Dagblaðið Vísir - DV - 19.01.2009, Blaðsíða 17

mánudagur 19. janúar 2009 17Sport
Dísel-sigur
í Dakar
Suður-afríski ökuþórinn giniel de
Villiers sigraði í hinu feikilega erfiða
dakar-ralli. Hann kom fyrstur í mark
í Buenos aires í argentínu á
fjórtándu sérleið rallsins sem hann
sigraði í með tveggja sekúndna
mun. Hann vann í rallinu hins vegar
með níu mínútna mun en annar var
liðsfélagi hans, mark miller, frá
Bandaríkjunum. Báðir óku þeir
Volkswagen-bílum sem báðir voru
knúnir áfram með díselolíu en þetta
var í fyrsta skiptið sem díselbíll
sigrar í rallinu. mitsubishi sem sigrað
hefur í rallinu undanfarin sjö ár
mætti einnig í fyrsta skiptið á
díselbíl og þurfti að sjá á eftir
sigrinum til þýska bílaframleiðand-
ans. Í flokki mótorhjóla var lítil
spenna en Spánverjinn marc Coma
vann þar algjöran yfirburðasigur.
50 stiga
Börsungar
Barcelona lagði deportivo La Coruna
að velli í spænsku úrvalsdeildinni á
laugardaginn, 5-0, þar sem
Börsungar réðu lögum og lofum frá
upphafi til enda. Lionel messi kom
heimamönnum á bragðið en Thierry
Henry og Samuel Eto´o bættu hvor
sínum tveimur mörkunum við. með
sigrinum náði Barcelona fimmtíu
stigum í deildinni eftir aðeins nítján
leiki en það er met í deildinni.
Barcelona hefur nú tólf stiga forskot
á Sevilla og Villarreal sem eru með
þrjátíu og átta stig. að auki hefur
Barcelona skorað langmest allra liða
í Evrópu en í þessum nítján leikjum
hafa Börsungar skorað 59 mörk eða
ríflega þrjú að meðaltali í hverjum
leik. Til viðbótar státa þeir af bestu
vörninni á Spáni en Barcelona hefur
aðeins fengið á sig þrettán mörk.
Eiður Smári guðjohnsen kom ekkert
við sögu hjá Barcelona í leiknum en
Lionel messi sem skoraði fyrsta
markið gaf lítið fyrir metið aðspurður
eftir leik. „Þetta met gefur okkur
ekkert. met eru aðeins viðmið sem
maður setur sjálfur til þess að bæta
aftur. Við verðum að halda áfram
svona til þess að ná lokatakmarkinu
sem er að vinna titla,“ sagði messi.
Haukar misstigu sig í safamýri Efsta lið n1-deildar
kvenna, Haukar, þurfti að sætta sig við jafntefli þegar það sótti
Fram heim í Safamýrina á laugardaginn. Haukar voru tveimur
mörkum yfir í hálfleik, 14-12, en á endanum skiptu liðin stigunum
á milli sín með jafntefli, 30-30. Stella Sigurðardóttir var markahæst
heimastúlkna með tíu mörk en Sara Sigurðardóttir og Karen Knúts-
dóttir skoruðu fjögur hvor. Hanna g. Stefánsdóttir skoraði tíu mörk
fyrir Hauka en ramune Pekarskyte sex. Haukar halda toppsætinu
með 23 stig en Stjarnan er stigi á eftir og á leik til góða.
Casey sigraði í aBu DHaBi Englendingurinn Paul Casey
bar sigur úr býtum á meistaramóti golfara í abu dhabi á tuttugu
og einu höggi undir pari en í öðru sæti urðu Suður-afríkumað-
urinn Louis Oosthuizen og Þjóðverjinn martin Kaymer á tuttugu
höggum undir pari. Casey var með sex högga forystu þegar aðeins
níu holur voru eftir en vann aðeins með minnsta mun. Casey vann
þetta mót einnig 2007 en hann hefur ekki sigrað síðan á Evrópu-
mótaröðinni. Hann fékk fyrir sigurinn ríflega 41 milljón króna og
lyfti sér með sigrinum upp í 21. sæti heimslistans.
Liverpool getur endurheimt efsta
sæti ensku úrvalsdeildarinanr í knatt-
spyrnu þegar liðið tekur á móti Evert-
on í slagnum um Bítlaborgina í kvöld.
Englandsmeistarar Manchester Unit-
ed skutu sér á toppinn í gær með marki
á lokamínútunni gegn Bolton en Rafa-
el Benitez, knattspyrnustjóri Liverpool,
er sallarólegur yfir stöðunni.
