Dagblaðið Vísir - DV - 15.05.2009, Blaðsíða 46

Föstudagur 15. maí 200946 Helgarblað
Eurovision hefur stöðugt vaxið og dafnað frá því að keppnin var fyrst haldin í Sviss árið 1956. Ýmislegt
undarlegt hefur komið upp á og er tölfræði tengd keppninni efni í BS-próf út af fyrir sig. DV tók saman
allt sem þú vissir og vissir ekki um Söngvakeppni evrópskra sjónvarpsstöðva.
Allt og ekkert um
n Keppendur í fyrstu Eurovision-söngvakeppn-
inni, árið 1956 í sviss, voru fjórtán og vann sviss
keppnina. Keppnin var send út í útvarpi, þó að
einhverjar myndatökuvélar væru til staðar vegna
þeirra Evrópubúa sem áttu sjónvarp.
n Árið 1968, þegar keppnin var haldin í royal
albert Hall í Lundúnum, var keppnin í fyrsta skipti
send út í lit.
n Árið 1969 samdi tvíeykið Elton John og
Bernie taubin eitt þeirra laga sem teflt var fram í
forkeppninni í Bretlandi. Lagið laut í lægra haldi
fyrir laginu Boom Bang a Bang, í flutningi Lulu
sem stóð uppi sem sigurvegari í lokakeppninni.
n svokölluð „póstkort“ sem kynna hvert lag fyrir
sjónvarpsáhorfendum komu ekki til sögunnar fyrr
en árið 1970.
n Þar til hljómsveitin Lordi sigraði fyrir hönd
Finnlands árið 2006 var Finnland það land sem
sístum árangri hafði náð í keppninni. Finnar hafa
tekið þátt fjörutíu og tvisvar sinnum og náðu
sínum besta árangri frá 1973 þegar þeir unnu
2006 með laginu Hard rock Hallelujah. Framlag
Finna 1973 var tom tom tom, í flutningi marion
rung sem hafnaði í sjötta sæti.
n Noregur var fyrsta landið til að fá ekkert stig,
árið 1978, með lagið mil etter mil (mílu eftir mílu).
n í kjölfar sigurs breska hópsins Bucks Fizz, árið
1981, var keppnin haldin í Harrogate, litlum bæ í
Norður-Jórvíkurskíri 1982.
n Yngsti sigurvegari í sögu keppninnar var sandra
Kim, en hún var þrettán ára þegar hún keppti fyrir
hönd Belgíu, í Björgvin í Noregi árið 1986, með
lagið J’aime la vie.
n samkvæmt reglum keppninnar takmarkast
fjöldi flytjenda hvers lands við sex.
n ísrael sigraði í keppninni tvö ár í röð, árið 1978
með a-Ba-Ni-Bi og 1979 með Hallelujah, en treysti
sér ekki til að fjármagna keppnina eftir sigurinn
1979. Hollendingar buðust til að halda keppnina
og samtök sjónvarpsstöðvanna ákváðu dagsetn-
inguna. Keppnisdaginn bar upp á helgan dag í
ísrael og ísraelar ákváðu að taka ekki þátt og eru
eina þjóðin í sögu keppninnar sem ekki tók þátt í
henni árið eftir sigur.

n Johnny Logan tryggði sér sess í frægðarhöll
Eurovision með því að vinna keppnina tvisvar
fyrstur manna, eftir sigur árið 1987 með laginu
Hold me Now. Logan vann sinn fyrsta sigur 1980
með laginu What‘s another Year. Logan átti þó
eftir að bæta um betur því hann sigraði í þriðja
skipti 1992, í svíþjóð, með laginu Why me.
n sama ár og Johnny Logan vann keppnina í
annað skipti, 1987, afrekaði þýskur hópur, Wind,
að ná öðru sæti í annað sinn og hefur enginn
leikið það eftir hingað til.
n Bretar hafa mörg undanfarin ár ekki riðið feitum
hesti frá keppninni, en botninum náðu þeir fyrst
árið 2003 þegar Jemini fékk ekkert stig fyrir
framlag Breta til keppninnar. Keppendur það ár
voru tuttugu og sex og höfðu aldrei verið fleiri, en
engin þjóð sá ástæðu til að gefa Bretum stig.

