Dagblaðið Vísir - DV - 15.05.2009, Blaðsíða 4

Föstudagur 15. maí 20094 Fréttir
Sandkorn
n Fallni útrásarvíkingurinn
Björgólfur Guðmundsson er
óðum að braggast eftir að hafa
tapað öllum sínum gríðar-
lega auði og hugsanlega vel
það. Hann var hinn brattasti á
dögunum
að fylgjast
með sínum
mönnum í
KR. Athygli
vakti þó
að hann
var frekar
afskiptur
og halaróf-
an sem gjarnan fylgdi honum
í góðærinu er horfin. Sá tími
er liðinn þegar hann deildi og
drottnaði án þess að hlífa nein-
um. Frægt var til dæmis þegar
starfsfólki Landsbankans var
bannað að kaupa DV og koma
með á vinnustaðinn. Það var
raunar um svipað leyti og Björ-
gólfur reyndi að kaupa blaðið
fyrir 500 milljónir til að leggja
það niður.
n Morgunblaðið þykir bera
þess merki undir ritstjórn Ólafs
Steph­ensen að nýir eigendur
úr hópi sægreifa hafi sín áhrif.
Blaðið var í
tíð Styrmis
Gunnars-
sonar þekkt
fyrir ein-
dregna and-
stöðu sína
við kvóta-
kerfið en nú
tiplar bæld
ritstjórnin á tánum í kringum
þetta sjóðheita mál. Augljóst er
að ekki má styggja aðaleigand-
ann, Guðbjörgu Matth­íasdótt-
ur, sem er ein stærsta sægrei-
fynja landsins.
n Blaðakonan Agnes Braga-
dóttir, sem vakti þjóðarat-
hygli fyrir uppistand sitt í nafni
Morgunblaðsins hjá dómur-
um og öðrum lögmönnum, er
komin í frí. Þannig mætti hún
ekki í þáttinn Í bítið á Bylgjunni
á miðvikudag þar sem hún hef-
ur vikulega hraunað yfir lifandi
sem dauða og þó aðallega for-
seta Íslands. Blaðamaðurinn
söngelski hefur
brugðist illa
við spurn-
ingum um
það hvort
fríið teng-
ist uppák-
omunni á
lagadegin-
um.
Jón Gerald Sullenberger hefur verið frá konu og börnum sínum frá því í janúar við
að koma upp lágvöruverðsversluninni Smart Kaup. Hann segir erfitt að vera frá fjöl-
skyldunni en telur sig knúinn til að leggja sitt af mörkum til að endurreisa íslenskt
efnahagslíf. Í upphaflegri viðskiptaáætlun sem hann kynnti var gert ráð fyrir að hann
fengi sem nemur sjö milljónum króna á mánuði í formi hlutafjár.
„ER EKKI KOMIÐ NÓG
AF ÞESSU 2007-ÆÐI?“
„Þetta gengur ágætlega,“ segir Jón
Gerald Sullenberger aðspurður
hvernig gangi að koma af stað Smart
Kaup lágvöruverðsverslun hans og að
fá fjárfesta. Hann segist ætla að reyna
að fá fjóra til fimm stóra fjárfesta og
nú þegar séu komnir fjórir. Áætlar Jón
Gerald að hann þurfi á bilinu 150 til
185 milljónir króna til að koma fyrir-
tækinu af stað. „Ég get ekki gefið upp
hvað er komið mikið hlutafé en það
er komið langleiðina,“ segir hann.
Ekki sjö milljóna mánaðarlaun
Miðað við áætlanir sem fyrst komu
fram ætlaði Jón Gerald að leggja fram
9,3 milljónir króna og fá 34 prósenta
hlut af 185 milljóna hlutafé. Auk 9,3
milljóna króna áætlaði hann átta
mánaða vinnuframlag. Miðað við
það fengi hann 54 milljónir króna
fyrir vinnuframlagið eða tæplega sjö
milljónir á mánuði. „Þetta er algjör
fjarstæða. Þetta voru bara hugmynd-
ir sem komu fram á fyrstu kynning-
unni,“ segir hann.
Helmingur til almennings
Jón Gerald segist sjálfur leggja fram
15 milljónir króna auk átta mánaða
vinnu við að koma fyrirtækinu af
stað. Hann áætli sér um 800 þúsund
krónur í laun á mánuði. Hann ætlar
sjálfur að eiga 20 prósent af hluta-
fé fyrirtækisins. Eftir það muni hann
vinna sér inn 14 prósent hlutafé á
þremur árum. „Ég áætla að þetta fyr-
irtæki verði á bilinu 350 til 450 millj-
óna króna virði eftir fyrsta árið ef allt
gengur upp,“ segir Jón Gerald. Hann
segir ástæðuna fyrir því að hann ætli
að fara með 34 prósent vera þá að
þannig geti enginn stór aðili komið
að félaginu. Sú hafi oft verið raunin
með matvöruverslanir hérlendis á
undanförnum árum.
