Dagblaðið Vísir - DV - 06.10.2009, Page 4

4 þriðjudagur 6. október 2009 fréttir
Borghildur Guðmundsdóttir, eða
Bogga eins og hún er oftast kölluð,
dvelur nú í Kentucky í Bandaríkj-
unum og bíður eftir að réttað verði í
forsjármáli hennar 15. október. Hún
á tvo syni með bandarískum manni,
Richard Colby Busching. Hæstirétt-
ur á Íslandi komst að þeirri niður-
stöðu fyrir stuttu að hún skyldi fara
aftur til Bandaríkjanna með dreng-
ina eftir að hafa verið á landinu síð-
an í janúar árið 2008.
Aðstandendur Boggu settu í gang
söfnun áður en hún hélt utan en nú
er söfnunarféð uppurið.
„Já, ég er orðin auralaus. Söfnun-
arféð hefur farið í lögfræðikostnað,
flug, uppihald og ég gæti eflaust tal-
ið endalaust. Þó að pabbinn borgi
lánið af húsinu eins og er þarf ég að
borga allan annan kostnað af hús-
inu og auðvitað uppihald. Svo er
aukakostnaður eins og skólamat-
ur sem er um hundrað dollarar á
mánuði, skattarnir og fleira,“ segir
Bogga. Hún nýtur dyggrar aðstoðar
fjölskyldu og vina en það er hugsan-
lega ekki nóg. Ef peningarnir klárast
algjörlega getur hún ekki barist fyrir
sonum sínum.
„Ég lifi á voninni. Systir mín
hjálpar mér mikið og ég fæ góða
hjálp frá vinum mínum hérna í
Kentucky. Ef ég verð peningalaus þá
er ég ekki fær um að berjast áfram.
Það sem er svo erfitt að kyngja er
það að ég er handviss um að ég er
með unnið mál í höndunum en mig
vantar fjármuni sem undirstöðu.
Ég hef allt annað, baráttuanda í há-
marki og sönnunargögn fyrir því að
ég er tvímælalaust miklu betri aðili
til að ala börnin mín upp. Ég er góð
mamma og börnin mín og ég þekkj-
um ekkert annað en að vera sam-
an. Synir mínir vilja búa hjá mér og
vera á Íslandi. Ég mun gera allt sem
í mínu valdi stendur til að verða að
óskum þeirra í sambandi við það.
Ekkert er mér heilagra í lífinu en
fjölskyldan mín. Og mér finnst það
sem mestu máli skiptir í þessu að
virða óskir barnanna minna. Þeir
vita jú best hvað þeir vilja.“
Á Íslandi er hægt að styðja Borg-
hildi með því að leggja inn á reikn-
inginn 0323-26-004436, kt. 290976-
4219. Í Danmörku er reikningurinn
í Danske Bank með reg. nr. 3627 og
kontonr. 3617161532.
liljakatrin@dv.is
Auralaus Safnað var fyrir Boggu áður
en hún hélt til Bandaríkjanna en það fé
fór í lögfræðikostnað og uppihald.
Borghildur Guðmundsdóttir getur ekki haldið áfram án peninga:
„Ég lifi á voninni“
Birgir Fannar Pétursson hefur verið
ákærður fyrir líkamsárás og frelsis-
sviptingu. Honum er gefið að sök að
hafa veist að manni með ofbeldi og
krafið hann um greiðslu skuldar við
sig.
Í ákæru segir að Birgir Fannar
hafi slegið manninn í andlit og lík-
ama með þeim afleiðingum að
maðurinn rak höfuðið utan í bifreið
og féll í jörðina. Því næst hafi Birg-
ir Fannar neytt manninn í aftursæti
bifreiðarinnar og ekið með hann úr
Breiðholtinu í Reykjavík til Hafnar-
fjarðar þar sem lögreglan stöðvaði
hann.
Aðalmeðferð í málinu fór fram í
Héraðsdómi Reykjavíkur á föstudag.
Kærð árás átti sér stað í marsmán-
uði á síðasta ári. Samkvæmt ákæru
hlaut maðurinn rispur og mar við
hægra auga, mar á hálsi, sár á báðum
handleggjum og sár á hné.
Þóttist vera unglingsstúlka
Birgir Fannar er einna þekktastur fyr-
ir að hafa tekið þátt í keppninni Herra
Ísland árið 2007 og fyrir að hafa rekið
skemmtistaðinn Reykjavík/London.
Hann á að baki tvo refsidóma.
