Dagblaðið Vísir - DV - 25.06.2010, Side 4

Starfsmaður hljómsveitarinnar Ingó
og Veðurguðanna er sakaður um að
hafa látið ófriðlega gagnvart ball-
gestum í Sjallanum um síðustu helgi.
Stúlkur sem voru á ballinu segjast
vera með marbletti eftir að rótarinn
hafi ýmist hrint þeim eða tekið háls-
taki.
Það var aðfaranótt laugardagsins
19. júní sem dansleikurinn fór fram í
Sjallanum og þegar leið á kvöldið er
starfsmaðurinn sagður hafa gengið
harkalega fram gegn gestum á dans-
gólfi staðarins. Ingólfur Þórarinsson,
betur þekktur sem Ingó forsprakki
Veðurguðanna, bendir á að það sé
hlutverk starfsmannsins að halda ball-
gestum frá hljómsveitarmeðlimum.
Hafi viðkomandi gert það of harka-
lega biðjist hann velvirðingar. „Eftir
ballið komu starfsmenn staðarins
og kvörtuðu yfir honum. Það hefur
greinilega verið eitthvert vesen.
Sjálfur sá ég ekki hvað gerðist og veit
lítið um málið. Ég þekki nú viðkom-
andi og trúi því ekki að hann sé að
ráðast á fólk að ástæðulausu. Vonandi
hefur hann ekki verið með nein leið-
indi við fólk, hann er ekki vanur því og
því hlýtur þetta að hafa verið sérstakt
tilfelli ef rétt reynist,“ segir Ingólfur.
Vissulega brugðið
Júlía Björk Kristmundsdóttir, einn
ballgesta umrætt kvöld, fullyrðir að
starfsmaður hljómsveitarinnar hafi
látið ófriðlega gagnvart gestum Sjall-
ans. Aðspurð segist hún ekki hafa
átt nein samskipti við rótarann fyrr
en lætin byrjuðu. „Við vinkonurn-
ar vorum bara á dansgólfinu, eins og
flestir aðrir, þegar ég var allt í einu
tekin hálstaki aftan frá og vinkon-
um mínum var hrint í gólfið. Skyndi-
lega komu dyraverðir staðarins að og
allir voru dregnir í burtu. Við fengum
engar skýringar á þessari hegðun,“
segir Júlía Björk.
„Við höfðum ekki átt nein sam-
skipti við viðkomandi fyrr en þetta
gerðist. Þó að ég hafi verið vel við skál
var mér vissulega brugðið og vin-
konur mínar eru með marbletti eftir
þetta. Við erum ósáttar en ég á nú ekki
von á því að við kærum. En við óskuð-
um viðbragða hljómsveitarinnar á
vefsíðu þeirra en athugasemdinni var
eytt út. Við vildum að minnsta kosti fá
afsökunarbeiðni frá hljómsveitinni.“
Biðst velvirðingar
Björgvin Sigvaldason, umboðsmaður
hljómsveitarinnar, segir starfsmann-
inn hafa áralanga reynslu í starfi sínu.
„Ég er búinn að heyra frásagnir frá
kvöldinu og ætla ekki að rengja neinn.
Sjálfur sá ég ekki hvað gerðist en veit
að viðkomandi er með 14 ára reynslu
af því sem hann gerir. Ég mun að sjálf-
sögðu setja mig inn í hvað gerðist því
það er leiðinlegt ef rétt reynist. Ég er
búinn að heyra í stelpunum og afsök-
unarbeiðni hefur verið komið form-
lega á framfæri,“ segir Björgvin.
Ingólfur tekur í sama streng og
biðst velvirðingar á atburðinum.
„Svona frásögn tökum við að sjálf-
sögðu alvarlega og þurfum að tékka á
þessu betur. Hlutverk viðkomandi er
meðal annars að koma í veg fyrir að
fólk fari upp á svið en það þarf að gera
það á diplómatískan hátt. Kannski
hefur hann gert það með fullharðri
hendi. Ef einhver hefur meiðst af
völdum bandsins þá bið ég gesti inni-
lega afsökunar. Mér þykir það mjög
leiðinlegt.“
Viðbúnaður
gegn uppþotum
n Ráðherrar, þeirra á meðal Gylfi
Magnússon, hafa gefið í skyn að ekki
hafi komið til álita að setja lög til
bjargar fjármála-
fyrirtækjum í
kjölfar Hæsta-
réttardómsins
gegn gengis-
tryggingu bíla-
lána. Heimildir
eru þó fyrir því
að einmitt slík
lagasetning hafi
verið rædd strax eftir dómsupp-
kvaðningu á fundi með fulltrúum
ráðuneyta, banka og skilanefnda, en
ákveðið að gera ekkert í bili. Kannski
eins gott, því ekki er víst að almenn-
ingur hefði tekið því þegjandi á
Austurvelli 17. júní. Glöggir menn sjá
merki þess að lögreglan hafi einmitt
haft veður af mögulegri lagasetningu
og búist við aðsúgi gegn valdastétt-
inni, jafnvel við sjálfa Dómkirkjuna á
helgum þjóðhátíðardeginum.
Vanir menn
n Eftir helgina ætlar stjórn RÚV ohf.
að ræða þá ákvörðun Páls Magnús-
sonar útvarpsstjóra að ráða Sig-
rúnu Stefánsdóttur dagskrárstjóra
Sjónvarpsins
án auglýsingar.