Hins vegar sé hugmyndin sú að
þegar fyrsta búðin verði komin upp
muni stærstu hluthafar lækka hlut-
deild sína. „Þá muni almenningur
koma inn í þetta og eignast allt að 40
prósent,“ segir hann.
Ekki gróðasjónarmið
Jón Gerald ítrekar að hugmyndin
með fyrirtækinu sé alls ekki að græða
á þessu heldur að lækka matvöru-
verð á Íslandi. Aðspurður hvernig
staðan sé nú segir hann að flestallt sé
að verða klárt. Nú sé verið að leita að
hentugu húsnæði. Í fyrstu verði farið
af stað með eina búð. „Það er verið
að skoða Kópavog númer eitt, Höfð-
arnir og svo úti á Fiskislóð. Þetta eru
þeir þrír staðir sem ég er að skoða,“
segir Jón Gerald. Vonast hann til að
geta opnað búðina strax í ágúst. Ef
vel gangi verði síðan hægt að opna
fleiri verslanir 15 til 18 mánuðum
eftir það. „Er ekki komið nóg af þessu
2007-æði að eiga allt og stjórna öllu?“
segir hann.
Erfitt án fjölskyldunnar
Jóni Gerald blöskrar margt sem er í
gangi í þjóðfélaginu í dag. Lágvöru-
verðsverslunin sé hans framlag til
íslenskra neytenda og sé ætlað að
lækka matvöruverð hér á landi. Jón
Gerald segir að hann hafi ekki séð
konu sína og börn frá því í janúar.
Þau búa í Flórída í Bandaríkjunum.
Það sé vissulega erfitt. Hins vegar
telji hann sig knúinn til að leggja sitt
af mörkum til að endurreisa íslenskt
efnahagslíf.
Dagsflutnigar
897 8866
Dagur bílstjóri
dagur@dagsflutningar.com
www.dagsflutningar.com
Þjónusta einstaklinga og fyrirtæki
Hvar sem er hvenær sem er
2 tonna lyfta
Rafmagnstjakkur
Heilopnun
„Mér finnst sjálfsagt að borga fyrir
að nota óvistvænan farkost og skal
með glöðu geði kaupa bílastæða-
passa eða borga í stöðumæli fyrir
utan Háskóla Íslands,“ segir Helga
Þórey Jónsdóttir háskólanemi á
undirskriftalista þar sem fólk lýsir
yfir vilja sínum til að borga fyrir að
leggja við Háskólann.
Stúdentaráð HÍ hefur harðlega
mótmælt þeim fyrirætlunum Há-
skóla Íslands að taka næsta haust
upp gjaldskyldu við bílastæði fyrir
framan aðalbygginguna og Gimli.
Jóhann Már Helgason, fram-
kvæmdastjóri Stúdentaráðs, sendi
bréf til háskólanema þar sem hann
segir: „Við kærum okkur ekki um
stöðumælaverði á lóðum Háskóla
Íslands“ og hvetur þá til að skrifa
nafn sitt á undirskriftarlista þar sem
þessu er mótmælt. Jóhann telur það
í hæsta máta óeðlilegt að háskóla-
nemum sé refsað á þennan hátt fyrir
að nota einkabílinn.
Nú er hins vegar kominn af stað
nýr undirskriftalisti þar sem mót-
mælum Stúdentaráðs er mótmælt
undir yfirskriftinni: „Við borgum
fyrir að menga.“ Umhverfissinnaðir
borgarar rita þar nöfn sín og hvetja
til þess að þeir sem kjósa að nota
einkabíl borgi fyrir þá mengun sem
þeir valda.
Inga Rún Sigurðardóttir skrifar
þar: „Aldrei hefði mér dottið í hug
(eða haft efni á) að vera á bíl þegar
ég var í Háskólanum.“
Umhverfissinnarnir gera þó und-
antekningar frá reglunni eins og
segir í yfirlýsingu með undirskrift-
arlistanum: „Með þeim fyrirvara
að fötluðum eða öðrum þeim sem
sannanlega geta ekki gengið, hjólað,
tekið strætó eða lagt bílnum annars
staðar, sé gert kleift að leggja ókeypis
eða með drjúgri niðurgreiðslu nægi-
lega nálægt dyrum sinna bygginga,
hvetjum við yfirvöld skólans til þess
að láta af þeirri stefnu sem í daglegu
tali hefur verið nefnd einkabílismi.“
erla@dv.is
Umhverfissinnar eru ósáttir við að Stúdentaráð leggist gegn gjaldskyldu:
mótmæla mótmælum stúdentaráðs
Stöðumælar valda deilum
skiptar skoðanir eru um hvort
setja eigi upp stöðumæla við
ákveðin bílastæði Háskóla íslands.
Ekki gróðasjónarmið Jón gerald
sullenberger segir að hugmyndin með smart
Kaup sé ekki að græða heldur að lækka
matvöruverð á íslandi.
annaS SiGmundSSon
blaðamaður skrifar: as@dv.is
„Ég get ekki gefið upp
hvað það er komið
mikið hlutafé en það er
komið langleiðina.“