Dagblaðið Vísir - DV - 06.10.2009, Qupperneq 2

2 Þriðjudagur 6. október 2009 fréttir
LÍFEYRISSJÓÐSMÖNNUM
bOÐIÐ Í LAX Í YTRI-RANGÁ
Eignastýringarfyrirtækið Íslensk verð-
bréf bauð starfsmönnum lífeyrissjóðs
í laxveiði í Ytri-Rangá í lok ágúst. Siða-
reglur lífeyrissjóða kveða hins vegar
skýrt á um að starfsmenn megi ekki
þiggja slíkar boðsferðir og að lífeyris-
sjóðurinn eigi þá að borga fyrir ferð-
ina.
Starfsmenn nokkurra lífeyrissjóða
greiddu aftur á móti fyrir veiðileyfi sín
sjálfir, öfugt við það sem tíðkast hefur
á liðnum árum að þeirra sögn, og bera
þeir því við að aðstæður og viðhorf í
samfélaginu hafi breyst eftir efnahags-
hrunið.
Lífeyrissjóðirnir þar sem starfs-
mennirnir vinna eru viðskiptavinir og
eða hluthafar í Íslenskum verðbréfum.
Stríðir gegn siðareglum
Stefán Halldórsson, framkvæmdastjóri
Lífeyrissjóðs verkfræðinga, segir að Ís-
lensk verðbréf hafi greitt fyrir veiðileyfi
hans sem og gistingu og uppihald. Ís-
lensk verðbréf greiddu einnig fyrir fjár-
málastjóra lífeyrissjóðsins, Guðmund
Friðjónsson, að sögn Stefáns. Hann
segist þó aðeins hafa verið í einn og
hálfan dag af þremur, á laugardegi og
sunnudegi. „Ég var þarna í laxveiði
þessa daga,“ segir Stefán.
Aðspurður hvort það stangist ekki á
við siðareglur lífeyrissjóðsins að þiggja
slíkar boðsferðir segir Stefán að alla-
jafna sé ekki gert ráð fyrir að starfs-
menn þiggi slík boð. „Það fer eftir eðli
málsins. Það er gert ráð fyrir því að líf-
eyrissjóðurinn beri kostnaðinn alla-
jafna en í þessu tilfelli var það ekki
gert. En stjórn sjóðsins var kunnugt
um þetta og samþykkti ferðina,“ segir
Stefán og bætir því við að þeir hafi farið
nokkrum sinnum í veiðiferðir með Ís-
lenskum verðbréfum á liðnum árum.
Stefán segir aðspurður að ástæðan
fyrir laxveiðiferðinni hafi verið sú að
Íslensk verðbréf sjái um eignastýringu
fyrir lífeyrissjóðinn. „Við höfum átt í
samskiptum við þessa aðila sem sjá
um eignastýringu fyrir okkur. Mark-
miðið með veiðiferðinni var að hitta
þá og ræða við þá um viðskipti okkar
í öðru umhverfi en við fundarborð,“
segir Stefán.
Dagurinn í Ytri-Rangá kostar 128
þúsund krónur á stöng á þessum árs-
tíma og gisting og uppihald í veiðihús-
inu við ána tæplega 20 þúsund krónur.
Stangast á við orð fram-
kvæmdastjórans
Orð Stefáns stangast á við orð fram-
kvæmdastjóra Íslenskra verðbréfa,
Sævars Helgasonar. Sævar segir að-
spurður að allir lífeyrissjóðsmenn-
irnir hafi greitt fyrir veiðileyfi sín
sjálfir: „Nei, þeir borguðu veiðileyf-
in sjálfir. Þetta var ekkert á vegum
Íslenskra verðbréfa. Að öðru leyti
ætla ég ekki að tjá mig um þetta mál.“
Hann segir aðspurður að fyrirtækið
hafi boðið starfsmönnum úr lífeyris-
sjóðum í veiðiferðir en það hafi ekki
verið sömu aðilar og voru við veið-
ar í Ytri-Rangá í lok ágúst. „Þetta var
ekki á okkar vegum. Fólkið var þarna
á sínum eigin vegum... Ég skipti mér
ekki af því,“ segir Sævar sem var sjálf-
ur með í för í Ytri-Rangá þessa helgi.
Breytt viðhorf í samfélaginu
Sumir lífeyrissjóðsstarfsmannanna
greiddu sjálfir fyrir veiðiferðina, líkt
og Sævar segir. Skúli Skúlason, fjár-
mála- og aðstoðarframkvæmda-
stjóri lífeyrissjóðsins Stafa, segir að
hann hafi greitt kostnaðinn við ferð-
ina sjálfur. „Ég fór á eigin vegum; ég
borgaði sjálfur. Ég myndi ekki fara
í svona boðsferð, eins og gefur að
skilja,“ segir Skúli sem var í veiðiferð-
inni í þrjá daga.