Ari Skúlason,
stjórnar maður
í RÚV, gaf til
kynna fyrir helgi
að hann myndi
beita sér fyrir því
að staðan yrði
auglýst. Rifjast
þá upp að Ásmundur Stefánsson,
fyrrverandi bankastjóri  NBI, réði
Ara forstöðumann Landsvaka, verð-
bréfasviðs NBI banka, án auglýsing-
ar í fyrra. Fjármálaeftirlitið snupraði
bankamennina fyrir tiltækið; Ari
varð meira að segja að setjast á
skólabekk í verðbréfamiðlun og tók
ekki við starfinu fyrr en 1. júní síð-
astliðinn.

Áhugalausir
sjallar
n Taugastrekkingur ríkir fyrir
landsfund Sjálfstæðisflokksins
sem hefst í dag, föstudag. Marg-
ir málsmetandi
sjálfstæðismenn
telja ólöglega
boðað til fund-
arins, meðal
annars vegna
þess að ekki er
auglýst kjör til
miðstjórnar svo
sem kveðið er á
um í lögum flokksins. Frést hefur
að meirihluti miðstjórnar hafi sam-
þykkt um daginn að miðstjórnin
skyldi sitja áfram. Þessu líkja sumir
við að þingmenn kæmu sér saman
um að halda engar þingkosningar
meir því ágætt sé að sitja á þingi.
Aðrir kalla þetta valdarán eða
lögleysu. Mestar eru þó áhyggjur
Bjarna Benediktssonar og annarra
forkólfa flokksins af tómlæti flokks-
manna gagnvart fundinum.
hirtur Á
rotary-fundi
n Ýmsir löglærðir menn hafa látið
ljós sitt skína að undanförnu í kjöl-
far dóms Hæstaréttar um gengis-
tryggðu bílalán-
in. Einn þeirra er
Hróbjartur Jón-
atansson hæsta-
réttarlögmaður,
sem tjáði sig um
málið á Rotary-
fundi í Garða-
bæ í vikunni.
Mun hann hafa
tekið afstöðu með bönkunum og
fært rök fyrir því að þeim bæri að fá
sanngjarna vexti eða verðtryggingu
á móti niðurfellingu gengistrygg-
ingarinnar. Stóð þá upp Jónas A.
Aðalsteinsson, kunnur og reyndur
hæstaréttarlögmaður, og kvaðst ekki
þurfa neina túlkun á  afdráttarlaus-
um og skýrum dómi Hæstaréttar.
Allra síst frá Hróbjarti Jónatanssyni.
- Og settist svo.
sandkorn
4 fréttir 25. júní 2010 föstudagur
Rótari hljómsveitarinnar Veðurguðanna er sakaður um að hafa látið ófriðlega gagn-
vart ballgestum í Sjallanum um síðustu helgi. Forsprakki hljómsveitarinnar, Ingólfur
Þórarinsson, segir það hlutverk rótarans að halda fólki frá sviðinu og vonast til að
hann hafi ekki gert það of harkalega.
kvartað út af
rótara ingós
trAuStI HAfSteInSSon
blaðamaður skrifar: trausti@dv.is
Ef einhver hefur meiðst af völdum
bandsins þá bið ég gesti
innilega afsökunar. Mér
þykir það mjög leiðinlegt.
Afar leitt Ingólfifinnstleittef
starfsmaðurhljómsveitarinnar
hefurgengiðofharkalegafram
gegnballgestumSjallansum
síðustuhelgi.
Mynd krIStInn MAGnúSSon
kvörtuðu StarfsmennSjallanskvörtuðuundanstarfsmanniVeðurguðannaenhann
ersagðurhafalátiðófriðlegaástaðnum.
Anna Skúladóttir, fjármálastjóri
Orkuveitu Reykjavíkur, OR, vill ekki
tjá sig um bifreiðahlunnindi sín eða
annarra starfsmanna fyrirtækisins.
Að minnsta kosti ekki við DV.
Fjórir af æðstu stjórnendum OR
eru með jeppa til afnota kostaða
af borgarbúum. Verðmæti bílanna
glæsilegu er ekki undir þrjátíu millj-
ónum íslenskra króna og nýjasti
jeppinn bættist í safnið á dögun-
um, eins og DV greindi fyrst frá. Það
er glæsileg Mercedes Benz ML 350
jeppabifreið hennar Önnu.
Þrír aðrir yfirmenn eru með jeppa
frá fyrirtækinu: Nissan Pathfinder
árgerð 2006, Toyota Landcruiser ár-
gerð 2008 og Toyota Landcruiser ár-
gerð 2009. Líklegt verður að teljast
að forstjóri fyrirtækisins, Hjörleif-
ur Kvaran, sé með einn bílanna og
tveir framkvæmdastjórar fyrirtækis-
ins með hina tvo. Eftir því sem DV
kemst næst er verðmæti jeppanna
fjögurra yfir þrjátíu milljónir króna.
Áætlað verðmæti Nissan-bílsins er
6 milljónir, Toyota-bílanna 8 og 10
milljónir og Benzins 8 milljónir. Það
gera 32 milljónir króna samanlagt
fyrir toppana fjóra.
Hjörleifur Kvaran hefur sagst ætla
að endurskoða bifreiðahlunnindin
í ljósi umræðunnar síðustu daga og
mikillar gagnrýni. Hlunnindin hafa
verið í ráðningarsamningum fram-
kvæmdastjóranna.
DV leitaði viðbragða hjá Önnu
um bílahlunnindi sín en þau vildi
hún ekki ræða. Hún benti á forstjór-
ann til svara. „Ég hef ekkert um málið
að segja við DV,“ segir Anna.
trausti@dv.is
Anna Skúladóttir, fjármálastjóri OR, um bílahlunnindi stjórnenda:
RæðirekkiviðDV
flottur Benz Annafékkádögunum
glæsileganBenzML350bíltilafnota
fráOrkuveituReykjavíkur.