Dagblaðið Vísir - DV - 27.10.2010, Blaðsíða 11

MIÐVIKUDAGUR 27. október 2010 FRÉTTIR 11
SMÁKÓNGAVELDI SVEITARFÉLAGANNA
REYKJAVÍK
Íbúafjöldi 1. júlí 2010: 118.488
Kostnaður við yfirbyggingu: 2.862.944.000 kr.
Kostnaður á hvern íbúa: 24.175 kr.
SELTJARNARNES
Íbúafjöldi 1. júlí 2010: 4.353
Kostnaður við yfirbyggingu: 192.115.000 kr.
Kostnaður á hvern íbúa: 43.603 kr.
HAFNARFJÖRÐUR
Íbúafjöldi 1. júlí 2010: 25.937
Kostnaður við yfirbyggingu: 724.693.000 kr.
Kostnaður á hvern íbúa: 28.011 kr.
KÓPAVOGUR
Íbúafjöldi 1. júlí 2010: 30.546
Kostnaður við yfirbyggingu: 719.388.000 kr.
Kostnaður á hvern íbúa: 23.731 kr.
GARÐABÆR
Íbúafjöldi 1. júlí 2010: 10.737
Kostnaður við yfirbyggingu: 338.354.000 kr.
Kostnaður á hvern íbúa: 31.959 kr.
ÁLFTANES
Íbúafjöldi 1. júlí 2010: 2.530
Kostnaður við yfirbyggingu: 104.247.000 kr.
Kostnaður á hvern íbúa: 41.302 kr.
MOSFELLSBÆR
Íbúafjöldi 1. júlí 2010: 8.562
Kostnaður við yfirbyggingu: 231.570.000 kr.
Kostnaður á hvern íbúa: 27.157 kr.
Ef kostnaður við yfirbyggingu
sveitarfélaga er skoðaður í samhengi
við kostnað yfirbyggingar á hvern
íbúa í sveitarfélaginu er ljóst að mun
hagkvæmara er að reka sveitarfélög
í stærri einingum. Kostnaður á hvern
íbúa er mestur í minnstu sveitarfé-
lögunum á höfuðborgarsvæðinu;
Álftanesi og Seltjarnarnesi.
*Yfirbygging sveitarfélags: Sameigin-
legur rekstrarkostnaður allra sviða sem
heyra undir sveitarfélagið.
SMÆÐIN ER
ÓHAGKVÆM
Seltjarnarnes
GUÐMUNDUR MAGNÚSSON, forseti
bæjarstjórnar á Seltjarnarnesi (D-listi),
segir umræður um þessi mál ekki hafa
verið í gangi á Seltjarnarnesi enda
hafi rekstur bæjarfélagsins gengið
vel á undanförnum árum. Þá segir
Guðmundur jafnframt að fjárhags-
staða sveitarfélagsins sé traust þrátt
fyrir mikinn tekjusamdrátt vegna efn-
hagshrunsins. Hann segir Seltirninga
ánægða með þá gæðaþjónustu sem
bærinn veiti. Guðmundur telur líklegt
að jafn mikil hagræðing næðist fram
með meiri samvinnu sveitarfélaga
án sameiningar þeirra. „Samkeppni
er að mínu mati nauðsynleg á milli
sveitarfélaga, en á sama tíma eiga
sveitarfélögin að sýna ráðdeild og
eiga með sér gott samstarf og sam-
vinnu.“ Þá vill Guðmundur benda á að
Seltirningar eigi sína eigin hitaveitu
sem er skuldlaus og með gjaldskrá
sem er lægri en víðast hvar.
Hafnarfjörður
LÚÐVÍK GEIRSSON, varabæjar-
fulltrúi í Hafnarfirði og fyrrverandi
bæjarstjóri (S-listi), segist ekki hafa
verið talsmaður þess að sameina
stærstu sveitarfélög landsins. „Ég vil
miklu frekar að mynduð sé sameig-
inleg stór höfuðborgarstjórn sem
haldi utan um helstu sameiginlegu
hagsmunamál svæðisins, sem sagt
skipulags-, umhverfis-, samgöngu-,
atvinnu-, heilbrigðis- og öryggismál,“
segir Lúðvík og bendir á að slíkt hafi
gefist vel í nágrannalöndum okkar
og haft margvíslega hagræðingu í för
með sér.
