Fréttablaðið - 14.05.2015, Page 44

14. maí 2015 FIMMTUDAGUR| MENNING | 28
Hanna Styrmisdóttir, listrænn
stjórnandi Listahátíðarinnar í
Reykjavík, hefur haft í mörgu að
snúast að undanförnu en hátíðin
var sett í gær með opnunarsýningu
Bandaloop-dansflokksins. Hátíðin
í ár og á næsta ári er með megin-
áherslu á höfundarverk kvenna, rit-
skoðun og réttindabaráttu í tilefni
af 100 ára afmæli kosningaréttar
kvenna á Íslandi og þeirri staðreynd
að umtalsvert hefur hallað á hlut
kvenna á hátíðinni í gegnum tíðina.
Femínismi og klifur
Dagskráin er gríðarlega fjölbreytt
og segir Hanna að það verði margt
spennandi að sjá og skoða fyrir
borgarbúa á næstunni. „Ég vil
byrja á því að hvetja alla til þess
að leggja leið sína að Tollhúsinu við
Tryggvagötu en á austurhlið húss-
ins gefur að líta verk eftir Guer-
illa Girls frá New York. Þær kalla
sig samvisku listheimsins og beita
sláandi tölfræði og beittum húmor
til þess að afhjúpa kerfisbundna
mismunun á konum og spillingu í
listum, pólitík og poppkúltúr. Ég
er sérstaklega ánægð með útkom-
una en það er búið að leggja mikið
í þetta verk sem er svo sannarlega
hárbeitt ádeila með mögnuðum
tölum sem snerta okkur öll. Þarna
er eitthvað sem við þurfum að horf-
ast í augu við og laga.
Bandaloop er annað gott dæmi
um gesti sem gera mikið fyrir
hátíðina. Þau víkka út hugmynd-
ir okkar um danslist og færa hana
til almennings. Þetta er einmitt
það sem við viljum að Listahátíðin
geri – stækki heiminn, auki skiln-
ing og veki áhuga. Bandaloop-sýn-
ingin var framan á Aðalstræti 6 og
við það sjáum við þessa byggingu í
nýju ljósi. Þannig viljum við gjarn-
an vinna með staði sem borgarbúar
hafa tengsl við, setja þessa staði í
nýtt samhengi og vera sýnileg fyrir
borgarbúum.“
Tökum sviðið
Opnunarsviðsverkið Svartar fjaðr-
ir, sem danshöfundurinn Sigríð-
ur Soffía byggir á ljóðum Davíðs
Stefánssonar, var frumsýnt í gær-
kvöldi. „Svo er Blæði í næstu viku
í Borgarleikhúsinu og það er líka
mjög spennandi sýning. Að auki
verða um helgina tvær hátíðar-
sýningar á Endatafli í Tjarnarbíói
sem var reyndar frumsýnt fyrr
í mánuðinum og fékk hreint frá-
bærar viðtökur. Það er því mikið
tilhlökkunar efni að fara í leikhús.“
Förum á röltið
„Í dag og næstu daga verða svo að
opnaðar myndlistarsýningar mjög
víða um bæinn, margar hverjar
í minni galleríum miðbæjarins.
Hugsunin á bak við þetta er að við
viljum koma upp þessum gallerís-
rúnti ef svo má segja og tíðkast
víða á hátíðum á borð við þessa.
Þá fer fólk í miðbæinn og gengur
á milli spennandi sýninga og gefur
sér tíma í að skoða og njóta. Með
sama hætti þá er Nýjabrum í Stof-
unni á sunnudaginn, leið til þess að
nálgast tónlist með öðrum hætti
en í hefðbundnu tónleikarými.
En svo er auðvitað mikil tilhlökk-
un tengd við uppfærsluna á Peter
Grimes í Hörpu í næstu viku. Þar
eru gríðarlega flottir listamenn á
ferð að flytja verk sem segja má að
hafi verið alltof lengi á leiðinni til
Íslands.
Auk alls þessa verða ákaflega
spennandi sýningar opnaðar í stærri
söfnunum á næstunni og hátíðin
teygir sig líka út fyrir borgarmörkin.
En það er erfitt að taka eitthvað eitt
út og nefna sérstaklega svo ég hvet
fólk til þess að skoða dagskrána vel á
netinu eða ná sér bækling. Kynna sér
hvað það er í raun margt spennandi
og skemmtilegt í boði og svo er bara
að rölta af stað og njóta listarinnar.“
Magnús
Guðmundsson
magnus@frettabladid.is
Hulda Hákon er á meðal þekkt-
ari myndlistarmanna þjóðarinn-
ar en í dag opnar hún sýningu í
galleríinu Tveimur hröfnum að
Baldurs götu 12 í Reykjavík. Þar
sýnir Hulda texta, málverk, lág-
myndir og skúlptúra. Sýningin er
hluti af Listahátíðinni í Reykjavík
og kallast Björg, sólskin, hetjur,
himinn, haf og fuglar. Þessi langi
og skemmtilegi titill sýningarinn-
ar er að mörgu leyti lýsandi fyrir
feril Huldu sem er fjölbreyttur og
skemmtilegur um leið og Hulda
er ávallt samkvæm sjálfri sér í
umfjöllunarefnum sínum og nálg-
un.
