Dagblaðið Vísir - DV - 19.01.2009, Blaðsíða 3

mánudagur 19. janúar 2009 3Fréttir
Kom, sá og sigraði
„Við vorum svo galnir að við ákváðum að hafa
samband við hann og úr varð að við keyptum
flugfar undir hann til Egilsstaða...“
„Mér líst vel á nýja formanninn. Það
er óhætt að segja að þessi ungi mað-
ur kom, sá og sigraði. Hann hefur
heillað fólk og komið vel fyrir. Það
eru óvenjulegar aðstæður og þetta
hefði aldrei gerst nema vegna þess
að ástandið er eins og það er í þjóðfé-
laginu. Umrótið er mikið. Það skynja
það allir og af þeim sökum gaf ég ekki
kost á mér til endurkjörs. Það var vilji
til breytinga,“ sagði Valgerður Sverr-
isdóttir, fráfarandi formaður Fram-
sóknarflokksins.
Valgerður og Guðni Ágústsson
hafa nýverið vikið til hliðar og því má
segja að þau hafi skynjað straumana
í þjóðfélaginu, gefið nýju fólki svig-
rúm og orðið þannig við kröfunni
um endurnýjun. „Ég sé engin merki
þess að aðrir flokkar séu að bregðast
við kalli tímans eins og við höfum
nú gert. Þetta er róttæk og óvenjuleg
breyting. Undirtektirnar bera vott um
bjartsýni,“ segir Valgerður.
Páll Magnússon leyndi ekki von-
brigðum sínum, en hann féll út í fyrri
umferð formannskjörsins á flokks-
þingi Framsóknarflokksins í gær með
rétt innan við fimmtung atkvæða. „Ég
taldi mig eiga meira fylgi. Þetta eru
vissulega vonbrigði. En við förum
héðan tvíefld og ég vona að ég eigi
þar einhvern þátt að máli. Þessi nið-
urstaða breytir vissulega áformum
mínum. Hefði ég náð kjöri sem for-
maður hefði það þýtt framboð til Al-
þingis og fleira í þeim dúr. Það kann
allt að breytast,“ sagði Páll.
Rangur maður kynntur
sem nýr formaður
Þau óvenjulegu mistök voru gerð af
hálfu kjörstjórnar á flokksþinginu í
gær að Haukur Ingibergsson, formað-
ur hennar, lýsti því að Höskuldur Þór-
hallsson væri réttkjörinn formaður. Í
miðjum fagnaðarlátum gekk Hauk-
ur afsíðis ásamt framkvæmdastjóra
flokksins og fundargestir skynjuðu að
eitthvað var að. Talnaglöggir menn
höfðu þegar reiknað út að Sigmund-
ur taldist vera með færri atkvæði en
hann hafði fengið í fyrri umferð þegar
þrír bitust um atkvæðin en ekki tveir.
Það gat ekki passað. Á daginn kom
að atkvæðatölur höfðu víxlast. Sig-
mundur hafði hlotið 449 atkvæði en
Höskuldur 340 en ekki öfugt. Haukur
leiðrétti mistökin og baðst afsökunar.
Málinu lyktaði með því að kjörstjórn-
in axlaði ábyrgð og sagði af sér.
Skorað var á Höskuld að bjóða sig
fram til varaformanns en hann kvaðst
ekki ætla að gera það.
Birkir J. Jónsson þingmaður hafði
betur í kjöri um embætti varafor-
manns gegn Siv Friðleifsdóttur, þing-
manni flokksins, en hann náði þó
ekki yfir 50 prósenta markið, eins og
áskilið er, fyrr en í annarri umferð.
Eygló Harðardóttir, sem settist ný-
lega á þing, var kjörin ritari og lagði
Sæunni Stefánsdóttur, sitjandi ritara
flokksins.
Framsóknarflokkur
stimplaður til leiks
Að loknu einu fjölmennasta flokks-
þingi Framsóknarlfokksins frá upp-
hafi er ljóst að mikil umskipti og end-
urnýjun hefur orðið í forystuliðinu.
Langvinn innanmein flokksins kunna
nú að vera að baki. Sundurlyndi og
slakt fylgi flokksins varð til þess á
endanum að reyndir stjórnmálafor-
ingjar, Guðni Ágústsson og Valgerður
Sverrisdóttir, stigu til hliðar og rýmdu
fyrir nýju fólki. Á örlagatímum hef-
ur flokkurinn endurnýjað forystuna
á afgerandi hátt, samþykkt aðildar-
umsókn að Evrópusambandinu með
um 90 prósentum atkvæða og auk
þess samþykkt tillögur sem miða að
aukinni samstöðu um forystumenn
flokksins. Einn reyndur flokksmaður
taldi víst á fundinum í gær, að ef Sjálf-
stæðisflokknum tækist ekki að taka
afgerandi afstöðu til aðildarumsókn-
ar að Evrópusambandinu eftir 10
daga kynni svo að fara að gramir Evr-
ópusinnar innan Sjálfstæðisflokksins
kæmu til fylgis við Framsóknarflokk-
inn en ekki Samfylkinguna.
Tíminn Kallar á
róTTæK umsKipTi
Framsóknarflokkurinn er fyrstur íslenksra stjórnmálaflokka
til að endurnýja forystusveit sína með róttækum hætti á örlaga-
tímum. Valgerður Sverrisdóttir, fráfarandi formaður flokksins,
kveðst engin merki sjá þess að aðrir flokkar ætli að bregðast við
kalli tímans eins og Framsóknarflokkurinn hafi nú gert.
Páll Magnússon
„Hefði ég náð kjöri sem for-
maður hefði það þýtt framboð
til alþingis og fleira í þeim dúr.
Það kann allt að breytast.“
Mynd BRagi ÞóR JóSeFSSon
Valgerður Sverrisdóttir
Valgerður Sverrisdóttir var marghyllt
á flokksþinginu. Hún tók meðal
annars við viðurkenningu úr hendi
Sæunnar Stefánsdóttur fyrir að leggja
baráttunni fyrir jafnrétti kynjanna lið.
Mynd BRagi ÞóR JóSeFSSon
Höskuldur Þórhallsson
Í nokkrar mínútur leit út fyrir að Höskuldur
væri réttkjörinn formaður Framsóknarflokksins.
Svo reyndist ekki vera og sagði kjörstjórnin af
sér vegna mistaka við kynningu á úrslitum í
formannskjörinu.
Mynd BRagi ÞóR JóSeFSSon
JóHann HaukSSon
blaðamaður skrifar: johannh@dv.is
„Ég sé engin merki þess að aðrir
flokkar séu að bregðast við kalli tím-
ans eins og við höfum nú gert. Þetta
er róttæk og óvenjuleg breyting. Und-
irtektirnar bera vott um bjartsýni.“
Tvær kynslóðir
Steingrímur Hermannsson og
sonur hans guðmundur Stein-
grímsson fylgjast með formanns-
kjöri á flokksþinginu í gær.
Mynd BRagi ÞóR JóSeFSSon