Húnavaka - 01.05.1990, Blaðsíða 40

38
HUNAVAKA
mesta lostæti. Svo verkaði ég dálítið í fyrra en það tókst ckki vel
nema með sumt. Þá kenndi ég því um að það hefði orðið of heitt
í kæsingunni.
Núna fékk ég nokkurt magn í haust og ætlaði að vera flínkur og
verka hann vel. Kæsingin tókst vel að því leyti að það var ekki of
heitt á honum, en það var mikið að gera um það leyti sem hákarlinn
kom og við vorum við byggingar. Þegar til átti að taka var mikið
af' hákarlinum skenunt, svo að ég hef ekki þorað annað en henda
því. Þetta er nú ekki tryggur atvinnuvegur, en nú veit ég hvað var
að. Það rann ekki nógu vel frá liluta af honum í kæsingunni, þannig
að meira en helmingur skemmdist, en það er til góður hákarl af
hinum hlutanum. Þetta er hákarlasagan mín. Ég vil í lok hennar
taka fram að ég held að það verði enginn ríkur af hákarlaverkun.
Þeir sem verka hákarl á Vopnafirði og víðar segja að það sé ekki
hægt að verka hann frammi í sveit cn það tek ég mátulega.
Ég kom í fyrra til manns vestur á Hnífsdal sem verkar hákarl
og hann lætur nú ekki vel af þeim ,,bisniss“. Hann sýndi mér góðan
hákarl og líka hvernig gallaður hákarl væri. Hann sagði við mig
að ef hákarl væri þannig, væri hann skemmdur og þýddi ekki að
reyna að hirða hann. Einmitt þannig var hann hjá mér að hluta
og þess vegna þekkti ég hvað var skemmt. Það er gaman að gefa
hákarl. Það er miklu skemmtilcgra að gefa hákarl en brennivín og
líka sjaldgæfara.
Bændur sjá stundum það sem aðrir sjá ekki
Hvernig stóð á því að þú fórst að búa til trjáhlífar, svokallaða hólka?
Ég get nú sagt þér ástæðuna fyrir því. Ég hef að hluta til haft
með höndum skógrækt á Fjósum í Svartárdal. Fyrir nokkrum árum
var Hjalti Þorbergur Jónsson ráðinn kennari að Hólum. Hann kom
með þá nýjung frá Skotlandi að setja hlífar í kringum trjáplöntur.
Þessar hlífar voru ferkantaðar. Það er rekinn niður hæll við hverja
plöntu og hlífarnar eru bundnar við hann. Ég hef komist að því
síðan að þeir nota þetta mikið í Skotlandi, sérstaklega við eikina,
því að þetta fiýtir vextinum fyrstu árin, sem eru lang erfiðust fyrir
trjáplöntur. Hlífarnar verja líka plönturnar fyrir skógardýrum sem