Dagblaðið Vísir - DV - 15.02.2010, Síða 16

16 MÁNUDAGUR 15. febrúar 2010 FRÉTTIR
Enn eitt kynlífshneykslið virðist hafa
skollið á ríkisstjórn Silvios Berlusc-
oni, forsætisráðherra Ítalíu. Berlusc-
oni hefur þó að öllum líkindum ver-
ið fjarri góðu gamni hvað það varðar,
en hægri hönd hans í ríkisstjórninni,
Guido Bertolaso, hefur verið vændur
um að hafa verið boðinn í kynlífsteiti,
af „stjarnfræðilegri“ stærðargráðu, í
skiptum fyrir verkefni á vegum hins
opinbera.
Guido Bertolaso, yfirmaður al-
mannavörnum landsins, varð hetja á
síðasta ári þegar hann hafði yfirum-
sjón með björgunaraðgerðum í kjölfar
jarðskjálftans í Abruzzo. Nú hefur hann
tvívegis boðist til að segja af sér eftir að
saksóknarar upplýstu um að hann sætti
rannsókn vegna meintra kynlífsveislna
og mútuþægni vegna opinberra verk-
efna.
„Hræðilegar og ærumeiðandi“
Guido Bertolaso, sem er kvæntur
tveggja barna faðir, vefur vísað ásök-
ununum á bug og þvertekur fyrir aðild
að umræddu kynlífshneyksli. Að hans
sögn hefur hann ekki heldur tengst
nokkru sem varðar spillingu. Bertolaso
sagði hinar „hræðilegu og ærumeið-
andi“ ásakanir á hendur sér vera „stór-
felldan misskilning“.
Saksóknarar í Flórens fyllyrða að
þeir hafi undir höndum símtalsupptök-
ur þar sem Bertolaso segist „ekki aðeins
njóta nudds heldur einnig kynferðis-
legrar þjónustu“ í Salaria Sport Village-
heilsuklúbbnum í Róm.
Vildi „góða yfirhalningu“
Guido Bertolaso hefur viðurkennt
að hafa sótt heilsuklúbbinn heim en
eingöngu með það fyrir augum að fá
sjúkranudd. Hann segist aldrei hafa
svikið ítölsku þjóðina og beri enga sök í
málum sem varða ólöglega veitta fram-
kvæmdasamninga.
Samkvæmt þeim símtölum sem sak-
sóknarar segjast hafa undir höndum,
og birt hefur verið úr í ítölskum fjöl-
miðlum, hafði framkvæmdastjóri Sal-
aria Sport Village samband við Bert-
olaso og sagðist vera að skipuleggja
„stjarnfræðilega“ einkateiti fyrir hann.
Tveimur mánuðum síðar hringdi Bert-
olaso í framkvæmdastjórann og spurði
hvort „Francesca, sú sama og vanalega“
væri á lausu því hann myndi „elska að
fá góða yfirhalningu“.
Tveimur mán-uðum síðar
hringdi Bertolaso í fram-
kvæmdastjórann og
spurði hvort „Francesca,
sú sama og vanalega“
væri á lausu því hann
myndi „elska að fá góða
yfirhalningu“.
KYNLÍF FYRIR VERKSAMNINGA
Nýtt kynlífshneyksli virðist vera í uppsiglingu á Ítalíu.
Forsætisráðherra landsins, Silvio Berlusconi, virðist ekki
tengjast því heldur hægri hönd hans, Guido Bertolaso.
Bertolaso hafði yfirumsjón með aðgerðum í Abruzzo og
naut mikillar hylli í kjölfarið.
KOLBEINN ÞORSTEINSSON
blaðamaður skrifar: kolbeinn@dv.is
Það hefur verið hart í ári hjá ljónum
og hýenum í Kenía vegna fæðuskorts
og því hafa yfirvöld brugðið á það ráð
að ferja þúsundir sebrahesta og anti-
lópa til þjóðgarðs í suðurhluta lands-
ins. Með þeim hætti hyggjast stjórn-
völd lægja óánægjuöldur á meðal
íbúa svæðisins sem hafa misst bú-
fénað sinn í gin soltinna ljóna og hý-
ena, og hótað að drepa ljón og hýen-
ur sem sitja um búfénaðinn.