Kópavogur
PÉTUR ÓLAFSSON, bæjarfulltrúi í
Kópavogi (S-listi), segir sameiningu
mál sem sveitarstjórnarfólk á
höfuðborgarsvæðinu verði að skoða
með opnum huga. „Samkeppni hefur
einkennt samspil þessara sveitarfé-
laga frekar en samstarf og því þarf
að breyta,“ segir Pétur. Hann bendir
jafnframt á að það sé sérkennilegt að
sveitarfélögin vinni ekki meira saman
að sameiginlegum verkefnum og
segir nauðsynlegt að setja aukin kraft
í að kortleggja vettvang samstarfsins
því einungis þannig vitum við hver
hagræðingin sé. Hann bendir á að
sveitarfélgin standi mörg hver frekar
illa og því sé eðlilegt að hugmyndir
um sameiningu kvikni á þessum tíma.
„Hins vegar verðum við að passa okk-
ur á því að sameina ekki sveitarfélög
eingöngu vegna þess að tíðarandinn
segi okkur að gera það.“

Mosfellsbær
HERDÍS SIGURJÓNSDÓTTIR,
formaður bæjarstjórnar í Mosfellsbæ
(D-listi), hefur ekki trú á að sveitar-
félögin á höfuðborgarsvæðinu muni
sameinast á næstunni en segir þau
hjá Mosfellsbæ hafa komið upp með
hugmynd um að skipta höfuðborgar-
svæðinu upp í þrjú sveitarfélög. „Ég
vil horfa á sameiningu út frá getu til
þjónustu við íbúa og því gæti verið
gott fyrir minni sveitarfélög að sam-
einast til að ná að sinna lögbundnum
nærþjónustuverkefnum,“ segir Herdís.
Hún segir jafnframt að stærri sveit-
arfélög á höfuðborgarsvæðinu hafi
burði til að sinna slíkum verkefnum.
ÁLIT BÆJARFULLTRÚA
yrðu Hafnfirðingar þannig áfram
Hafnfirðingar, gætu ráðið heilm-
iklu um sín mál og héldu sínum
sérkennum. „Kerfið eins og það er
hefur leitt til ofboðslega dýrkeyptr-
ar óráðsíu og þetta smákóngaveldi
hefur bara gagnast smákóngun-
um en ekki hinum almenna íbúa,“
segir Hjálmar sem telur meginat-
riðið til langs tíma ekki endilega
vera sparnað heldur frekar betra
skipulag og skynsamlegri stjórn-
sýsla. Svona stjórnareiningar mega
ekki verða of stórar því þá verður of
mikil fjarlægð á milli stjórnvaldsins
og borgaranna,“ segir Hjálmar sem
óskar þess að sameining sveitarfé-
laga á höfuðborgarsvæðinu muni
eiga sér stað sem allra fyrst.
Misjafnar áherslur
sveitarfélaga
Blaðamaður leitaði til nokkurra
bæjarfulltrúa á höfuðborgarsvæð-
inu og kannaði áhugann á sam-
einingu sveitarfélagana. Í ljós kom
að mismiklar áherslur eru lagðar á
þessi mál eftir sveitarfélögum og
virðist það skipta töluverðu máli
hvernig bæjarfélögin standa fjár-
hagslega. Sveitarfélög sem standa
vel virðast síður sjá hag sinn í sam-
einingu. Í því samhengi er vert að
benda á að Álftanes, sem komið
er í greiðsluþrot, hefur þegar hafið
sameiningarviðræður við Garða-
bæ og Seltirningar, sem standa vel
fjárhagslega, hafa ekki rætt sam-
einingarmál. Þá komu einnig fram
mismunandi hugmyndir um sam-
keppni og samvinnu sveitarfélaga.