Dagblaðið Vísir - DV - 09.01.2009, Page 38

föstudagur 9. janúar 200938 Lífsstíll
Tími góðra kaupa nú bjóða margar verslanir
landsins upp á kjarakaup og mikla afslætti og því tilvalið
að gera góð kaup. gætið þess þó að láta ekki blekkjast
eða hvað þá heldur kaupa eitthvað sem ykkur vantar alls
ekki. fyrir barnafólk getur verið kjörið að kaupa barnaföt,
útiföt og skófatnað á útsölunum, nokkuð sem þarf að
endurnýja reglulega. Einnig má gera góð kaup fyrir heim-
ilið á ýmsum stöðum.
umsjón: kolbrún pálína hElgadóttir, kolbrun@dv.is
HollusTan í
fyrirrúmi
janúar er tími heilsu, hreyfingar og
holls mataræðis eftir miklar
matarveislur yfir hátíðarnar. flestir
flykkjast í ræktina, aðrir fara út að
ganga eða skella sér í sundlaugina
en flestir eiga það sameiginlegt að
hafa þörf fyrir næringarríkan og
góðan mat. dV birtir hér uppskrift
að tveimur matarmiklum og hollum
grænmetissúpum sem ættu að
henta vel í kvöldmatinn eftir góða
hreyfingu.
MatarMikil og holl
grænMetissúpa
n 1 stk. laukur
n 2 stk. gulrætur
n 1 sellerístöngull
n 3 kartöflur (afhýddar)
n ½ blómkálshöfuð
n 3 hvítlauksrif
n matarolía til steikingar
n 1 ½ l vatn
n 4 grænmetisteningar
n 400 g tómatar í dós
n 3 msk. tómatþykkni
n pipar eftir smekk
n salt eftir smekk
n 2 dl pastafiðrildi
n 2 msk. fersk steinselja
n 3 msk. parmesanostur
saxið lauk, sneiðið gulrætur og
sellerí og skerið kartöflur í litla bita.
skerið blómkál í lítil búnt. merjið eða
saxið hvítlauk. hitið olíu í stórum
potti og léttsteikið lauk og hvítlauk.
setjið allt niðurskorið grænmeti í
pottinn og látið krauma í 2-3 mín-
útur. bætið vatni og grænmetisten-
ingum, niðursoðnum tómötum og
tómatþykkni út í. kryddið með salti
og pipar. látið súpuna sjóða í um 20
mínútur og bætið pastafiðrildunum
út í síðustu 10 mín. stráið saxaðri
steinselju og parmesanosti yfir rétt
áður en hún er borin fram.
grænMetis- og
kjúklingasúpa
n 1 stk. rauðlaukur
n 1 stk. gulrót, meðalstór
n ½ stk. seljurót
n 8 stk. hvítlauksrif
n 1 stk. kúrbítur (zucchini)
n 2 stk. paprika, t.d. rauð og græn
n ½ dl ólífuolía til steikingar
n 4 msk. tómatmauk (puré)
n 400 g tómatar, niðursoðnir
n 4 stk. lárviðarlauf
n 4 msk. fennikkufræ
n 1 msk. tímían
n 1 dl pestó
n 2 stk. kjúklingateningar
n 1 l vatn
n 400 g kjúklingabringur
n 4 msk. ólífuolía til steikingar
aðferð: skerið grænmetið í teninga,
léttbrúnið á pönnu (í skömmtum
ef þarf ), bragðbætið með salti og
pipar. snöggsteikið kjúklingakjötið
og bragðbætið með salti og pipar.
skerið það svo í teninga og bætið
út í súpuna ásamt öðrum efnum.
sjóðið við hæga suðu í 30 mínútur.
fleytið ofan af súpunni meðan á
suðunni stendur og látið hana svo
standa í 5-10 mín. áður en hún er
borin fram.
hollráð
berið gjarnan fram með grófu
brauði. með því að auka örlítið við
uppskriftina getur þetta sem best
verið prýðilegur aðalréttur.
© Hagkaup
Ágústa nielsen stundar nám á óvenjulegum og framandi stað í veröldinni.