„Það eru aðeins um tvö þúsund
ljón eftir í landinu og það er áhyggju-
efni að fjöldinn fer minnkandi,“
sagði Kentice Tikolo, talsmaður nátt-
uruverndarstofnunar landsins. Að
hennar sögn eru íbúar svæðisins
orðnir argir og hafa hótað að drepa
ljónin. „Átök mannsins við náttúr-
una eru að fara úr böndunum,“ sagði
Kentice Tikolo.
Ætlunin er að flytja um fjögur
þúsund sebrahesta og þrjú þúsund
antilópur til Amboseli-þjóðgarðsins
sem er í Rift-dalnum í Kenía. Sebra-
hestarnir verða fluttir fyrst og síðan
kemur röðin að antilópunum þeg-
ar burði lýkur. Ætlunin er þó ekki að
kasta dýrunum fyrir fætur ljónanna
og hýenanna heldur standa vonir til
að sebrahestarnir og antilópurnar
fjölgi sér og myndi fæðustofn fyrir
ljónin til lengri tíma litið.
Að sögn Tikolo mun kostnað-
ur af þessum flutningum frá vernd-
arsvæðinu Soysambu í Nakuru, og
þremur öðrum stöðum, verða um 1,4
milljónir bandaríkjadala, sem sam-
svara rúmlega 180 milljónum króna.
Ferðamennska er önnur mesta
gjaldeyristekjulind Kenía og um tut-
tugu prósent tekna þjóðarinnar má
rekja til ferðaútvegs og þar vegur Am-
boseli-þjóðgarðurinn þungt og eru
ljón á meðal þeirra fimm tegunda
sem hvað mest aðdráttarafl hafa.
Stórfelldur flutningur á sebrahestum og antilópum í Kenía:
Fæðuskortur hjá ljónum
Sebrahestar bíða
flutnings 4.000
sebrahestar og 3.000
antilópur eiga að
mynda fæðustofn
ljóna. MYND AFP
Leitar stuðnings
meðal araba
Hillary Clinton, utanríkisráðherra
Bandaríkjanna, sækir Katar og Sádi-
Arabíu heim í vikunni og að sögn
bandarískra embættismanna hyggst
hún leitast við að fá fleiri arabaríki
til að beita diplómatískum þrýstingi
gegn Íran, til að hamla gegn fyrirætl-
unum þeirra í kjarnorkumálum.
Hillary Clinton vonast aukin-
heldur til þess að fá meiri stuðning
á meðal araba til að blása nýju lífi
í friðarviðræður á milli Ísraela og
Palestínumanna, en þær hafa legið
niðri í meira en ár.
Lýðræðissinna
sleppt úr haldi
Yfirvöld á Mjanmar hafa sleppt úr
haldi Tin Oo, háttsettum leiðtoga
úr flokki Aung San Suu Kyi leiðtoga
lýðræðissinna í landinu. Tin Oo var
sleppt úr haldi á laugardagskvöld og
lauk þar með sex ára stofufangelsi
hans.
Tin Oo, sem er varaformað-
ur flokks Aung San Suu Kyi, sagði
fréttamönnum fyrir utan heimili sitt
að hann myndi snúa til vinnu undir
eins á mánudag.
Í síðasta mánuði tilkynnti Muang
Oo hershöfðingi að Aung San Suu
Kyi yrði sleppt í nóvember þegar
hennar stofufangelsun lýkur.
Hald lagt á ólögleg-
ar eftirlíkingar
Lögreglan á Ítalíu hefur haldlagt
mikið magn ólöglegra efirlíkinga
sem fannst í átta iðnaðarskemmum
austur af Rómaborg. Á meðal þess
sem lögreglan komst yfir var leður-
fatnaður, sem að sögn lögreglunnar
var ótrúleg gæðavara, og annar fatn-
aður ýmiss konar, skór, leðurvörur
og aukahlutir. Lögreglan telur ekki
útilokað að vörurnar séu upprunn-
ar í Asíu.
Það er talið nokkuð víst að varn-
ingurinn hefði endað hjá götusöl-
um og á mörkuðum á Ítalíu og ver-
ið seldur undir merkjum þekktra
hönnuða.