„Staðan í deildinni núna breytir
engu. Hvað sem United gerir þurfum
við að fá þrjú stig í hverjum einasta
leik og hvað þá í nágrannaslagnum,“
segir Benitez. „Það er mikið talað um
stöðu okkar þar sem við höfum verið
mikið á toppnum. Það sem fólk þarf
að átta sig á er að ég bjóst aldrei við því
að vinna meistaratitilinn í janúar,“ seg-
ir Benitez sem horfir jákvæðum aug-
um á stöðuna.
„Ef við verðum ekki á toppnum eft-
ir leikinn gegn Everton kemur önn-
ur umferð þar sem við reynum að ná
í þrjú stig og koma okkur á toppinn
þá. Við erum að fá menn úr meiðsl-
um og ég hef mikla trú á mínu liði.
Það er vissulega smá spenna í okkar
hópi vegna stöðunnar í deildinni en
við tökumst bara á við einn leik í einu,“
segir Benitez.
Everton hefur gengið mun betur
undanfarið þó liðið sé ekki með fram-
herja í heilu lagi. Sterk vörn Evert-
on hefur haldið hreinu æ oftar og má
fastlega búast við að þeir bláu leggi allt
í sölurnar eftir 2-0 tap á heimavelli í
fyrri slag liðanna á tímabilinu.
„Þetta er búið að vera erfitt en strák-
arnir hafa sýnt mikinn karakter í gegn-
um öll þessi meiðsli og vesen á okkur
til að byrja með. Við erum tilbúnir í
þennan leik held ég en það hefur ver-
ið erfitt að halda spennustiginu réttu
fyrir þennan merka leik,“ segir knatt-
spyrnustjóri Everton, David Moyes.
tomas@dv.is
Liverpool verður að leggja Everton í kvöld til að endurheimta efsta sætið:
grannarnir stanDa í vegi
Síginn grásleppa og
saltfiskur alla daga
Grandagarði 9 • 101 Reykjavík
Sími 517 3131 • sjavarbarinn.is
sjavarbarinn@gmail.com
50% afsláttur á kvöldinn
af sjávarréttahlaðborðinu
Kr. 1.300 (áður kr. 2.600)
Allt lagt undir Það sjást jafnan skrautlegar tæklingar þegar barist er um Bítlaborg-
ina.
og vítaspyrna dæmd sem þótti um-
deild þar sem brotið var á mörkunum
að vera innan teigs. Villa heppið aftur
og Gareth Barry negldi vítaspyrnunni
í markið. Lokatölur 1-2 og Aston Villa
áfram í fjórða sæti.
Hollensk himnasending
Robin van Persie var allt í öllu hjá Ars-
enal þegar liðið vann góðan útisigur á
Hull sem áður hafði unnið Byssurnar
á Emirates. Kraftar Van Persies nýtt-
ust fyrst eftir hálftímaleik þegar horn-
spyrna hans rataði á kollinn á Emm-
anuel Adebayor og Arsenal komið yfir.
En Tígrarnir bitu frá sér í seinni hálfleik
og jöfnuðu leikinn með skalla Daniels
Cousin á 65. mínútu og heimamenn
trylltust af fögnuði. Arsenal-menn
voru ekki sáttir við eitt stig og sóttu til
sigurs. Þegar tíu mínútur lifðu leiks
átti Van Persie góða sendingu á Sam-
ir Nasri sem skoraði með góðu skoti.
Það var svo danski varamaðurinn
Bendtner sem skoraði þriðja mark-
ið skömmu síðar eftir frábæran sam-
leik við téðan Robin van Persie, mann
leiksins. Sigur Arsenal gefur til kynna
að Lundúnaliðið ætli ekki að missa
toppliðin og Aston Villa frá sér á stiga-
töflunni. Sex stig skilja að Arsenal og
topplið United.
Zaki svefnlaus
Trilljónaklúbburinn Manchester City
þurfti að hafa mikið fyrir 1-0 heima-
sigri sínum gegn Wigan. Pablo Zab-
aleta skoraði eina mark leiksins
snemma í seinni hálfleik en City get-
ur ekki síður þakkað Amr Zaki, leik-
manni Wigan, fyrir stigin þrjú. Heima-
menn í City spiluðu fínan bolta í fyrri
hálfleik og Robinho fór illa að ráði sínu
í tvígang í ágætum færum. Wigan kom
ákveðnari til leiks í seinni hálfleik en
gat ekki stöðvað þrumuskot Zabalet-
as af 20 metra færi. City var komið á
bragðið sem breyttist í óbragð þegar
varnartröllið Richard Dunne lét reka
sig af velli eftir heimskulegt brot á Amr
Zaki. Wigan gekk á lagið, freistaði þess
að jafna og næst því komst Zaki þegar
hann klúðraði eins góðu færi og hugs-
ast getur. Hreinlega með ólíkindum að
hann hafi ekki hitt rammann í dauða-
dauðafæri fyrir opnu marki. Hann hef-
ur þurft eitthvað sterkara en flóaða
mjólk til að sofna um nóttina. Tveir
sárir 1-0 tapleikir í röð gegn liðum frá
Manchester-borg.
