Fréttablaðið - 04.07.2015, Side 16

4. júlí 2015 LAUGARDAGUR| HELGIN | 16
Þegar ég byrjaði var ekk-ert stelpulið, þannig að ég æfði með strákunum þangað til ég varð þrett-án. Þá kom kvennalið, svo ég keppti með þeim
líka, en æfði áfram með strákun-
um,“ segir Dagný Brynjarsdóttir,
24 ára leikmaður Selfoss í Pepsi-
deild kvenna og leikmaður íslenska
kvennalandsliðsins. Dagný er fædd
og uppalin á Hellu. Hún er hvað best
þekkt fyrir að skora mark Íslands
gegn Úkraínu, en markið kom
íslenska liðinu áfram á EM 2013.
„Tilfinningin að skora var ólýsan-
leg. Allir spurðu: Hvernig leið þér?
Ég man það ekki. Ég var í nettu
blakkáti,“ segir Dagný og hlær inni-
lega.
Aftur að strákunum og byrjun
ferilsins. „Mér fannst geðveikt að
æfa með strákunum. Þegar ég byrj-
aði að æfa með stelpum fyrst fannst
mér það eiginlega dálítið erfitt.“
Dagný hóf að æfa með kvennaliði
Vals sextán ára, árið 2007.
Tæklar strákana
„Stelpuliði fylgir svo miklu meira
drama – það ekkert vesen með
strákunum. Ef maður er eitthvað
pirraður á æfingu þá tæklar maður
einhvern illa og svo er það búið. Það
er of mikið um það í kvennaboltan-
um að stelpur taki leiðindin með sér
út af vellinum.“
Dagný segir það hafa verið mikið
stökk að fara yfir í Val eftir að
hafa spilað alla tíð með æskuvin-
um sínum. „Þetta var fyrsta sum-
arið mitt sem ég var ekki heima og
nýtt lið. Ég var yngst þegar ég kom
í liðið. Fyrstu tvö árin var ég ekki
ég sjálf, talaði lítið og var feimin. Ég
hafði mikla heimþrá,“ segir Dagný
og bætir við að hún hafi ekki átt
marga vini. „En svo kom það. Stelp-
urnar í Val voru góðar við mig, en
þegar maður er svona kjúklingur
eins og það kallast, að koma inn í
meistaraflokk, þarf maður að vinna
sér inn virðingu sem var öðruvísi
en heima, þar horfðu strákarnir á
mig eins og ég væri besta stelpa á
Íslandi.“
Fyrirliði fimmta flokks karla
Dagný fór snemma að skara fram
úr. Hún var í A-liði strákanna
heima í Rangárvallasýslu og fyrir-
liði fimmta flokks karla, eina stelp-
an, rifjar hún upp. „Ég hagaði mér
eins og ein af strákunum. Ég var
ber að ofan með þeim þangað til ég
varð svona tólf ára,“ segir Dagný
og hlær. „Ég var búin að #freethe-
nipple langt á undan öllum. Örugg-
lega vandræðalega lengi.“
Dagný spilaði með Val þar til
2011, þegar hún lagði land undir fót
og hóf nám samhliða fótboltanum í
Florida State University. Dagný og
félagar hennar í háskólaboltanum
urðu meistarar í bandarísku deild-
inni í desember í fyrra og hún var
valin næstbest í deildinni.
Erfitt hjá þýska stórveldinu
„Ég myndi segja að ég væri best,“
segir Dagný, létt í bragði. „En hin
stelpan sko – þetta var á milli okkar
tveggja – hún er stjarna í Bandaríkj-
unum. Hún er í bandaríska landslið-
inu og er mjög góð. Okkar lið keppti
við hennar þrisvar á síðasta tímabili
og við unnum þær öll skiptin.“
Eftir að námi Dagnýjar lauk
bauðst henni samningur hjá
draumaliðinu, stórveldinu Bayern
München í Þýskalandi. „Ég var að
útskrifast og þurfti að stökkva á það
án þess að fara í heimsókn – ég hélt
að ég gæti séð eftir því ef ég segði
ekki já. En ég mun aldrei gera þetta
aftur, fara út án þess að vera búin
að heimsækja liðið. Ég er ekki hrifin
af Þýskalandi eftir mína reynslu,“
útskýrir Dagný og segir að eftir
um tvo mánuði í Þýskalandi hafi
henni hætt að líða vel. „Þetta var
einhæft og þjálfarinn ekki eins og
ég er vön. Hann var vandræðaleg-
ur gæi og skrítinn. Hann var ekki
að bæta mig sem leikmann, en ég
var í liði með fimmtán landsliðskon-
um og það bætti mig að æfa í þannig
umhverfi.“ Dagný bætir við að þetta
hafi verið eins og að æfa fitness
frekar en fótbolta. „Það er alveg
hægt að æfa vel ef maður gerir það
rétt, en þetta var rugl.“
Dagný segir þetta hafi tekið
gleðina úr boltanum sem hún hafði
aldrei kynnst áður. „Ég lenti í því
að mér fannst ekki gaman lengur í
fótbolta. Þeir sem þekkja mig vita
að ég er æfingasjúk. Mig langar oft
að gera of mikið og stundum meiði
ég mig út af því.“
Smituð af þýsku stemningunni
Dagný tók ákvörðun um að fara til
New York og skrifa undir hjá New
York Flash. „Ég var orðin mjög
spennt að fara, en þremur dögum
áður fékk ég þær fregnir að vegna
tæknilegs atriðis þyrfti ég að bíða
þangað til á næsta ári til að mega
skrifa undir. Ég ákvað að fara í Sel-
