis í
sölumálum íslenskra sjávar-
afurða segir hann skýringarnar
margar en sökin liggi auðvitað
fyrst og fremst hjá framleið-
endunum sjálfum.
Guðmundur Smári Guðmundsson, framkvæmdastjóri
Guðmundar Runólfssonar hf. í Grundarfirði:
„Þurfum að vinna
betur saman í
markaðsmálum“
Makríllinn hefur reynst mikil búbót en Guðmundur Smári er ekki kátur með úthlutun veiðiheimilda og segir
reglugerðina götótta. Starfsstúlkur í vinnslunni hjá Guðmundi Runólfssyni hf. sjá engu að síður ástæðu til að
brosa. Mynd: Sigurður Bogi Sævarsson
F
isk
v
in
n
sla