Dagblaðið Vísir - DV - 23.01.2009, Blaðsíða 25

föstudagur 23. janúar 2009 25Fókus
Hvað er að
GERAST?
föstudagur
n Johnny and the Rest á Dillon
Hinir eitursvölu blúsrokkarar í johnny and
the rest ætla að hefja gleðina á dillon,
Laugavegi, þessa helgina. strákarnir spila
frábært blúsrokk og eru staðfest góð
byrjun á helginni. Þegar þeir hafa lokið sér
af tekur plötusnúðurinn dj Mikkó við og
spilar eðalrokk fram á miðja nótt.
n Skítamórall á Players
sveitaballagoðsagnirnar í skítamóral spila
á Players í kvöld. Eins og allir sannir
dansleikjaaðdáendur vita er aldrei meira
stuð á balli en með skítamóral svo hér
verður staðfest dansað fram á morgun.
Miðaverð er sautján hundruð krónur og
hefst dansleikurinn skömmu eftir
miðnætti.
n DJ Stef á Hverfis
Heimilisköttur Hverfisbarsins, dj stef, ætlar
að þeyta skífum í kvöld. dj stef spilar
eðaldanstónlist sem ætti að koma öllum
dansglöðum einstaklingum í hörkustuð.
reimaðu á þig dansskóna og skelltu þér á
Hverfisbarinn í kvöld.
n Friskó á Prikinu
sjálfur friskó sem er lifandi goðsögn í
íslensku skemmtistaðalífi snýr aftur eftir
langa fjarveru á Prikinu í kvöld. friskó hefur
leikinn klukkan tíu en þegar hann er búinn
að hita liðið vel upp tekur plötusnúðurinn
dj Moonshine við plötuspilaranum og
þeytir skífum eins og enginn sé morgun-
dagurinn.
n Festival á Kringlukránni
Það er sannkallað festival og brjálað partí
sem bíður gesta Kringlukráarinnar í kvöld.
Það er fátt huggulegra en að skella sér í
notalegan kvöldverð á gömlu góðu
Kringlukránni og taka svo einn góðan
snúning á gólfinu í kjölfarið.
laugardagur
n Stones Tribute á Dillon
Hljómsveitin stóns sem spilar lög eftir
rolling stones er skipuð meðlimum
hljómsveitanna Mínuss, Motion boys, Esju
og Lights on the highway, spilar á dillon,
Laugavegi, í kvöld. sveitin hóf samstarf í
lok síðasta árs og hefur slegið rækilega í
gegn. allir sannir stones-aðdáendur ættu
að fjölmenna á dillon í kvöld.
n Menn ársins í Iðnó
Í tilefni af útgáfu sinnar fyrstu plötu heldur
hljómsveitin Menn ársins glæsilega
útgáfutónleika í Iðnó í kvöld. fjöldi
hljóðfæraleikara, strengjasveit, blásarar og
slagverksleikarar munu leika með
hljómsveitinni. útgáfutónleikarnir hefjast
klukkan 21.00 og miðaverð er 1.500
krónur.
n Egó á Nasa
Egó er mætt til starfa eins og í árdaga
þegar farið var um víðan völl og leikið á
dansleikjum úti um allt land. Á prógramm-
inu eru öll vinsælustu lög Bubba í gegnum
tíðina, ekki bara með Egóinu. tónleikarnir
hefjast klukkan hálf tólf og er miðaverð
nítján hundruð krónur.
n Sixties á Players
sixties hefur spilað reglulega á Players
nánast frá upphafi og er enginn vafi á að
strákarnir munu halda uppi gleðinni langt
fram eftir nóttu. gleðigosarnir vilja meina
að tónleikarnir hefjist einni mínútu fyrir
miðnætti og verður spennandi að sjá hvort
sveitin standi við það. Miðaverð er
fimmtán hundruð krónur.
n D-A-D á Nasa
d-a-d er ein þekktasta hljómsveit
danmerkur fyrr og síðar. Hljómsveitin
hefur spilað oftar á stóra sviðinu í roskilde
en nokkur önnur hljómsveit og var um ára-
bil fengin til þess að loka hátíðinni. nú ætla
þeir að bjarga efnahag Íslendinga og rokka
þakið af húsinu á aðalsviði nasa í kvöld.
Miðaverð er tvö þúsund og níu hundruð
krónur og hefjast herlegheitin klukkan hálf
níu.
SluMDog MIllIoNAIRE
auðvelt að skilja af hverju
myndin fær
verðlaun og
frábærar viðtökur
um allan heim.
m
æ
li
r
m
eð
...
