Dagblaðið Vísir - DV - 24.03.2009, Page 13

ÞRIÐJUDAGUR 24. MARS 2009 13Neytendur
Landvinningar
í þágu hunda
guðbjörg Matthíasdóttir, lögfræðingur hjá Húseigendafélaginu, svarar hér þremur
fyrirspurnum sem borist hafa DV. Sendið fyrirspurnir á neytendur@dv.is
Meðeigendur mínir hafa leyfi fyr-
ir hundi en hafa stúkað sameigin-
lega lóð okkar af með léttri hunda-
girðingu þannig að þeir taka í raun
stóran hluta garðsins til einkanota.
Mega þeir þetta? Geta þeir fengið
einhvern meiri rétt ef við gerum ekk-
ert í þessu?
„Af fyrirspurn þinni má ráða að
ekki sé ágreiningur um hundahald-
ið sem slíkt. Samkvæmt lögum um
fjöleignarhús er eiganda eignar í
fjölbýli skylt að taka sanngjarnt og
eðlilegt tillit til meðeigenda sinna
við hagnýtinu sameignar og sér-
eignar. Eiganda er þannig óheimilt
að framkvæma nokkrar breytingar á
afmörkun sameignar eða helga sér
til einkanota tiltekna hluta hennar
nema samþykki allra liggi fyrir.
Ekki er óalgengt að eigendur í
fjölbýli standi í landvinningum af
ýmsu tagi og telji að tiltekinn rétt-
ur til sameignar umfram aðra hafi
þannig áunnist í tímans rás. Einnig
er þekkt að slíkir landvinningar séu í
þágu hunda. Í lögum um fjöleignar-
hús kemur þó skýrt fram að ekki sé
heimilt að helga sér ákveðinn hluta
sameignar á grundvelli hefðar. Ein-
staka eigandi getur þannig ekki með
áralangri notkun einni saman öðlast
aukin réttindi umfram aðra, hvorki
eignarétt né víðtækari afnotarétt. Sú
ráðstöfun sem hér um ræðir þarfn-
ast samþykki allra. Engu breytir hér
þótt hin ólögmæta nýting hafi við-
gengist í langan tíma hvað varð-
ar réttindi meðeiganda þar að lút-
andi.“
Í blokkinni minni er verið að ræða
hvort merkja eigi bílastæðin hverj-
um og einum og taka frá nokkur
stæði fyrir gesti. Má þetta?
„Í lögum um fjöleignarhús er
skýrt mælt fyrir um það að sér-
merking sameiginlegra bílastæða
sé óheimil nema með samþykki
allra. Þegar um ræðir sameiginleg
og óskipt bílastæði gildir ofangreint
fullum fetum. Þar til lögmæt ákvörð-
un liggur fyrir um sérmerkingu bíla-
stæða er um að ræða óskipta sam-
eign en þá gildir sú meginregla að
fyrstir koma fyrstir fá. Húsfélagi er
þó heimilt að mæla fyrir um nýtingu
bílastæða í húsreglum með ýms-
um hætti en gæta þarf þess að allir
sitji við sama borð og að íbúum sé
ekki mismunað. Sé hinsvegar um
að ræða einkabílastæði samkvæmt
þinglýstum eignaskiptasamningi
gilda önnur lögmál um merkingu
þess eðli málsins samkvæmt.“
Það var tekin ákvörðun á húsfundi í
stigaganginum mínum um að kaupa
nýtt dyrasímakerfi með myndbún-
aði en það gamla var ónýtt. Mér
finnst þetta óþarfa tæknidekur og
dýrt framtak. Hvað get ég gert?
„Samkvæmt lögum um fjöl-
eignarhús dugir samþykki einfalds
meirihluta fyrir nær flestum fram-
kvæmdum sem miða að venjulegu
viðhaldi og endurnýjun. Kaup á
mjög óvenjulegum og dýrum bún-
aði og öðru sem ekki tíðkast í sam-
bærilegum húsum þarfnast hins-
vegar samþykkis allra eigenda. Hér
ræður tíðarandinn miklu og laga-
túlkun breytist í takt við hann og
tækniþróun eftir atvikum. Fyrir
einhverjum áratugum síðan hefði
sá búnaður sem um ræðir ef til vill
þótt mjög óvenjulegur og dýr miðað
við allt venjulegt. Í dag þykja marg-
ir hlutir sjálfsagðir sem áður þóttu
fjarlægir og verður að telja að þessi
búnaður falli þar undir. Dyrasímar
með myndbúnaði eru afar algeng-
ir í dag og verður því ekki hægt að
komast að annarri niðurstöðu en
að um sé að ræða venjulegt viðhald
eða endurnýjun. Hér spila einn-
ig inn í öryggissjónarmið. Þekkt er
að óprúttnir aðilar sem sigla undir
fölsku flaggi reyni að fá íbúa til að
hleypa sér inn. Ljóst er að þá er voð-
inn vís. Allir eigendur eru bundn-
ir af lögmætum ákvörðunum hús-
félags. Þú ert því skyldugur til að
greiða hlutdeild í þessum kostnaði
að því gefnu að löglega hafi verið
staðið að ákvörðunartöku.“
Þarfnast samþykki allra Hefð
nægir ekki til að helga hluta lóðar
við fjölbýlishús hundahaldi.
Merkingar bílastæða Allir
þurfa einnig að samþykkja ef sér-
merkja á sameiginleg bílastæði.
Smiðjuvegi 34 - gul gata Kópavogi • Sími 544 5151 • biljofur@biljofur.is
SÉRHÆFÐ ÞJÓNUSTA FYRIR
BIFREIÐAVERKSTÆÐI
Oxy tarm
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama oxy tarmið
Nethyl 2, sími 587-0600, www.tomstundahusid.is
Fjarstýrðir rafmagns- og
bensínbílar í úrvali
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
30 days
Losnið við hættulega kviðfitu og
komið maganum í lag með því
að nota náttúrulyfin Oxytarm og 30
days saman.
Smáauglýsingasíminn er
515 5550
smaar@dv.is