Morgunblaðið - 22.06.2015, Qupperneq 15

FRÉTTIR 15Erlent
MORGUNBLAÐIÐ MÁNUDAGUR 22. JÚNÍ 2015
LAUGAVEGI 5 - SÍMI 551 3383
Hjarta úr hvítagulli
25 punkta demantur
99.000,-
Gullhálsmen
Handsmíðað 14K, 2 iscon
26.000,-
Demantssnúra
30 punkta demantur, 14K
157.000,-
Demantssnúra
9 punkta demantur, 14K
57.000,-
Gullhringur
Handsmíðaður 14K, 2 iscon
45.700,-
Morgungjafir í miklu úrvali
Kristján H. Johannessen
khj@mbl.is
„Þau komu hér saman í húsi Drott-
ins, hlýddu á orð hans og lögðust á
bæn. En djöfullinn mætti einnig. Og
hann reyndi að taka stjórnina.“
Þetta sagði séra Norvel Goff er
hann ávarpaði viðstadda frá prédik-
unarstóli Emanuel-kirkjunnar í
bænum Charleston í Suður-Karólínu
í gær, einungis fjórum dögum eftir
að ungur ódæðismaður skaut þar níu
kirkjugesti til bana. Sagði Goff einn-
ig að til allrar blessunar gæti djöfull-
inn ekki náð stjórn á söfnuðinum.
„Og djöfullinn getur heldur ekki tek-
ið stjórn á kirkju ykkar.“
Mörg hundruð manns sóttu kirkj-
una heim í gær og tóku þátt í guðs-
þjónustunni. Var þetta í fyrsta skipti
sem kirkjan var opnuð almenningi
eftir árásina og af því tilefni var lög-
reglan með mikinn viðbúnað enda
hafði fólk einnig safnast saman í ná-
munda við kirkjuna. Var fólkið þang-
að komið til þess að fylgjast með og
minnast þeirra er létust.
Mætti til að myrða svart fólk
Ódæðismaðurinn, hinn 21 árs
gamli Dylann Roof, flúði vettvang
árásarinnar og var hann handtekinn
í Norður-Karólínu. Er árásin rann-
sökuð sem hatursglæpur samkvæmt
lögreglu en vitni lýsa atburðarásinni
þannig að Roof stóð upp í kirkjunni,
skömmu áður en skotárásin hófst, og
sagðist vera þangað mættur til þess
að „skjóta svart fólk“.
„Djöfullinn mætti einnig“
 Fjölmenni kom
saman í Emanuel-
kirkjunni í gær
AFP
Sorg Húsfyllir var í kirkjunni og áttu kirkjugestir margir erfitt með að leyna tilfinningum sínum þegar þeir mættu
til guðsþjónustu í gær, einungis fjórum dögum eftir að ungur ódæðismaður myrti þar níu manns í skotárás.
„Ég hef nú rætt
við alla flokka á
þingi og komist
að þeirri niður-
stöðu að ómögu-
legt er að mynda
meirihluta-
stjórn,“ sagði
Lars Løkke
Rasmussen, leið-
togi Venstre-
flokksins í Dan-
mörku, en hann hefur stjórn-
armyndunarumboð eftir þing-
kosningarnar í síðustu viku. Hefði
hún verið mynduð af Bláu fylking-
unni, sem samanstendur af hægri-
flokkunum sem verið hafa í stjórn-
arandstöðu undanfarin ár.
Eru stefnumál flokkanna sögð of
ólík til stjórnarmyndunar. Mun hann
í dag leita eftir nýju umboði drottn-
ingar til myndunar minnihluta-
stjórnar í landinu.
DANMÖRK
Meirihlutastjórn
ekki inni í myndinni
Lars Løkke
Rasmussen
Lögreglan í New
Orleans í Banda-
ríkjunum hefur
handtekið 33 ára
gamlan karlmann
sem grunaður er
um að hafa skotið
lögreglumann til
bana. Hinn grun-
aði er sagður
hafa flúið af vett-
vangi í kjölfarið og hófst þá um-
fangsmikil leit sem endaði með
handtöku hans sólarhring síðar.
Hinn látni hét Daryle Halloway og
hafði hann verið lögreglumaður í 22
ár. Hann var 45 ára gamall.
BANDARÍKIN
Grunaður morðingi
tekinn höndum
Daryle
Halloway
Einn er látinn og níu særðir eftir
skotárás í barnaafmæli í Detroit í
Bandaríkjunum. Fréttaveita AFP
greinir frá því að skotið hafi verið af
vélbyssum inn í hóp fólks sem komið
var saman á körfuboltavelli þar sem
afmælið var haldið.
Hinn látni var tvítugur karlmaður
en alls særðust þrjár konur og sex
karlar í árásinni. Í gærkvöldi var
einn úr hópi hinna særðu enn sagður
í lífshættu. Hinir slösuðu eru, sam-
kvæmt fréttamiðlum vestanhafs, á
aldrinum 21 til 46 ára. Engin börn
slösuðust í ódæðinu.
Aðstoðarlögreglustjórinn í Detroit
segir að um 400 til 500 manns hafi
verið á staðnum þegar árásin hófst.
Þrátt fyrir þennan mikla fjölda hafa
engar vísbendingar borist frá sjón-
arvottum og eru þeir sagðir tregir til
samstarfs. Í gærkvöldi hafði enginn
verið handtekinn vegna málsins.
Önnur árás í Fíladelfíu
Þá var einnig framin skotárás í
borginni Fíladelfíu í Bandaríkjunum
og átti hún sér stað þar sem fólk, sem
búsett er í sama hverfi, var mætt til
fagnaðar. Alls særðust þar tvö börn,
annað 18 mánaða gamalt en hitt 10
ára, og fimm fullorðnir en sam-
kvæmt upplýsingum frá lögreglu
mætti vopnaður maður á samkom-
una og hóf handahófskennda skot-
árás á þá sem þar voru.
Tvær skotárásir á
mannamótum
 Önnur í barnaafmæli en hin í fögnuði
AFP
Ofbeldisverk Níu létust í skotárás í
þessari kirkju nýverið.
Ashton Carter, varnarmálaráð-
herra Bandaríkjanna, mun í vik-
unni sækja nokkur ríki Atlantshafs-
bandalagsins (NATO) í Evrópu
heim. Er tilgangur ferðarinnar
sagður vera að styrkja tengsl
ríkjanna og ræða þá stöðu sem uppi
er vegna atferlis Rússa að und-
anförnu.
Mun Carter í dag halda til Þýska-
lands og ræða þar við ráðamenn en
á morgun fer hann til Tallinn í Eist-
landi. Samkvæmt fréttaveitu AFP
mun Carter einnig sækja Belgíu
heim áður en hann snýr aftur til
Bandaríkjanna.
Heræfingar sveita NATO hafa
aukist til muna að undanförnu.
Hafa þær ekki verið jafntíðar og nú
frá lokum kalda stríðsins.
Aðildarríki NATO funda
vegna atferlis Rússa