SKólAbEKK-
uRINN
frábær mynd
um kennara-
stéttina og
hennar
vanmetna og illa launaða starf.
C.R.A.Z.Y.
ferðast á
skemmtilegan
hátt í gegnum
líf fólks á 7. og
8. áratugnum.
REFuRINN og bARNIð
falleg mynd
sem veltir upp
spurningum
sem hollar eru
ungum sem
öldnum.
m
æ
li
r
eK
Ki
m
eð
...
FAlIð FYlgI
Ætli megi ekki
segja að áhöfn
sýningarinnar
bjargi því sem
bjargað
verður.
í Zürich í mars, í Hamborg í júlí en
ekki fyrr en á næsta ári í Noregi. Við
erum að bíða eftir norskum leikara
sem er svo upptekinn næstu mán-
uði.“
Bjarni sýndi sjálfur fyrstu þrjátíu
sýningarnar í Svíþjóð á sænsku en
aðrir leikarar munu sjá um að flytja
verkið á norsku, þýsku og lettnesku.
„Það er annar leikari sem tekur við
hlutverkinu í Svíþjóð núna í ár. Ég
bý náttúrlega ekkert þar svo ég get
ekki verið fastur í Svíþjóð neitt allt of
lengi. Svo held ég að það sé nú ekki
til eftirbreytni að ég reyni að flytja
verkið á þýsku,“ segir hann hlæjandi
og bætir við: „Ég held að aðrir séu
nú betri í því.“
Verkið skrifað fyrir leikarana
Heiður er verk sem Bjarni valdi sjálf-
ur að setja upp og valdi að auki alla
leikarana í verkið. „Aðalástæðan
fyrir því að mig langaði að setja upp
þetta verk var að mér finnst leikar-
arnir sem ég valdi í þetta eiga að
leika þetta. Verkið er eins og skrifað
fyrir þau,“ segir Bjarni en leikendur
í Heiðri eru þau Anna Kristín Arn-
grímsdóttir, Arnar Jónsson, María
Ellingsen og Sólveig Arnarsdóttir.
Það verður að segjast sem svo
að hér eru á ferðinni gamalreynd-
ar kempur í íslensku leiklistarlífi og
segir Bjarni það sannkallaðan heið-
ur að fá að vinna með þessum hópi
leikara. „Þetta er búið að vera alveg
frábært ferli og sannkallaður heiður
að fá að vinna með þeim öllum.“
Ást, þrár og væntingar
Heiður er samið af einu þekktasta
leikskáldi Ástralíu, Joanna Murray-
Smith. Heiður eða Honour var frum-
flutt árið 1995 og hefur síðan þá ver-
ið sett upp um heim allan. Meðal
annars á Broadway og hjá breska
þjóðleikhúsinu.
„Verkið fjallar um ástina og þrár
okkar og væntingar. Svo fjallar það
nú ekki síst um það hversu oft við
hugsum rökrétt en högum okkur
órökrétt. Það er kannski þess vegna
sem við erum sífellt að púsla saman
lífiinu. Persónur verksins töluðu til
mín því þetta eru mjög mannlegar
persónur sem segja oft í raun ann-
að en þær gera. Svo blandast inn í
þetta allt saman grái fiðringurinn og
greddan.“
Bjarni lýsir verkinu jafnframt sem
dramaverki og hefur trú á því að all-
ir sem hafi gaman af góðu leikhúsi
eigi eftir að skemmta sér vel á sýn-
ingunni. „Þetta er ekkert nýstefnu-
leikhús. Það er enginn að leika kart-
öflur og velta sér um gólfið. Þetta er
stofuleikrit eins og þau gerast best.
Það er mikill realismi í þessu verki
og smá expressionismi en alls eng-
inn súrrealismi.“
Fílamaðurinn situr í hjartanu
Spurður um draumahlutverkið
segir Bjarni að draumar hans og
væntingar hafi breyst töluvert með
árunum. „Það sem ég þrái mest
í dag er að vinna með pró fólki.
Maður er farinn að vega það alltaf
meira og meira og meta betur mik-
ilvægi þess að læra af eldra fólki.“
Hann viðurkennir þó að það sé
ávallt ein bíómynd sem sitji hon-
um í hjartastað og hann væri til í
að fara með hlutverk aðalpersónu
myndarinnar. „Tíu ára gamall fór
ég í blaðberabíóið í Regnbogan-
um og sá Fílamanninn. Ég held
að ég hafi aldrei orðið jafndjúpt
snortinn og eftir þá kvikmynd. Ég
var auðvitað svo svakalega sorg-
mæddur yfir örlögum Fílamanns-
ins. Ætli það sé ekki bara drauma-
rullan mín. Ég þyrfti heldur ekkert
meik-up til að leika Fílamanninn,
ég gæti bara mætt á sviðið eins
og ég er klæddur,“ segir hann og
glottir.
opnar loftkastalann á ný
Það er nóg fram undan hjá Bjarna
enda vinnur hann nú að því að opn-
ar Loftkastalann á ný sem leikhús í
sumar og skrifar kvikmyndahandrit
að Pabbanum í samstarfi við Saga
film. Fyrsta verk Loftkastalans í
sumar verður söngleikurinn Grease
í leikstjórn Selmu Björnsdóttur.