Birgir Fannar var í nóvember í fyrra
fundinn sekur um fjárkúgun. Þá
hafði hann skráð sig á einkamal.is og
þóst vera þrettán ára stúlka í leit að
kynferðislegum samskiptum við full-
orðna karlmenn.
Nokkrir karlmenn sendu Birgi
myndir af nöktum kynfærum sínum
í þeirri trú að hann væri ung stúlka
og komst hann sömuleiðis yfir nöfn
þeirra. Birgir kúgaði síðan fé út úr
mönnunum með því að hóta að birta
myndirnar og opinbera nöfn þeirra
ef þeir greiddu honum ekki tugi þús-
unda króna.
Birgir var dæmdur í fjögurra mán-
aða skilorðsbundið fangelsi.
Í október á síðasta ári var hann
síðan dæmdur til greiðslu 70 þúsund
króna sektar fyrir of hraðan akstur.
Þá hafði Birgir ekið Skutulsfjarðar-
braut á Ísafirði á 115 kílómetra hraða
en hámarkshraði þar er 60 kílómetr-
ar á klukkustund.
Hvíld í lögreglunni
Birgir Fannar hefur skapað sér orð-
spor sem glaumgosi og hefur í gegn-
um tíðina komist í fjölmiðla fyrir
glæsilegt útlit. Fyrir þremur árum
var hann í viðtali í DV þar sem talað
var um hann sem einn heitasta pip-
arsvein Reykjavíkur og honum líkt
við líkamsræktarfrömuðinn Gillzen-
egger. Birgir Fannar ræddi þar fjálg-
lega um kynni sín af fögrum fljóð-
um. „Ég þekki alveg nóg af dömum
og maður veður alveg í kerlingum,“
sagði hann.
Birgir Fannar fékk fjölmargar
áskoranir um að taka þátt í keppn-
inni Herra Ísland árið 2006 en lét þó
ekki verða af þátttöku fyrr en ári síð-
ar. Vefsíða var sett upp með upplýs-
ingum um þátttakendur og er Birgir
þar meðal annars spurður við hvað
hann starfar. Þar stendur: „Starf:
Smiður / lærlingur og svo taka frí frá
því eftir áramót og skella sér í lög-
regluna til að hvíla sig örlítið.“
Gert er ráð fyrir að dómur í mál-
inu gegn Birgi Fannari verði kveðinn
upp innan þriggja vikna.
Við vinnslu fréttarinnar náðist
ekki tal af Birgi.
ErlA Hlynsdóttir
blaðamaður skrifar: erla@dv.is
„Þeir reyndu að kúga út úr mér fimm-
tíu þúsund krónur og ég átti að leggja
þær inn á tiltekinn reikning,“ segir
Arnmundur Kr. Jónasson en honum
var vikið frá störfum hjá KFUM þar
sem hann gegndi svokölluðu leið-
togahlutverki. Hann segir að dreng-
irnir beri á hann rangar sakargiftir og
viðmælandinn, sem hann taldi vera
stúlku, hafi ekki sagst vera fjórtán
ára. Hann segist aldrei hafa talað við
smákrakka, eins og hann orðar það,
á MSN-spjallforritinu, þar sem meint
brot á að hafa átt sér stað.
Umdeild heimasíða
Atvikið kom upp fyrir viku þeg-
ar tveir menn, þeir Birgir Fannar
Pétursson og Gísli Steinar Jóhann-
esson, lögðu tálbeitu fyrir menn á
einkamal.is. Þar sögðust þeir vera
fjórtán og þrettán ára stúlkur í gegn-
um spjallforritið MSN. Mennirnir
sem virðast hafa gleypt við beitunni
sýndu kynferðislega tilburði í gegnum
vefmyndavél. Birgir og Gísli birtu svo
þær myndir á heimasíðu sinni ásamt
nöfnum, aldri og í einu tilfelli síma-
númeri. Uppátækið hefur vakið gríð-
arlega athygli vegna þess að Kompás
hefur í síðustu tveimur þáttum sín-
um gert slíkt hið sama. Lögreglunni
er ekki heimilt að notast við tálbeitur
og því óljóst hvort hægt er að ákæra
menn fyrir athæfið.
Með banvænan taugasjúkdóm
„Ég er með MND sem er tauga-
hrörnunarsjúkdómur,“ segir Arn-
mundur sem var staddur í Svíþjóð
vegna rannsókna á sjúkdómnum
þegar viðtalið var tekið við hann.