Í bæ rétt við Kúala Lúmpúr í Malasíu leggur hún stund á grafíska hönnun og hefur
gaman af. Hún hefur búið þar núna í tvö ár og er ekki á leiðinni heim þrátt fyrir erfiðar
afleiðingar kreppunnar á Íslandi.
„Aðstaðan hérna er algör draumur,“
segir Ágústa Nielsen en hún ákvað
fyrir tveimur árum að slá til og sækja
um nám í Malasíu, sem þykir nokkuð
framandi staður fyrir Íslendinga að fara
í nám. Ágústa býr í tveggja hæða íbúð
ásamt þremur öðrum, með sundlaug
í garðinum, veitingastaði í grennd og
gott veður mestan hluta af árinu. Að
auki er ókeypis í strætó í skólann. „Ég
heyrði um skólann frá vini mínum. Ég
og vinkona mín fórum á heimasíðu
skólans og sóttum um meira í gamni
en alvöru en svo fengum við inngöngu.
Þar sem við gátum fengið allt metið
inn frá náminu sem við vorum í í Dan-
mörku á þeim tíma ákváðum við að
skella okkur því engu var að tapa.“
Fjörið í kúala lúmpúr
Ágústa stundar nám í grafískri hönn-
un í Limkowing University sem er í
bæ sem heitir Cyberjaya en þaðan er
aðeins hálftími til höfuðborgarinnar
Kúala Lúmpúr. Bærinn sjálfur er í upp-
byggingu og búa aðallega námsmenn
þar. „Hér er friðsælt og þægilega hljóð-
látt svo maður fer til Kúala Lúmpúr til
að skemmta sér en þar er næturlífið
mjög fjölbreytt og skemmtilegt,“ seg-
ir Ágústa og bætir við að félagslífið í
sjálfum skólanum sé ekki upp á marga
fiska.
„Malasía er meira og minna mús-
límskt land og eru uppákomurnar í
skólanum áfengislausar og þar af leið-
andi ekki mjög aðlaðandi. Hér í Cyberj-
aya er enskur pöbb sem er mikið sóttur
af námsmönnum og á miðvikudög-
um er svokallað „ladies night“ þar sem
konur drekka ókeypis á barnum frá 19
til 23. Annars er stutt að fara til Kúala
Lúmpúr og þar blómstrar næturlíf-
ið.“ Ágústa segist gera meira og minna
það sama og hér á Íslandi hvað varðar
skemmtanalífið. „Maður er bara fá-
klæddari út af hitanum,“ segir Ágústa.
reyna endalaust að svindla
Malasía og Ísland eru ólík lönd og því
hægt að geta sér til um þann mun sem
er á löndunum. Ágústa finnur mikið
fyrir honum. „Það eru margir nemend-
ur hérna frá Miðausturlöndum og Afr-
íku. Þó að Malasía sé tiltölulega þróað
land er mikið um mismunun, svindl og
mútur.“
Malasar líta mjög upp til Vestur-
landabúa og þar sem Ágústa er hvít er
hún talin mjög rík. „Þeir reyna enda-
laust að svindla á mér,“ segir Ágústa svo
hún er ein af þeim sem þurfa að vera
varir um sig.
„Hér eru margir kúltúrar blandaðir
saman, landið er svona „multi-cultur-
al“ og er blanda af Malösum, Indverj-
um og Kínverjum.“ Opinberlega er
Malasía múslímsk en þó er haldið upp
á alla helgidaga hindúisma, búddisma
og kristinnar trúar.