„Svo er bara ætlunin að vera áfram
með skemmtilegt leikhús þar,“ segir
Bjarni.
„Annars erum við líka á fullu að
vinna í kvikmyndahandritinu að
Pabbanum en Saga film keypti sýn-
ingarréttinn að verkinu. Ég veit ekki
hvort myndin fari í tökur á þessu ári
eða næsta. Stefnan var upphaflega
að hún færi í tökur í ár en maður veit
ekki alveg hvernig öll fjármögnun
og slíkt gengur núna.“
Aðspurður hvort hann komi sjálf-
ur til með að fara með aðalhlutverk-
ið í kvikmyndinni segir Bjarni ekkert
hafa verið ákveðið um slíkt ennþá.
„Við ætlum bara að klára að skrifa
handritið og sjá hvernig það þróast.
Það má vel vera að það fái þannig
blæ að einhver annar fari með hlut-
verkið og ég er fyrsti maðurinn til
að bakka út úr því ef það er einhver
betri sem býðst,“ segir Bjarni hóg-
vær að lokum. krista@dv.is
Grái fiðringurinn
og greddan
Tónlistarhátíðin Melodica Acoust-
ic Festival verður haldin í annað
sinn um helgina á Café Rósenberg,
Kaffi Hljómalind og Nýlenduvöru-
verslun Hemma og Valda. Yfir-
skrift hátíðarinnar í þetta skiptið
er „Aldrei fór ég á Rex“. Ætlunin er
að fagna grasrótinni og alþjóðlegu
samstarfi tónlistarmanna þar sem
áherslan er lögð á samhjálp og vin-
áttu. Fyrsta hátíðin fór fram í ágúst
síðastliðnum við góðar undirtektir.
Þá var einungis spilað á einum stað
en nú duga ekki færri en þrír fyrir
þá tæplega fjörutíu listamenn sem
koma fram á hátíðinni.
Hátíðin hefst á Rósenberg í
kvöld, föstudagskvöld, klukkan 20.
Á meðal þeirra sem þar koma fram
eru Bob Justman, The Friday Night
Idols, Beggi Mood, Kettir og Svav-
ar Knútur sem jafnframt er skipu-
leggjandi hátíðarinnar. Hljómsveit-
in Hraun sér um eftirpartí.
Á laugardag og sunnudag stend-
ur hátíðin yfir á öllum þremur stöð-
unum. Á meðal þeirra sem koma
fram fyrra kvöldið eru Myrra Rós,
Ragnar Sólberg, Helgi Valur, The
Friday Night Idols, Sebastian, Seið-
læti og breski trúbadorinn Kid
Decker. Á lokakvöldinu ætla svo að
láta ljós sitt skína, svo einhverjir séu
nefndir, Elín Ey, Mysterious Marta,
Pikk Nikk, Elíza, Marlon Pollock og
hinn breski Shisha PM.
Aðgangur á hátíðina er ókeypis,
enda koma allir listamenn ókeypis
fram og allt starf við hátíðina unnið
í sjálfboðavinnu.
Endurhæfðir góðærisspaðar eru
sérstaklega boðnir velkomnir á há-
tíðina, aftur í faðm meðalhófs og
hlýju mannlegs samfélags.
Tónlistarhátíð í Reykjavík í miðri byltingu:
aldrei fór ég á rex
Svavar Knútur skipuleggjandi Melodica acoustic festival sem er nú haldin í
annað sinn.
uPP KoMAST
SVIK uM
SíðIR
Hin fínasta
sveitaseturs-
morðgáta.
„Fólk er ekkert að leika kartöflur og
veltast um gólfið“ Bjarni segir Heiður
ekki vera neitt nýstefnuleikhús heldur
svokallað stofuleikrit af bestu gerð.
Verk um ástina, þrár og
væntingar „Persónur
verksins töluðu til mín því
þetta eru mjög mannlegar
persónur sem segja oft í
raun annað en þær
gera,“ segir leikstjórinn
Bjarni um verkið Heiður.
MYNDIR RAKEl óSK SIguRðARDóTTIR