Dagblaðið Vísir - DV - 13.01.2010, Side 18

18 MIÐVIKUDAGUR 13. janúar 2010 FRÉTTIR
Læknir Michaels Jackson undirbýr sig fyrir réttarhöld, en hann er talinn eiga þátt
í dauða stjörnunnar. Á dánarvottorði Jacksons segir að dauða hans megi flokka
sem manndráp, en margt er á huldu um síðustu ævistundir poppstjörnunnar.
DAUÐI JACKSONS:
„MANNDRÁP“
Samkvæmt vefsíðu News of the
World var Michael Jackson, kon-
ungur poppsins, drepinn. Mið-
illinn komst yfir dánarvottorð
Jacksons og breytingar á því sem,
samkvæmt vefmiðlinum, hafa
ekki birst áður. Á vefsíðunni seg-
ir að á upprunalega dánarvott-
orðinu hafi dánardómstjórinn,
Cheryl MacWillie, neitað að upp-
lýsa um dánarorsök, en eftir frek-
ari rannsókn sé henni bætt við af
stallbróður Cheryls, Christofer
Rogers, sem skrái dauða Jacksons
sem „manndráp“.
Niðurstaða Christofers Rogers
er sú að Michael Jackson hafi látist
vegna „bráðrar propofol-eitrunar“
sem var tilkomin vegna „gjafar í
æð af öðrum“.
Nánast á sama tíma og News of
the World birtir frásögn sína hefur
Conrad Murray, læknir Jacksons,
ráðið stjörnulögfræðing ef til þess
skyldi koma að hann yrði ákærð-
ur vegna dauða Jacksons þann 25.
júní 2009.
Slagur stjörnulögfræðinga
Michael Flanagan, lögfræðingur
Conrads Murray, er ekki álitinn
neinn aukvisi og á meðal þess sem
honum er talið til tekna er að hafa
bjargað hjúkrunarkonu frá morð-
ákæru þegar hún var sök-
uð um að hafa gefið sjúk-
lingi propofol fyrir mistök.
Flanagan ætti því að vera
á heimavelli því propo-
fol hefur oft verið nefnt í
vangaveltum um dauða Mi-
chaels Jackson.
Í eiðsvarinni yfirlýsingu
viðurkenndi Conrad Murray
fyrir lögreglu að hafa gefið
Jackson propofol og fleiri lyf
í aðdraganda dauða hans.
Á vefsíðu News of the
World eru leiddar líkur að
því að ákæruvaldið beiti lög-
fræðingnum Patrick Dixon
fyrir vagninn, en hann átti
þátt í að koma Phil Spector á
bak við lás og slá.
Krefst vitneskju
Fjölskylda Michaels Jackson
á erfitt með að skilja af hverju
vitneskju um síðustu stund-
ir hans hefur verið haldið
leyndri, en að sögn heimildar-
manns vefsíðunnar, innan fjöl-
skyldunnar, setur fjölskyldan
traust sitt á lögregluna.
„Við höfum enn á tilfinning-
unni að fleiri en einn beri ábyrgð
á sorglegum dauða Michaels. Joe
mun ekki gefast upp á að ná fram
réttlæti fyrir son sinn og hann
stefnir á málsókn,“ er haft eftir
heimildarmanninum.
Fjölskyldan vill fá að vita ná-
kvæmlega hvaða lyf Jackson
voru gefin og hvað gerð-
ist síðustu stundir
ævi hans.
KOLBEINN ÞORSTEINSSON
blaðamaður skrifar: kolbeinn@dv.is
Sá síðasti þeirra sem reyndu að bjarga Önnu Frank látinn:
Miep Gies andast 100 ára
Miep Gies, konan sem tryggði að
dagbók Önnu Frank lenti ekki í
höndum nasista eftir að Anna var
handtekin, andaðist á mánudaginn,
100 ára að aldri.
Gies var ein þeirra sem skutu
skjólshúsi yfir Önnu Frank og fjöl-
skyldu hennar í Amsterdam, og fjóra
gyðinga að auki, í gyðingaofsóknum
nasista í síðari heimsstyrjöldinni.
Fjölskylda Önnu Frank dvaldi í leyn-
iherbergi um tveggja ára skeið, frá
júlí 1942 til ágúst 1944, en þá var fjöl-
skyldan handtekin af Gestapó eftir
að óþekktur uppljóstrari sveik hana.
Miep Gies fann dagbók Önnu
og faldi hana og kom henni síðar í
hendur Ottos Frank, föður Önnu,
sem var sá eini úr Frank-fjölskyld-
unni sem lifði af dvöl í útrýmingar-
búðum nasista. Að undirlagi Ottos
var Dagbók Önnu Frank gefin út árið
1947.
