Dagblaðið Vísir - DV - 05.06.2009, Blaðsíða 16

föstudagur 5. júní 200916 Fréttir
Guðjón Arnar Kristjánsson lánaði Frjálslynda flokknum 4 milljónir króna árið 2007, en flokkurinn kláraði
að greiða það lán til baka að fullu að viðbættum vöxtum í janúar á þessu ári. Nú bíður flokksins að leita
nauðungarsamninga við aðra lánardrottna sína, þar sem hann fær engin ríkisframlög vegna þess að hann
náði ekki lágmarksfylgi í síðustu alþingiskosningum.
FORMANNSLÁNIÐ GREITT
FYRIR FJÁRHAGSVANDA
Frjálslyndi flokkurinn, sem nú glím-
ir við mikil fjárhagsvandræði og
skuldaklafa, kláraði fyrr á þessu
ári að endurgreiða Guðjóni Arnari
Kristjánssyni, formanni flokksins,
fjórar milljónir króna auk vaxta sem
flokkurinn skuldaði honum. Frjáls-
lyndi flokkurinn freistar þess nú
að leita nauðasamninga við lánar-
drottna sína, en flokkurinn er talinn
skulda þeim á bilinu sex til tíu millj-
ónir króna.
Eftir alþingiskosningarnar árið
2007 lánaði Guðjón Arnar flokknum
fjórar milljónir króna til að ganga frá
ýmsum lausum endum. Hann segir
að flokkurinn hafi lokið við að greiða
lánið til baka í lok janúar á þessu ári.
Ósætti innan flokksins
Óánægju hefur gætt innan Frjáls-
lynda flokksins með það að Guðjón
Arnar hafi fengið sínar kröfur greidd-
ar upp í topp, á sama tíma og flokk-
urinn biðlar til flokksmanna um fjár-
stuðning og leitar nauðasamninga
við aðra lánardrottna. Flokksmað-
ur sem DV ræddi við kallaði þessa
stjórnunarhætti klíkuskap og sagði
að Frjálslyndi flokkurinn hefði und-
ir það síðasta verið vasaflokkur Guð-
jóns Arnars og bókhaldið í sama dúr.
Samkvæmt heimildum DV hefur
miðstjórn flokksins tekist á um fjár-
mál flokksins og ekki voru allir á eitt
sáttir um að Guðjón fengi forgang á
kröfum sínum. Flokkurinn fékk 2,2
prósenta fylgi á landsvísu í síðustu
alþingiskosningum, en gerð er krafa
um 2,5 prósenta fylgi til þess að fá
ríkisframlög. Kosningabaráttan kost-
aði flokkinn um það bil 3 til 4 millj-
ónir króna.
Man ekki heildarupphæðina
Sjálfur segir Guðjón Arnar það ekki
svo að hann hafi sett það í forgang
að flokkurinn greiddi upp lánið
frá honum. Flokkurinn hafi klárað
að greiða upp lánið í lok janúar á
þessu ári. „Það greiddist í tveimur
áföngum, síðasta greiðslan barst í
upphafi þessa árs,“ segir hann og
bætir við: „Flokkurinn var skuld-
laus í janúar síðastliðnum eftir að
síðasta ríkisframlagið barst. Þá var
hann sennilega fimm, sex milljón-
ir í plús.“
Aðspurður segist Guðjón ekki
muna hversu háir vextir voru á lán-
inu og hann hafi heildarupphæðina
sem flokkurinn greiddi til baka ekki
á reiðum höndum. Engir afborgun-
arsamningar hafi verið gerðir við
veitingu lánsins, Guðjón Arnar hafi
aðeins fengið viðurkenningu á því
að flokkurinn skuldaði honum um-
rædda upphæð.
Enginn forgangur
Magnús Reynir Guðmundsson,
framkvæmdastjóri flokksins, segir
endurgreiðslu á láni Guðjóns Arn-
ars síður en svo hafa verið setta í
forgang hjá flokknum. Lánið hafi
frekar setið á hakanum á meðan
önnur lán voru greidd. „Flokkur-
inn átti innistæðu í bönkum þeg-
ar lánið var endurgreitt. Á láns-
tímanum fékk hann vexti nokkuð
reglulega, sem voru þeir sömu og
bankavextir.“ Hann segir að nú bíði
flokksins að leita nauðungarsamn-
inga við lánardrottna. Ekki séu
bundnar vonir við að framlög frá
flokksmönnum dugi til að greiða
skuldirnar sem flokkurinn standi
frammi fyrir.
vAlGEir örn rAGnArsson
blaðamaður skrifar: valgeir@dv.is
„Það greiddist í tveim-
ur áföngum, síðasta
greiðslan barst í upp-
hafi þessa árs.“
Guðjón Arnar Kristjánsson Lánaði
flokknum 4 milljónir króna og fékk það lán
endurgreitt að fullu. flokkurinn leitar nú
til flokksfélaga um að leggja honum til fé.
útistandandi skuldir eru að minnsta kosti 6
milljónir króna.