Hulda hélt fyrstu einkasýn-
inguna sína í New York 1985 en
frá upphafi hefur hún fjallað um
hvunndagshetjuna, litla sigra,
óhöpp eða einfaldlega hversdags-
leg og skemmtileg atvik. Myndmál
og textar vísa oft til þess að hið
smáa getur verið allt eins drama-
tískt og eftirtektarvert og hið stóra
og ákveðin leiðarstef endurtaka
sig á stundum með skemmtilegum
hætti. „Já ég fjalla um ýmislegt í
mínum verkum, það hefur nú bara
alltaf verið þannig og stundum
gerast hlutirnir í samfélaginu eftir
að ég mála. Ég málaði til að mynda
Hvammstanga áður en komst upp
um svindlið þar á bæ. Ég var bara
að mála fallegan stað sem kúrir
þarna í náttmyrkrinu en svo kom
þessi Byggðastofnunar skandall og
það getur haft áhrif á það hvernig
maður sér verkið. Kannski er það
eins með makrílinn sem ég sýndi
í Vestmannaeyjum árið 2013. Nú
er allt orðið brjálað út af makríl.“
Hulda segist í raun róa mikið á
sömu mið með sín verk. „Í gegn-
um tíðina þá hef ég nýtt mér ljóð
og sögur, sagnabrunn sem er enda-
laus uppspretta sem er gaman að
dvelja í með einum eða öðrum
hætti. En í raun hef ég á sama tíma
alltaf litið dálítið á mig sem ákveð-
inn spegil. Verkin mín eru eintal
mitt, hugsanir mínar og vangavelt-
ur sem ég deili svo með öðrum.“
Í gegnum árin hefur Hulda gert
talsvert af því að selja verk út
fyrir landsteinana og hún segir að
það hafi komið sér vel í hruninu
á sínum tíma. „Það eiginlega
bjargaði mér alveg að geta selt til
útlanda í hruninu. Ég er mest að
selja til Bandaríkjanna og Evr-
ópu, þessi verk sem fara út eru oft
stærstu verkin. Það kemur líka
fyrir að það séu pöntuð verk og þar
sem ég vinn oft með texta þá er ég
í þeim tilvikum að vinna á ensku.
Mér finnst ekki vera neitt að því
að vinna eftir pöntun en sumum
myndlistarmönnum finnst að það
sé nánast að selja sál sína. Þeim
bendi ég nú bara á að Bach samdi
Brandenborgarkonsertana eftir
pöntun. En sýningin sem verður
opnuð í dag er alfarið íslensk sýn-
ing og það er ákveðinn léttir að
vera að vinna á íslensku. En það
er eins með þessa gagnrýni á að
vinna eftir pöntunum og gagnrýn-
ina sem við íslenskir myndlistar-
menn fengum frá honum Goddi
vini mínum í vikunni. Hjá svona
hortugri manneskju eins og mér
þá fer þetta bara inn um annað og
út um hitt. “ magnus@frettabladid.is
Eintal og hugsanir
Hulda Hákon opnar í dag í galleríinu Tveimur hröfnum
en hún hélt sína fyrstu einkasýningu í New York 1985.
LISTAKONA Hulda við eitt verka sinna á sýningunni sem verður opnuð í dag.
FRÉTTABLAÐIÐ/GVA
En í raun hef ég á
sama tíma alltaf litið
dálítið á mig sem ákveð-
inn spegil. Verkin mín
eru eintal mitt, hugsanir
mínar og vangaveltur
sem ég deili svo með
öðrum.
Listahátíðin breytir
Reykjavíkurborg
Listhátíðin í Reykjavík var sett í gær og Hanna Styrmisdóttir, listrænn stjórnandi
hátíðarinnar, segir hana leitast við að vera fj ölbreytta og spennandi fyrir alla.
LISTRÆNN STJÓRNANDI Hanna Styrmisdóttir er listrænn stjórnandi Lista-
hátíðarinnar í Reykjavík. FRÉTTABLAÐIÐ/VALLI
TOLLHÚSIÐ Verk Guerilla Girls á Tollhúsinu í Aðalstræti er afdráttarlaust og kraftmikið. FRÉTTABLAÐIÐ/VALLI
Það er í raun margt
spennandi og skemmti-
legt í boði.
Hanna Styrmisdóttir,
listrænn stjórnandi
Listahátíðar í Reykjavík.
MENNING
0
3
-1
2
-2
0
1
5
2
3
:3
8
F
B
0
6
4
s
_
P
0
4
4
K
.p
1
.p
d
f
F
B
0
6
4
s
_
P
0
3
7
K
.p
1
.p
d
f
F
B
0
6
4
s
_
P
0
2
1
K
.p
1
.p
d
f
F
B
0
6
4
s
_
P
0
2
8
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
6
2
-7
4
1
C
1
7
6
2
-7
2
E
0
1
7
6
2
-7
1
A
4
1
7
6
2
-7
0
6
8
2
8
0
X
4
0
0
6
A

F
B
0
6
4
s
_
1
3
_
5
_
2
0
1
5
C
M
Y
K