„Ég las ekki dagbókarskrif Önnu
[...] Það var eins gott að ég gerði það
ekki því ef ég hefði lesið þau hefði ég
þurft að brenna þau. Sumt af því sem
kom fram í þeim var hættulegt,“ sagði
Gies í viðtali árið 1998.
Í dagbókarskrifum Önnu Frank
var, auk dagdrauma um framtíðina
og annarra vangaveltna, að finna
nöfn allra fimm bjargvætta fjölskyld-
unnar og hefðu þær upplýsingar
komist í hendur Þjóðverja hefði þeim
verið bráð hætta búin. Gestapó hafði
bara vitneskju um tvær menneskjur
og handtók þær.
Miep Gies var heiðruð með ýms-
um hætti, meðal annars af þýskum
og hollenskum stjórnvöldum, en var
ekki í mun að gera mikið úr því sem
hún reyndi að gera fyrir fjölskyldu
Önnu Frank og fleiri gyðinga. Í end-
urminningum hennar sem komu út
sagði Gies: „Ég stend við enda langr-
ar, langrar raðar góðra Hollend-
inga sem gerðu það sem ég gerði
eða meira – miklu meira – á þessu
dimmu og hræðilegu tímum liðinna
ára, sem eru þó ávallt sem nýliðnir í
hjörtum okkar sem upplifðum það.
Ekki líður sá dagur að ég hugsi ekki
um það sem þá gerðist.“
Bauð nasistum birginn
Reyndi að bjarga Önnu
Frank og fleiri gyðingum.
MYND AFP
Í eiðsvarinni yfirlýsingu viðurkenndi Conrad
Murray fyrir lögreglu að hafa gefið Jackson
propofol og fleiri lyf í aðdraganda dauða hans.
Undirbýr sig fyrir réttarhöld
Conrad Murray, læknir Jacksons, hefur
ráðið þungavigtarlögfræðing.
„119
HOMICIDE“
Dánarvottorð
Jacksons,
seinni síða af
tveimur.
Fór á bak við
ráðherra sína
Forsætisráðherra Skotlands,
Alex Salmond, segir að Tony
Blair, fyrrverandi forsætisráð-
herra Bretlands, hafi látið undir
höfuð leggjast að upplýsa tvo
af sínum helstu ráðherrum
um leynilega áætlun um við-
skiptasamning fyrir Lockerbie-
sprengjuvarginn Abdelbaset
al-Megrahi í umdeildu „eyði-
merkursamkomulagi“ við Mu-
ammar Gaddafi í maí 2007.
Alex Salmond telur að Fal-
coner lávarður, einn traustasti
pólitíski vinur Blairs, og Jack
Straw dómsmálaráðherra hafi
trúað því að kröfum Líbíumanna
um lausn al-Megrahis yrði hafn-
að. Gordon Brown forsætisráð-
herra Bretlands samþykkti hins
vegar samkomulagið.
Ekki „löglegt
umboð“ til árása
Samkvæmt skýrslu hollenskr-
ar rannsóknarnefndar um
Íraksstríðið var ekkert réttmætt
umboð samkvæmt alþjóðalög-
um fyrir innrásinni í Írak árið
2003. Rannsókninni var stýrt af
Willibrord Davids, fyrrverandi
yfirmanni hæstaréttar Hollands,
og ein af niðurstöðunum var að
ályktun Sameinuðu þjóðanna á
þeim tíma hefði ekki gefið lög-
legan grundvöll fyrir valdbeit-
ingu gegn Írökum.
Einnig hreinsar skýrslan
ríkisstjórn Jans Peters Balken-
ende af ásökunum um að hafa
útvegað herstuðning við inn-
rásina. Samkvæmt skýrslunni
var stuðningur hollensku ríkis-
stjórnarinnar pólitískur en ekki
hernaðarlegur.
Banvænt
sjónvarpsgláp
Ástralskir vísindamenn hafa
komist að þeirri niðurstöðu að
hver einasta klukkustund sem
eytt er í sjónvarpsgláp auki lík-
urnar á því að viðkomandi fái
banvænan hjartasjúkdóm um
18 prósent. Einnig vöruðu vís-
indamennirnir við því að þeir
sem eyða miklum tíma á sóf-
anum ættu á hættu að deyja af
öðrum orsökum, til dæmis úr
krabbameini. Niðurstöður rann-
sóknarinnar taka ekki aðeins til
sjónvarpsgláps heldur einnig til
langvarandi setu við skrifborð
eða við tölvuvinnu. Líkamlegt
ástand viðkomandi hefði engin
áhrif þar á.
Niðurstöður sínar byggja
vísindamennirnir á eftirliti með
8.000 manns um sex ára skeið og
áhrifum sjónvarpsgláps á heilsu
þeirra til lengri tíma litið.