Hann segir það ekki á sig leggjandi að
vera sakaður um slíkt á meðan hann
heyi dauðastríð. Hann segir það ófor-
svaranlegt að menn skuli taka lögin
svona í eigin hendur og birta mynd-
ir af fólki án nokkurra sannana eða
rökstuðnings. Nafn hans verði seint
hreinsað af slíkum áburði og því vill
hann fara með málið alla leið í dóms-
kerfinu. Hann segir myndirnar fals-
aðar enda sjáist ekki í kynfæri hans
og andlit á sömu mynd. Arnmundur
segir að myndirnar geti verið af hverj-
um sem er.
Vikið úr KFUM
Æskulýðsfulltrúinn Ragnar Snær
Karlsson hjá KFUM segir að Arn-
mundi hafi verið vikið frá störfum um
leið og málið kom upp. „Vinnureglan
hjá okkur er sú að ef upp kemur vafi er
mönnum umsvifalaust vikið úr starfi
á meðan málið er rannsakað,“ segir
hann.
Aðspurður hvort Arnmundur
muni fá starf aftur verði hann sýkn-
aður segir Ragnar að því sé ómögu-
legt að svara. „Það veltur á því hvers
eðlis niðurstaðan verður,“ segir hann
og bendir á að ef eitthvað misjafnt
kemur upp þrátt fyrir sýknu fái hann
ekki starf aftur. Ragnar ítrekar þó að
ómögulegt sé að svara slíkri spurn-
ingu eins og málið stendur í dag.
Kúgaði ekki
Birgir Fannar Pétursson, annar
þeirra sem setti sig í samband við
mennina, segir myndirnar af Arn-
mundi hafa verið teknar í byrjun jan-
úar þegar Birgir Fannar villti á sér
heimildir og sagðist vera fjórtán ára
stúlka. Hann segir af og frá að reynt
hafi verið að kúga fé af Arnmundi en
vill að öðru leyti ekki tjá sig um málið
þar sem rannsókn þess sé í höndum
lögreglu.
„Við munum jafnframt rannsaka
hvort hann hafi orðið uppvís að slík-
um glæp um leið og við rannsökum
málið,“ segir Friðrik Smári Björgvins-
son, yfirlögregluþjónn í Reykjavík,
um kæru Arnmundar. Friðrik Smári
segist ekki muna eftir að menn hafi
kært fyrir svipað mál áður. Allt að tíu
ára fangelsi getur legið við brotum
þar sem rangar sakir eru bornar á ein-
stakling eða hafi brot verið ætlað til
þess að menn hljóti velferðarmissi.
föstudagur 2. febrúar 20076
Fréttir DV
InnlendarFréttIrritstjorn@dv.is
Dagfari og Geir Haarde
Dagfari hefur lengi verið að-
dáandi Geirs Haarde, sem og svo
margra annarra stjórnmálamanna.
Dagfari er ekki aðdáandi allra stjórn-
málamanna, ekki úrtölumannanna.
Helgi Hjörvar er kannski ágætur, en
hann fyllir ekki hóp átrúnaðargoða
Dagfara. Endalaust þras og þrætur
um fátækt barna á Íslandi er að verða
hvimleitt. Helgi fær greinilega seint
nóg af þrasinu.
Þess vegna varð það Dagfara mikil
huggun að heyra til forsætisráðherr-
ans á dögunum, þegar hann talaði af
þekkingu, yfirsýn og meðfæddri yfir-
vegun um fullyrðingar Helga og nið-
urstöður úr einhverri skýrslu, sem
ráðherrann og hans fólk vann reynd-
ar, en auðvitað er það rétt að niður-
staða skýrslu forsætisráðuneytis-
ins er ekki endilega rétt og segir ekki
endilega sannleikann.
Það verður að skoða málið frá öll-
um hliðum, það gerir Geir og Dag-
fari er sama sinnis. Dagfari vill ekki
skella fram niðurstöðum úr skýrslu
sem Geir og hans fólk gerðu eins og
það sé hinni eini og sanni sannleik-
ur. Rétt er að hinkra aðeins og skoða
málin áður en fallið er í þá gryfju að
fullyrða eitt og annað, jafnvel að óat-
huguðu máli.
Hvað er fátækt? Er ekki rétt að
byrja að skoða það? Hver getur sagt
hvað fátækt er? Ekki Dagfari, en er þó
nokkuð viss um hver hin andlega fá-
tækt er, en ekki meira um það, eins
og maðurinn sagði. Sumir þingmenn
mega hugsa sinn gang, en nú er Dag-
fari kominn á hálari braut en til stóð.
