Dagblaðið Vísir - DV - 19.01.2009, Blaðsíða 11

mánudagur 19. janúar 2009 11Neytendur
HAFÐU ÖLL SPJÓT ÚTI
Í hnotskurn
n 20 frí námskeið að hefjast hjá Vinnumálastofnun
n grunnatvinnuleysisbætur eru nú 149.523
n Tekjutengdar bætur eru 242.636
n Bætur fyrir hvert barn eru 276 krónur á dag
n rúmlega 10 þúsund manns eru atvinnlausir á Íslandi
n Bótaþegi skal vera í virkri atvinnuleit
n atvinnulausir geta óskað eftir viðtali við sérfræðinga
n 50 starfsbeiðnir bárust Vinnumálastofnun í desember
n Full vinna í 12 mánuði tryggir fullar bætur
Iðnaðarmenn Frestun ýmissa
framkvæmda hefur leitt til atvinnu-
leysis. mynd HeIða HelgadóttIr
Um atvinnuleysisbætur er sótt hjá
þjónustuskrifstofu Vinnumálastofn-
unar í umdæmi þess sem misst hef-
ur vinnuna. Þeir sem ætla að sækja
um þurfa að hafa með sér vottorð
frá vinnuveitanda en á því skulu
vera upplýsingar um starfstíma,
starfshlutfall og ástæðu starfsloka.
Þá skal hafa með sér skattkort og
önnur gögn vegna náms, tekna, fjár-
magnstekna, skertrar vinnufærni og
fleira ef þörf krefur.
Hækkun í janúar
Grunnatvinnuleysisbætur hækk-
uðu umtalsvert um áramótin en Jó-
hanna Sigurðardóttir félagsmála-
ráðherra lét flýta þeim hækkunum
sem áttu að verða 1. mars á þessu
ári. Miðað við 100 prósent bótarétt
fást nú 149.523 krónur á mánuði í
atvinnuleysisbætur en þær hækk-
uðu um áramótin um 13.500 krón-
ur á mánuði. Grunnbæturnar nema
núna 6.900 krónum alla virka daga.
Samhliða hækkun grunnatvinnu-
leysisbóta hækkuðu hámarkstekju-
tengdar atvinnuleysisbætur um
sama hlutfall. Þær eru nú 242.636
krónur á mánuði. Tekjutengdar at-
vinnuleysisbætur miðast við 70 pró-
sent af meðallaunum bótaþegans á
6 mánaða tímabili, tveimur mánuð-
um áður en sótt er um atvinnuleys-
isbætur.
Grunnatvinnuleysisbætur ráð-
ast af meðalstarfshlutfalli síðustu 12
mánaða. Fullt starf í eitt ár skapar
þeim sem á rétt á atvinnuleysisbót-
um 100 prósent bætur. Sá sem vinn-
ur 100 prósent starf í þrjá mánuði
hjá fyrirtæki á rétt á 25 prósent bót-
um. Vinni hann í hálft ár í fullu starfi
hjá fyrirtækinu fær hann 50 prósent
af fullum bótum. Hver mánuður
skiptir máli.
andvirði skyrdósar
Grunnatvinnuleysisbætur eru
greiddar fyrstu 10 virku dagana.
Tekjutengdar atvinnuleysisbætur
taka þá við í allt að þrjá mánuði en
eftir það eru grunnatvinuleysisbæt-
ur greiddar á ný.
Bótaþegar sem eiga börn fá
hvorki meira né minna en 276
krónur hvern virkan dag fyrir hvert
barn sem er yngra en 18 ára, eða
um 5.500 krónur á mánuði. Til að
setja upphæðirnar í samhengi læt-
ur nærri að fyrir 276 krónur fáist ein
500 gramma skyrdós. Klipping fyrir
börn kostar, samkvæmt Hagstofu Ís-
lands, rúmar 2.500 krónur.
Atvinnuleysisbætur eru greidd-
ar fyrsta virka dag hvers mánaðar.
Tímabilið sem greitt er fyrir er frá 20.
til 19. hvers mánaðar. Við útborgun
1. febrúar er því verið að greiða fyr-
ir tímabilið 19. desember til 20. jan-
úar, svo dæmi sé tekið.
ekki hanga heima
Hafir þú misst vinnuna þýðir ekki
að sitja aðgerðalaus heima. Í lögum
er sú krafa gerð á þann sem þiggur
atvinnuleysisbætur að hann skuli
vera í virkri atvinnuleit. Hann þarf
meðal annars að hafa frumkvæði
að starfsleit og vera reiðubúinn að
taka hvert það starf sem greitt er fyr-
ir samkvæmt lögum og kjarasamn-
ingum og uppfyllir skilyrði laga á
vinnumarkaði. Hann skal vera fær
til flestra starfa og vilja taka að sér
starf án sérstakra fyrirvara. Hann
skal meðal annars hafa vilja og getu
til að vinna hvar á Íslandi sem er,
óháð því hvort um vaktavinnu eða
hlutastarf er að ræða. baldur@dv.is
Allt um Atvinnu-
leysisbætur
landsbankinn Bankarnir sögðu
upp 1.200 manns í fyrra. Í febrúar
hætta margir fyrrverandi banka-
starfsmenn að fá greidd laun.