Morgunblaðið - 22.06.2015, Qupperneq 9

FRÉTTIR 9Innlent
MORGUNBLAÐIÐ MÁNUDAGUR 22. JÚNÍ 2015
Heildsöludreifing: ACT ehf, Dalvegi 16b, 201 Kópavogi, sími 577 2150
Leiðandi framleiðandi lítilla heimilistækja
fyrir hjarta heimilisins
60 ára reynsla á Íslandi
Sigurður Bogi Sævarsson
sbs@mbl.is
Ágætur gangur er í framkvæmdum
við byggingu nýrrar seiðaeld-
isstöðvar Arctic Fish fyrir botni
Tálknafjarðar.
Alls vinna 14 iðn-
aðarmenn við að
reisa bygging-
arnar, það er þrjá
3.700 fermetra
skála sem hver og
einn hýsir átta
350 rúmmetra
ker.
Ein bygging-
anna þriggja er
þegar tilbúin og
starfsemi þar hafin, burðarvirki ann-
arrar er komið og sökklar að þeirri
þriðju. Að lokum verður reistur
tengigangur milli þessara þriggja
húsa sem samanlagt verða um rösk-
lega 11.000 fermetrar og þar með
stærsta bygging á Vestfjörðum, að
talið er. Í dag fara um 500 þúsund
eldisfiskar á ári frá Tálknafjarð-
arstöð Arctic Fish, en eldi frá hrogn-
um í 300 gramma stærð er eins árs
ferli. Þegar stækkuð stöð kemst í
fulla framleiðslu árið 2017 binda
menn vonir við að þá geti þaðan farið
um fjórar milljónir laxfiska á ári, að
stærstum hluta regnbogasilungur
sem alinn er til sláturstærðar í
Dýrafirði. Þar er aðsetur dóttur-
fyrirtækisins Dýrfisks.
„Menn stefna á að taka þessar
nýju byggingar í gagnið, að minnsta
kosti að einhverjum hluta, fyrir
haustið. Allar áætlanir í framleiðsl-
unni miðast við það,“ segir Sigurvin
Hreiðarsson, stöðvarstjóri Arctic
Fish í Tálknafirði.
Komið í veg fyrir sýkingar
„Við settum út stóran hrogna-
skammt í maí í fyrra og núna erum
við að koma þessu frá okkur í eldi í
Dýrafirði. Og eldisstöðin nýja verð-
ur mjög fullkomin. Í hverjum skála
verða átta ker samtals, tvö og tvö
tengd saman sem sjálfstæðar ein-
ingar. Það tryggir til dæmis góða
nýtingu á vatni og kemur jafnframt í
veg fyrir smit og sýkingu á milli
kera, sem gæti valdið sjúkdómum í
fiskinum,“ segir Sigurvin.
Starfsemi Arctic Fish, sem var
stofnað árið 2011, er annars mjög
umfangsmikil og fiskur á vegum fyr-
irtækisins er alinn í Ölfusi, við
Grindavík, á Flateyri og í Tálkna-
firði.
Fiskeldi er því orðið gildur at-
vinnuvegur á öllum sunnanverðum
Vestfjörðum.
Morgunblaðið/Sigurður Bogi
Stórhýsi Góður gangur er í framkvæmdum við nýju eldsstöðina, sem er fyrir botni Tálknafjarðar. Í dalnum ofan við bygginguna er vegurinn til Bíldudals.
Stærsta hús á Vestfjörðum
 Miklar framkvæmdir við Tálknafjörð  Fjórar milljónir fiska verða fram-
leiddar í seiðaeldisstöð Dýrfisks  Ferlið frá hrognum til afurða spannar eitt ár
Burðarbitar Undir þaki í þremur skálum verða rösklega 11.000 fermetrar.
Alls átta eldisker verða í hverju og einu húsi, tvö í hverri einingu.