n Árið 1992 tók Júgóslavía þátt í síðasta skipti
því ríkjasambandið liðaðist í sundur og til urðu
sjálfstæð ríki.
n írar voru gestgjafar Eurovision í þrjú ár sam-
fleytt, 1993, 1994 og 1995, með fylgjandi kostnaði,
og baðst írland undan því að halda keppnina
fjórða árið í röð ef svo færi að þeir ynnu 1995.

n Bretar eiga eitt þeirra laga sem teljast til bestu
vinningslaga keppninnar. Þar er um að ræða sig-
urlagið frá 1997, Love shine a Light með Katrina
and the Waves, sem fékk tíu sinnum fullt hús, tólf
stig, í stigagjöfinni og fimm sinnum tíu stig.

n Árið 2001 horfðu 95 prósent dönsku þjóðar-
innar á keppnina enda var hún haldin í Kaup-
mannahöfn í kjölfar sigurs Olsen-bræðranna árið
2000, með laginu Fly on the Wings of Love. danir
enduðu í öðru sæti árið 2001.

n ítalir sniðgengu Eurovision-keppnina árið 1981
á þeim forsendum að húin væri of gamaldags, og
árið síðar sátu Frakkar hjá og sögðu kostnaðinn of
mikinn miðað við árangur.

n sum þeirra laga sem teflt hefur verið fram í
Eurovision og notið vinsælda bera yndisleg nöfn;
Boom Bang-a-Bang (framlag Breta 1969), a-Ba-Ni-
Bi (ísrael 1978), Bana Bana (tyrkir 1989) og Boum
Badaboum (mónakó 1967).
n Árið 1968 kvörtuðu Bretar yfir því að spánn
hefði vísvitandi valdið því að Cliff richard vann
ekki með lagið Congratulations. Ásakanir voru
uppi um að Francisco Franco, einræðisherra spán-
ar, hefði með óvönduðum meðulum tryggt spáni
atkvæði. sagt var að hann hefði sent starfsmenn
spænska ríkissjónvarpsins um gervalla Evrópu
með loforðum um reiðufé og kaup á sjónvarpsefni
í skiptum fyrir atkvæði.
n texti Opera, framlags tyrkja árið 1983, saman-
stóð að mestu leyti af orðinu Opera, endurteknu
í sífellu, ásamt nöfnum vel þekktra ópera og
óperuhöfunda. textinn var brotinn upp með
orðunum „lay lay la“. Lagið fékk ekkert stig.
n sökum þess hve áheyrendahópur Eurovision
er breiður og alþjóðlegur hafa þátttökuþjóðirnar
freistast til að höfða til sem flestra. afraksturinn
hefur að stærstum hluta verið það sem kallað
er mOr-tónlist (middle of the road). Frávik frá
þessari reglu hafa alla jafna ekki átt árangri að
fagna og má leiða líkur að því að þá gagnrýni
að keppnin sé gamaldags megi að hluta rekja til
þess. Árið 2006 brutu Finnar með eftirminnilegum
hætti þessa reglu og komu, sáu og sigruðu með
þungarokkshljómsveitinni Lordi.
n Á fyrstu árum keppninnar var algengt að
„hefðbundnar“ Evrópuþjóðir ynnu keppnina. Árið
2001 varð þar breyting á og á hverju ári frá 2001
til 2008 vann keppnina eitthvert land sem aldrei
hafði unnið áður.
n sem fyrr segir sigraði Finnland 2006 eftir að
hafa tekið þátt í 45 ár, en Úkraína þurfti ekki að
bíða svo lengi og vann árið 2004, í sinni annarri til-
raun. serbía bætti um betur og sigraði í fyrsta sinn
sem landið tók þátt í keppninni sem sjálfstætt ríki.
n Portúgal hefur tekið þátt í keppninni síðan 1964
og hefur enn ekki haft erindi sem erfiði.
n Á fimmtíu ára afmæli keppninnar 2005 var
haldin símakosning til að úrskurða um vinsælasta
lag Eurovision-söngvakeppninnar frá upphafi.
Niðurstaðan var sú að Waterloo með abba,
sigurlagið 1974, væri vinsælasta lagið í sögu
keppninnar.