foss, af því að mig langaði að spila
og líka að finna gleðina. Ég hélt að
ég myndi fara á eina æfingu og finn-
ast gaman, en það var ekki. Þá varð
ég hrædd. Smituð af þýsku stemn-
ingunni, mætti á æfingu, gerði það
sem átti að gera og fór. Það tók samt
bara nokkrar æfingar, þá kom gleðin
aftur og síðan hefur verið gaman.“
Þjálfarinn hjá Selfossi, Gunn-
ar Borgþórsson, hjálpaði Dagnýju
í gegnum þennan tíma. „Ég sagði
honum hvernig þetta var í Þýska-
landi – ég gæti alveg trúað að ég
hefði haft vott af þunglyndi.“
Margrét Lára Viðarsdóttir, önnur
afrekskona í knattspyrnu, gerði
könnun í námi sínu um kvíðarösk-
un og þunglyndi hjá afreksíþrótta-
fólki á Íslandi, en Dagný var ein
þeirra sem könnunin var lögð fyrir.
„Þá svaraði ég einhverjum fimm-
tán spurningum; ef ég hefði svar-
að þessum spurningum frá því ég
var sex ára þar til í desember 2014
hefði ég sagt nei við öllu, en svo allt
í einu þegar ég er að svara þessu fæ
ég sjokk. Ég fattaði hvað ég hafði
verið langt niðri.“
Dagný segir hressandi að koma
heim. „Það er gaman. Ég er trúlof-
uð, búin að vera lengi í sambandi,
og finnst gaman að vera heima hjá
honum. Við erum búin að vera í fjar-
sambandi í fjögur ár. Við æfðum
saman þegar við vorum lítil og hann
reyndi við mig í mörg ár eftir það.
Við byrjuðum saman 2007 og höfum
verið saman síðan,“ segir Dagný.
Hún ákvað að vera á Íslandi á
meðan hún nær sér, lagar hausinn á
sér, eins og hún orðar það. „Svo ætla
ég að reyna að fara til Ástralíu.“ Það
verður áður en hún heldur aftur út
til BNA til að tala við lið, en ekkert
er staðfest.
Aldrei drukkið
Dagný hefur aldrei drukkið. Ertu
þess vegna svona góð? „Já,“ segir
Dagný og hlær. „Þegar ég var yngri
var ég alveg óþekk, gerði prakk-
arastrik og fór til skólastjórans,
kannski líka því ég var ein af strák-
unum. En ég setti mér það markmið
að ég ætlaði ekki að drekka fyrr en
ég væri orðin átján og hef staðið við
það. Svo varð ég átján ára og lang-
aði ekki lengur. Margir segja: Þú
veist ekki af hverju þú ert að missa.
Þá bara veit ég það ekki. Ég stend
með sjálfri mér. Mér er alveg sama
hvað allir segja. Á meðan mig lang-
ar ekki, af hverju á ég að gera það?“
Umræðan berst að kvennabolta
og lítilli umræðu í kringum hann á
Íslandi. „Þetta er ekki bara á Íslandi,
en þetta er slæmt hér heima. Í öllum
löndum er karlaboltinn svo stór. En
til að gefa dæmi, þá fór ég að gefa
eiginhandaráritanir suður í Grinda-
vík fyrir nokkrum vikum vegna
EM U-17 ára á Íslandi og krakkarn-
ir vissu ekki hver ein stelpa var í A-
landsliði kvenna. Þegar umfjöllun-
in er lítil hefur það keðjuverkandi
áhrif, þá þekkir enginn leikmenn-
ina og enginn kemur að horfa á
leiki. Í Bandaríkjunum er svo mikil
umfjöllun.“ Dagný segir Íslendinga
mega læra af Bandaríkjamönnum í
þessum efnum. „Auðvitað búa fleiri
í BNA en hér, en það er samt alveg
hægt að gera betur. Stelpur í fótbolta
þurfa einhvern veginn að vera sætar
og í styttri buxum til að ná einhverri
athygli. Það finnst mér ekki rétt,“
segir Dagný að lokum.
Ólöf
Skaftadóttir
olof@365.is
Erfiður tími hjá Bayern München
Dagný Brynjarsdóttir er ein besta fótboltakonan á landinu og í landsliði Íslands. Hún er 24 ára gömul en hefur þegar spilað
á Íslandi, í Bandaríkjunum og hjá stórveldinu Bayern München í Þýskalandi, en henni líkaði dvölin þar illa. Hún stefnir næst
til Ástralíu. Dagný er hress og skemmtileg, byrjaði með kærastanum sínum sextán ára og hefur aldrei drukkið áfengi.
EIN AF STRÁKUNUM Dagný Brynjarsdóttir æfði lengst framan af með strákunum. Hún segir að mörgu leyti erfiðara að æfa með stelpum en strákum. FRÉTTABLAÐIÐ/VALLI
Ég setti mér það
markmið að ég ætlaði
ekki að drekka fyrr en ég
væri orðin átján og stóð
við það. Svo varð ég átján
ára og langaði ekki lengur.
Þetta var einhæft og
þjálfarinn ekki eins og ég
er vön. Hann var vand-
ræðalegur gæi og skrýt-
inn. Hann var ekki að
bæta mig sem leikmann.
0
3
-1
2
-2
0
1
5

2
3
:0
0
F
B
0
8
0
s
_
P
0
7
6
K
.p
1
.p
d
f
F
B
0
8
0
s
_
P
0
6
5
K
.p
1
.p
d
f
F
B
0
8
0
s
_
P
0
0
5
K
.p
1
.p
d
f
F
B
0
8
0
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
7
-1
C
D
C
1
7
5
7
-1
B
A
0
1
7
5
7
-1
A
6
4
1
7
5
7
-1
9
2
8
2
8
0
X
4
0
0
5
A

F
B
0
8
0
s
_
3
_
7
_
2
0
1
5
C
M
Y
K