Að búa á meginlandinu gefur
möguleika á því að ferðast mikið. „Ég
hef ferðast aðeins um landið og Singa-
pore og er það mjög ódýrt. Það er líka
mjög ódýrt að ferðast til nágranna-
landanna eins og Taílands, Balí og Fil-
ippseyja en ég hef því miður ekki haft
tækifæri til að fara þangað enn.“
Ágústa hefur haldið sig við Malas-
íu og segir svæðið og eyjarnar þar al-
gjöran draum. Þar er bara hvítur sand-
ur, heitur og tær sjór, pálmatré og ódýr
matur. Gæti ekki verið betra. „Ég er sjálf
lærður kafari og hér í Malasíu eru stað-
ir sem eru toppstaðir til að kafa á,“ segir
Ágústa.
kúala lúmpúr fyrir ferðamenn
Í Kúala Lúmpúr er margt merkilegt að
skoða. Þar eru meðal annars Petronas
Twin Towers eða hinir frægu tvíbura-
turnar, margar moskur, China Town og
Little India. Að auki eru hér hellar sem
heita Batu Caves og voru tileinkað-
ir hindúismanum og eru þeir rétt fyrir
utan höfuðborgina.
Malasía hefur upp á margt að bjóða.
Fyrir utan eyjarnar eru frumskógar og
fjölbreyttar náttúruauðlindir sem eru
augnakonfekt fyrir ferðamann á fram-
andi slóðum. Dýralífið er rosalega fjöl-
breytt á landi sem og í sjó og eins og
segir fyrr er svæðið paradís fyrir kaf-
ara. „Ég mæli alveg hiklaust með þess-
um stað en fólk verður að vera viðbúið
menningarsjokki því hlutirnir eru allt
öðruvísi en í Evrópu,“ segir Ágústa.
námsmaður í kreppu
Ágústa hefur búið í Malasíu í tvö ár
núna og á afar stutt eftir af náminu. Líf-
ið hefur verið gott þar. „Það er allt ódýr-
ara hérna, svo sem leiga, matur, leigu-
bílar, skemmtanir, föt og skór.“
Hrunið á krónunni hér á landi hafði
þó áhrif á hana líkt og með aðra náms-
menn í útlöndum. „Fyrir kreppuna var
mjög ódýrt að lifa hérna. Ég er á náms-
lánum og því bara með landvistarleyfi
sem nemi. Ég má því ekki vinna með
skólanum og þegar krónan var stöðug
lifði ég eins og drottning.“
Þar sem Ágústa er á íslenskum
námslánum og tekur út af íslenskum
reikningi hafa ráðstöfunartekjur henn-
ar minnkað um heilan þriðjung. Mal-
asíska ringgitið, sem er gjaldmiðillinn
í Malasíu, hefur hækkað um þriðjung
svo tímarnir fyrir Ágústu hafa breyst
mikið. „Þetta var alveg hrikalegt áfall,
þar sem gengið hér hefur hækkað á ég
varla nóg fyrir leigunni í dag þó að hún
sé mjög lág.“
Ágústa hyggst þó ekki fara heim
að loknu náminu heldur langar hana
að finna vinnu í Malasíu og fá reynslu
af starfi sínu áður en hún flytur aftur á
norðlenskar slóðir. „Mér líkar mjög vel
við fólkið hérna og ég er ekki búin að
sjá helminginn af því sem hægt er að
sjá hér í Malasíu. Svo er plús að það er
sumar allan ársins hring hérna.“
engir flugeldar
Áramótunum eyddi Ágústa ekki á
hefðbundinn íslenskan máta með há-
tíðarmat, brennu og Áramótaskaupi.
„Ég fór á skemmtistað í miðbæ Kúala
Lúmpúr. Allar götur voru lokaðar af
vegna útitónleika sem haldnir voru á
aðalverslunargötunni og þar var stapp-
að af fólki.“
Lítið var um flugelda hjá henni en
þó voru nokkrar flugeldasýningar. „Mig
grunar að það sé ólöglegt að selja þá
hér þar sem ég hef ekkert orðið vör við
neinar flugeldasölur. Ég missti af flug-
eldasýningunum sem haldnar voru
hérna þar sem ég var inni á skemmti-
staðnum,“ segir Ágústa sem án flugeld-
anna átti afar ánægjuleg áramót.
asdisbjorg@dv.is
aðsTaðan er
algjör draumur
guðsgafflarnir notaðir
ágústa í little india að snæða
máltíð með fingrunum.
petronas twin towers kúala
lúmpúr býður upp á stórkostlega
hluti fyrir ferðamenn. Þar á meðal
hina vinsælu tvíburaturna.
ferðirmaTur&vín