Banastuð á botninum
Botnliðin West Brom og Blackburn
voru heldur betur í gírnum og sigruðu
í sínum leikjum örugglega 3-0. Black-
burn bakaði dauða risann í norðri,
Newcastle, með þremur mörkum í
seinni hálfleik. Benny McCarthy reið á
vaðið á 61. mínútu með marki úr víti,
Jason Roberts bætti öðru við skömmu
síðar og svo aftur undir lok leiksins.
Góður sigur hjá Big Sam sem lyftir lið-
inu upp af fallsvæðinu. WBA neitar að
gefast upp og hefur girt sig hressilega
í brók undanfarið. Liðið sýndi Middl-
esbrough enga gestrisni og sigraði ör-
ugglega með marki snemma leiks frá
Cris Brunt og tveimur mörkum í seinni
hálfleik frá Robert Koren. WBA er enn
í bullandi fallhættu en er nú með 21
stig eins og fimm önnur lið og aðeins
3 stigum frá 12. sætinu. Botninn hefur
sjaldan eða aldrei verið eins þéttur um
þetta leyti árs.
Hamrar í ham
Í gær kom West Ham sér upp úr átt-
unda sæti ensku úrvalsdeildarinnar
með sigri á Fulham, 3-1, og hefur nú
unnið þrjá leiki af síðustu fjórum und-
ir stjórn Ítalans smá en knáa. David
Di Michele kom heimamönnum yfir
snemma leiks en Paul Konchesky jafn-
aði fyrir Fulham með glæsimarki stuttu
síðar og var jafnt í hálfleik, 1-1. Í seinni
hálfleik fór Carlton Cole illa með Ful-
ham en hann fiskaði vítaspyrnu á 60.
mínútu sem Mark Noble skoraði úr
og bætti svo við marki sjálfur áður
en yfir lauk. Zola brosti sínu fegursta
enda góður sigur hjá West Ham sem
er komið með 29 stig en Fulham hefur
áfram 26 stig, í 10. sæti. Fulham á þó
tvo leiki til góða.
Jafnt hjá liðum Harrys
Tottenham tók á móti Portsmouth og
skildu liðin jöfn, 1-1. David Nugent
skoraði mark Portsmouth en Jerma-
ine Defoe, sem gekk í raðir Tottenham
að nýju frá Portsmouth í mánuðinum,
jafnaði metin. Leikurinn var mjög fjör-
ugur og mikið af markskotum en það
var Portsmouth sem komst yfir þeg-
ar David Nugent skoraði eftir tæplega
klukkustundar leik. Ellefu mínútum
síðar jafnaði Jermaine Defoe metin.
Darren Bent fékk kjörið tækifæri til
að stela sigrinum undir lokin en skalli
hans af metra færi fór framhjá við litla
hrifningu Harrys Redknapp sem tryllt-
ist á hliðarlínunni. Hermann Hreið-
arsson kom inn á í uppbótartíma og
kom eðlilega litlu í verk nema að berja
Jermaine Defoe lítillega í leikslok, sem
er merki um vinarþel hjá Eyjamann-
inum vaska. Leikurinn í gær var sá 22.
sem Gareth Bale er í byrjunarliði Tott-
enham án þess að vinna sigur. Merki-
legt met.
Ekki vantaði fjörið og dramatíkina í 22.
umferð ensku Úrvaldeildarinnar. Manchest-
er United tyllti sér á topp eftir nauman sig-
ur á Bolton. Chelsea telfdi á tæpasta vað og
rændi þremur stigum af Stoke. Robin van
Persie sló í gegn í Hull, botnliðin fóru ham-
förum og Amr Zaki þarf líklega á svefnlyfj-
um að halda. Og ekki er allt búið enn því í
kvöld fer fram baráttan um Bítlaborgina
þar sem toppsætið er aftur að veði.
VISTASKIPTI Á TOPPNUM
Þrautgóður
Frank Lampard skoraði sigurmark
Chelsea í uppbótartíma.