Sigurvin
Hreiðarsson
Íbúasamtök
Hvanneyrar og
nágrennis hafa
sent frá sér yf-
irlýsingu þar
sem lokun
grunnskólans á
Hvanneyri er
eindregið mót-
mælt. Sveit-
arstjórn Borg-
arbyggðar
samþykkti þann 11. júní að hætta
starfsemi skólans þar í lok næst-
komandi skólaárs. Þar hefur verið
starfrækt deild innan Grunnskóla
Borgarfjarðar fyrir 1. til 4. bekk
sem hét áður Andakílsskóli.
Í yfirlýsingunni segja samtökin
sveitarstjórn hundsa alla aðra
kosti en að loka skólanum þar,
þrátt fyrir marga aðra kosti sem
bornir hafi verið fram af hagræð-
ingarnefnd fræðslumála sem skrif-
að hafi skýrslu um skólamál í
sveitinni.
Þá kvarta samtökin undan sam-
ráðsleysi sveitarstjórnarinnar. All-
ir fundir um málefnið hafi verið að
frumkvæði íbúa og sveitarstjórn
sýnt því lítinn áhuga.
Lokun skóla á
Hvanneyri mótmælt
Hvanneyri Loka á
grunnskólanum.
Landhelgisgæsl-
unni barst til-
kynning um tor-
kennilegan hlut í
veiðarfærum
skips sem var við
veiðar í Jök-
uldýpi fyrir
helgi. Vakthaf-
andi sprengju-
sérfræðingur
Landhelgisgæsl-
unnar staðfesti, með hliðsjón af
myndum af hlutnum, að um æf-
ingareldflaug væri að ræða sem
hefði ekki sprengjuhleðslu.
Sérfræðingar sprengjusveitar
Landhelgisgæslunnar munu fjar-
lægja eldflaugina þegar skipið
kemur til hafnar, en hætta getur
skapast af mótor æfingareldflauga
þótt þær hafi ekki sprengjuhleðslu.
Oft er torvelt að greina hvort um
æfingareldflaugar sé að ræða, en
þá getur þurft að opna þær til að
tryggja að hætta af þeim sé engin.
Æfingareldflaug í
veiðarfærum skips
Vopn Eldflaugin
sem fannst.
Ísak Rúnarsson
isak@mbl.is
Vinnuhópur á vegum forsætis- og
innanríkisráðuneytisins leggur til
að komið verði upp sérstakri sam-
ráðsgátt á netinu fyrir almenning
og hagsmunaaðila, þetta kemur
fram í skýrslu sem hópurinn hefur
nú skilað af sér.
„Vinnuhópurinn telur ljóst að
virkni og gegnsæi samráðsferla á
netinu sé mun minni en æskilegt
væri,“ segir í skýrslunni en einnig
kemur fram að Ísland er í 65. sæti
í mælingu Sameinuðu þjóðanna
þegar kemur að lýðræðislegri
virkni á netinu. Hlutfall birtra
skjala er ennfremur talið lágt og
núverandi fyrirkomulag til þess
fallið að vekja síður áhuga ungs
fólks á þátttöku í stefnumótun hins
opinbera.
Þríþætt markmið
Markmið vinnuhópsins er þrí-
þætt;
Að auka möguleika almennings
og hagsmunaaðila til að koma að
stefnumótun og ákvarðanatöku op-
inberra aðila, auka gegnsæi í laga-
og reglusetningarferlinu og bæta
vinnubrögð við undirbúning laga-
og reglusetningar. Í samráðsgátt-
inni er gert ráð fyrir að hugmyndir
og valkostir verði kynntir almenn-
ingi og hagsmunaðilum og þeim
gefið færi á að tjá sína afstöðu.
Þar að auki er lagt til að drög að
lögum, reglugerðum og stefnum
ríkisins verði aðgengileg inni í
gáttinni ásamt öllum fylgigögnum,
s.s. skýrslur, kannanir og tölfræði
sem notast er við í lagasmíðinni.
Aukið samráð við
almenning um netið
 Vinnuhópur hefur skilað skýrslu
Morgunblaðið/Ómar
Tölvur Stjórnvöld vilja samráð við
almenning við samskipti á netinu.