Hann segir að í fyrra hafi hann
farið í Ytri-Rangá um þetta sama leyti
en að þá hafi hann ekki borgað sjálf-
ur, heldur Íslensk verðbréf. „En það
er búið að taka fyrir slíkt,“ segir Skúli
og bætir því við að þetta sé dýrasta
veiðiferð sem hann hafi farið í.
Kári Arnór Kárason, fram-
kvæmdastjóri lífeyrissjóðsins Stapa,
segist sömuleiðis hafa verið í veiði-
ferðinni en hafa greitt fyrir hana sjálf-
ur. Hann segir að þetta hafi ekki ver-
ið svona síðustu ár; þá hafi Íslensk
verðbréf borgað. „Ég held að allir hafi
borgað fyrir sig í þetta skipti. Þess
IngI F. VIlhjálmSSon
blaðamaður skrifar ingi@dv.is
listi yfir stærstu hluthafa
Íslenskra verðbréfa:
n Byr sparisjóður 27%
n Íslensk eignastýring hf. 22%
n Stapi lífeyrissjóður 15%
n Lífeyrissjóður starfsmanna sveitarfélaga 15%
n Lífeyrissjóður Vestfirðinga 10%
listi yfir lífeyrissjóðsstarfsmenn í
veiðiferðinni í Ytri-Rangá:
n Guðrún Guðmannsdóttir, framkvæmdastjóri Lífeyrissjóðs Vestfirðinga
- Borgaði sjálf
n Kári Arnór Kárason, framkvæmdastjóri Lífeyrissjóðsins Stapa
- Borgaði sjálfur
n Stefán Halldórsson, framkvæmdastjóri Lífeyrissjóðs verkfræðinga
- Íslensk verðbréf borguðu
n Guðmundur Friðjónsson, fjármálastjóri Lífeyrissjóðs verkfræðinga
- Íslensk verðbréf borguðu
n Skúli Skúlason, fjármála- og aðstoðarframkvæmdastjóri Stafa
- Borgaði sjálfur
n Jón G. Kristjánsson, framkvæmdastjóri Lífeyrissjóðs starfsmanna sveitarfélaga
- Borgaði sjálfur
Úr siðareglum Stapa,
úr grein 8.2.:
„Eðlilegt er að starfsmenn sæki kynningar- og fræðslufundi um fjárfestingar sem
skipulagðar eru af þjónustuaðilum og til þess fallnir að afla sjóðnum upplýsinga
um viðskiptatækifæri eða valkosti í eignastýringu. Efni fundanna verður að vera
stutt gögnum sem eru til reiðu á fundunum. Skal gögnum haldið til haga í að
minnsta eitt ár. Vettvangur fundanna ætti ekki að krefjast ferðalaga umfram það
sem nauðsynlegt getur talist. Sjóðurinn skal að jafnaði bera kostnað vegna ferða
og gistingar.“
Sævar leiðrétti ummæli sín
Sævar Helgason hafði samband við DV eftir að hafa sagt við blaðið að Íslensk
verðbréf hefðu ekki greitt fyrir laxveiðina í Ytri-Rangá fyrir neina lífeyrissjóðs-
starfsmenn. Í tölvupósti hans kom fram að Íslensk verðbréf hefðu greitt fyrir
fulltrúa eins lífeyrissjóðs, líklega Lífeyrissjóðs verslunarmanna. Sævari var sendur
tölvupóstur í kjölfarið þar sem hann var spurður af hverju hann hefði ekki sagt
blaðamanni frá þessari staðreynd í fyrra samtali þeirra. Engin svör bárust frá
Sævari við þeim tölvupósti DV.
Eignastýringar-
fyrirtækið Íslensk
verðbréf bauð
starfsmönnum
lífeyrissjóðs í
lax í Ytri-Rangá.
Sumir lífeyris-
sjóðsmannanna
borguðu þó fyrir
sig sjálfir. Stöngin
kostar tæplega 130
þúsund krónur á
dag og uppihaldið
20 þúsund. Fram-
kvæmdastjóri Ís-
lenskra verðbréfa
segir að allir hafi
borgað fyrir sig
sjálfir. Boðsferðir
lífeyrissjóðs-
manna eru fátíðari
en áður.
Stangast á Orð Sævars
Helgasonar, framkvæmda-
stjóra Íslenskra verðbréfa,
um greiðslu kostnaðar
við laxveiði í Ytri-Rangá,
stangast á við það sem
lífeyrissjóðsmaður segir.
„Nei, þeir borguðu veiðileyfin sjálfir.
Þetta var ekkert á vegum Íslenskra verðbréfa.“