Kjarni málsins
er þessi að mati
Dagfara; á Alþingi
er hópur fólks sem
ekki skilur og ekki
veit hvað fátækt er.
Þess vegna er ver-
ið að eyða tíma
manna eins og
Geirs Haarde og
annarra upptek-
inna manna í þras
um eitthvað sem ekki er. Minnugur
sannleikans í orðum Davíðs Odds-
sonar bendir Dagfari á að það er ekki
merki um fátækt þó að fólk streymi
að hjálparstofnunum til að fá ókeyp-
is mat og aðrar nauðsynjar. Það seg-
ir það eitt, eins og Davíð benti á, að
þar sem er hægt að fá hluti gefins,
þar verður eftirspurn. Ekki er síður
vit í því þegar Geir Haarde bendir á
að fátæktin á Íslandi sé ekki alvarleg,
hægt sé að finna meiri fátækt í sum-
um öðrum löndum. Forsætisráð-
herra er Dagfara að skapi, hann kann
trikkið; svo skal böl bæta að benda á
eitthvað annað.
dagfari
„Þeir reyndu að kúga út
úr mér fimmtíu þúsund
krónur og ég átti að
leggja þær inn á tiltek-
inn reikning,“
„Ég hafna þessum ásökunum alfarið,“ s
egir Arnmundur Kr. Jón-
asson en mynd af honum var birt á he
imasíðunni 123.is/barna-
perrar.is í síðustu viku. Fullyrt var að Ar
nmundur hefði berað sig
í þeirri trú að hann væri að tala við fjórtá
n ára stúlku. Arnmundur
hefur kært málið og tiltekur í kæru að p
iltarnir sem halda úti síð-
unni hafi reynt að kúga út úr honum fé
vegna myndanna. Birgir
Fannar Pétursson, annar forsvarsmann
a síðunnar, neitar alfarið
að svo hafi verið.
Arnmundi Jónassyni
VAlUr grettisson
blaðamaður skrifar: valur@dv.is
Sakar heima-
SíðuSmiði um
fjárkúgun
Trylltur tölvufíkill
Lögreglan á höfuðborgar-
svæðinu var fengin til að hemja
unglingspilt í kjölfar ósættis um
tölvunotkun. Atvikið átti sér
stað í heimahúsi í Hafnarfirði
og hafði drengurinn tryllst þeg-
ar foreldrar hans tóku af hon-
um nettengingu. Fannst þeim
greinilega nóg komið af tölvu-
notkun drengsins. Við það tryllt-
ist unglingurinn, fékk útrás á
innanstokksmunum og fengu
foreldrarnir ekki við neitt ráðið.
Lögreglan þurfti að brjóta niður
hurð til að komast að drengnum
og róa hann niður. Þetta er ann-
að tilfellið á stuttum tíma þar
sem þarf að fá aðstoð lögreglu til
leysa deilur af þessum toga.
fangelsi fyrir
ölvunarakstur
Kona var dæmd í þriggja
mánaða fangelsi í Hæstarétti í
gær fyrir ölvun við akstur. Hún
hafði einu sinni áður verið
dæmd fyrir að aka svipt ökurétt-
indum. Við ákvörðun refsingar
hennar var litið til þessa og þess
að hún ók tvisvar svipt ökurétti
og er nú í fjórða sinni sakfelld
fyrir ölvun við akstur. Konan hélt
því fram að hún hefði eingöngu
drukkið tvo pilsnera og því ekki
verið ölvuð, en blóðsýni sýndu
annað.
Birgir Fannar Péturs-
son annar forsvarsmaður
heimasíðunnar hafnar
ásökunum arnmundar
um að hann hafi reynt að
kúga fé út úr honum.
netníðingar umræðan hefur verið
hávær um þær hættur sem leynast á
netinu og eru foreldrar hvattir til þess að
fylgjast með netnotkun barna sinna.
123.is/barnaperrar.is Heimasíðan birti
myndir af meintum kynferðisafbrota-
mönnum en mennirnir sem héldu henni
úti hafa verið kærðir fyrir rangar
sakargiftir.
200 milljónir í
umferðareftirlit
Stjórnvöld ætla að verja rúm-
um 200 milljónum króna í að
auka umferðareftirlit um land
allt næstu tvö árin. Gengið hef-
ur verið frá samningum milli
ríkislögreglustjóraembættisins,
Vegagerðarinnar og Umferðar-
stofu um eftirlitið.
Sturla Böðvarsson sam-
gönguráðherra sagði við undir-
ritun samningsins í gær að þetta
væri tímamótasamningur og
hrein viðbót við aðrar aðgerð-
ir. Kaupa á 32 ratsjártæki með
myndavélum, 16 myndavélar til
hraðaeftirlits og 11 öndunarsýn-
amæla.
Enn einn sterkur
janúarmánuður
Hlutabréf í úrvalsvísitölu
Kauphallarinnar hækkuðu um
tíu prósent að verðmæti í jan-
úar. Ef framhald yrði á þess-
um vexti myndu bréfin meira
en þrefaldast í verði á einu
ári. Ólíklegt er þó að svo verði
enda hefur hækkunin síðustu
ár verið meiri í janúar en það
sem eftir lifir árs samkvæmt
samantekt greiningardeild-
ar Landsbankans. Gangi spá
greiningardeildar Landsbank-
ans eftir hækka hlutabréf um
20 til 25 prósent á árinu.
2. eb ú 2007 Birgir
Fa n r hélt úti eim síðu þ r m
hann birti myndir f m intum
kynferðisafbrotamönnum.
GLAUMGOSI KÆRÐUR
FYRIR HANDRUKKUN
„Maður veður
alveg í kerlingum.“
Birgir Fannar Pétursson hefur verið kærður fyrir handrukkun í Lóuhólum á síð-
asta ári. Honum er gefið að sök að hafa veist að manni með ofbeldi og neytt hann í
aftursæti bifreiðar sem lögreglan síðan stöðvaði. Birgir Fannar var um tíma talinn
einn heitasti piparsveinn borgarinnar.
sekur um fjárkúgun Birgir Fannar Pétursson á
að baki dóm vegna fjárkúgunar. Þá þóttist hann
vera unglingsstúlka á netinu og lét karlmenn
senda sér nektarmyndir, sem Birgir síðan hótaði
að birta ef hann fengi ekki greitt. Mynd 365
Ónýtar
minningar
„Í ljósi þess sem hefur gerst þá
hafa minningarnar skemmst,“
sagði Ármann Þorvaldsson, fyrr-
verandi forstjóri Singer & Fried-
lander í Lundúnum, í Íslandi
í dag í gærkvöld, er hann var
spurður hvort hann sæi eftir að
hafa lifað fremur hátt á tímum
bankaævintýrsins á Íslandi. Ár-
mann sagði tilfinningarnar vera
blendnar þegar hann hugsar til
baka. Á uppgangstímum hélt
hann frægar áramótaveislur þar
sem meðal annars Tom Jones og
Duran Duran komu fram. Bók
Ármanns, Ævintýraeyjan, um
íslenska góðærið og efnahags-
hrunið kemur út í vikunni.
Færeyingar
eignast meiri-
hluta í Verði
Føroya Banki hefur keypt 51
prósents hlut í tryggingafé-
laginu Verði hf. Samkvæmt
samkomulaginu auka Føroya
Banki og núverandi hluthaf-
ar Varðar, SP-Fjármögnun
hf., NBI hf. og Byr sparisjóð-
ur, hlutafé félagsins um 700
milljónir króna. Með kaup-
um á hlutafé af núverandi
hluthöfum fyrir 550 milljónir
króna og 600 milljóna króna
hlutafjáraukningu nemur fjár-
festing Føroya Banka samtals
1.150 milljónum króna.
Birna finnur
jákvæða strauma
„Ég verð að viðurkenna það að
mér finnst okkur hafa verið tek-
ið betur en ég bjóst við,“ sagði
Birna Einarsdóttir, bankastjóri
Íslandsbanka, í samtali við
morgunútvarp Rásar 2 í gær.
Birna sagði að viðhorf alþjóð-
legra banka gagnvart íslenska
bankakerfinu hefði breyst til
hins betra. Hún sagðist vera
búin að hitta fulltrúa hátt í tut-
tugu banka undanfarna daga
þar sem meðal annars var farið
yfir hver staðan á Íslandi er.
Forsetabréf
rannsökuð
Rannsóknarnefnd Alþingis hef-
ur fengið afhent afrit sautján
bréfa sem forseti Íslands skrif-
aði erlendum áhrifamönnum í
þágu umsvifa íslenskra fjármála-
stofnana erlendis. Fréttablaðið
greindi frá þessu í gær. Bréfin
eiga það öll sameiginlegt að vera
rituð til stuðnings íslenskum
fjármálastofnunum eða komið
er að íslenska bankarekstrinum í
efni þeirra.